Jeremiya 50:34 - Bhiblia Yo Sawuleka

³⁴ Aniko Mtiruli wawe mbwa mtamo, Mkoma wa Mabutho a Tiyimbi i ditina dakwe; ngu ditshuri a na emela mhaka yawe, ku va a txi na ninga kuhumula ha mafuni, ni kumalata vazumbi va Bhabhilona.

Jeremiya 50:34 Referans Kwoze

Isaya 54:5

Nguko M'vangi wako i mwamna wako; ditina dakwe Mkoma wa Mabutho a Tiyimbi; se Msawuleki wa Israyeli, ngene mtiruli wako; ene a na dhanwa ku Txizimu txa otshe mafu.

Jeremiya 51:36

Se a nje khene kha Mkoma: Wona ti to ni na emela mhaka yako, ni na pharela ngu kupharela ko dinganawe; ni na omisa linene lako, ni na maha ti to me guma mati a kona.

Jeremiya 15:21

Ni na kuhulukisa manzani ka vabihi, ni na kutirula manzani ka vanyatshiku.

Isaya 47:4

Ditina da Mtiruli wathu, Mkoma wa Mabutho a Tiyimbi, Msawuleki wa ka Israyeli.

Isaya 41:14

U nga thave, awe txipungwana txa Jakobe, sivathwana sa ka Israyeli; ani na kuvhuna, kuwomba Mkoma, kambe Mtiruli wako Msawuleki wa Israyeli.

Mika 7:9

Ni na xaniswa ngu kuhenya ka Mkoma, nguko ni mu onhete, kala kuza e lamula mhaka yangu, e ni mahela madingano angu, ene a na ni wuyisa kuwonekelani, se ani ni na wona kululama kwakwe.

Isaya 43:14

Mkoma, Mtiruli wako, i ku Msawuleki wa Israyeli, a womba tiya: Ngu mhaka ya ku mi randa, ni rumete valala Bhabhilona, se votshe ni na va maha ve relela kota vo tutuma, ni womba Vakaldheya, ka sitimela si va nga txi ti dhumisa ngu sona.

Masalmo 43:1

Ni lamulele, Txizimu txangu; u txi ni lwela ka vathu va vo biha, va kwa mbi na wukhongeli! Ni hulukise ka vathu va makuhu, vo kanganyisa.

Masalmo 35:1

Mkoma, abanisa avale va ni mangalelako; u txi lwa ni vale va ni lwisako.

Mika 4:10

Pfana kupanda ni kuthuma, awe mwanana wa dihorana wa Siyoni, ku nga wule a ku kuvelekani, nguko konkuwa u na huma ngu didhoropani, se u ya zumba thembweni, kambe u na tsimbila kala Bhabhilona, koneyo koko u na ya txhatxhiswa; Mkoma a na kutirula manzani ka valala vako.

Isaya 51:22

A womba tiya Mkoma Txizmu txako, Nyamne wako, wule a no lwela mhaka ya vathu vakwe: Wona taku ani na teka manzani kwako digombe di di levisako, nzambwa ya digombe da kuhenya kwangu; khu na mbi ngadi u di sela kambe.

Isaya 44:6

Mkoma, Mfumeli wa Israyeli, i ku Mtiruli wakwe, Mkoma wa Mabutho a Tiyimbi, a khene: Ani ngani wo khata, kambe ngani wo gwita, hahanze kwangu, kha ku nga ni Txizimu.

Mavingu 23:11

nguko Mtiruli wawe mbwa mtamo; ene a na va emela, se awe e kuwukela.

Mavingu 22:23

Nguko Mkoma a na emela mhaka ya mxaniseki kulamulwani, kambe a na thavisa wutomi wa vale va va pelako.

Mtuletelo 18:8

“Ngu konaho, makhombo ma nata ngu ditshiku dimwedo; lifo, txidilo, ni nzala; se a na hiswa ngu mndilo, nguko Mkoma Txizimu txi nga mu lamula, txi na ni mtamo.”

Jeremiya 51:19

Mkoma wa Jakobe kha fani ni vawe; nguko ene M'vangi wa sotshe; kambe Israyeli lihunzu la thomba yakwe.

Eksodha 6:6

Ngu mhaka yeto, u na womba ka vanana va ka Israyeli u txi khawe: Ani ngani Mkoma, kambe ni na mi humisa ka mithumo yo nemela ya ditikoni ka Egipta, ni na mi thusa wukhumbini kwanu, kambe ni na mi tirula ngu dianza dangu da mtamo ni mthumo wa hombe wa kulamula.

Jobe 19:25

Nguko na tiziva taku Mtiruli wangu wa hanya, niku ngu kugwitisa a na ema txitimwi ka mafu.

Isaya 49:25

Aniko Mkoma a womba tiya: Ngu ditshuri, tikhumbi ti nga thaviswa ka ndena, se sile si nga handwa ngu wa mtamo si na huluka; nguko ani ni nalwa ni vale valwako ni nawe, Kambe ani ni na hulukisa vanana vako.

Jeremiya 31:11

Nguko Mkoma a txhatxhisile Jakobe, a txi mtirula ka dianza di ku ni mtamo kupinda ene.

Jeremiya 31:35

Mkoma a khene, awu a ningako ditambo kuwoninga ditshiku, ni kuleletela mtxima ni tinyeleti ha wusikuni, a bhandako linene ni kudhindisa mavimbi a lona; ditina dakwe Mkoma wa Mabutho a Tiyimbi.

Jeremiya 32:18

Ngawe u nga mahela wumbilu magumi a mazana, u tshumeta wubihi wa vatate tikhanani ka vanana vawe msana kwawe; u wa hombe, Txizimu Nyamitamo, ditina dako u Mkoma wa Mabutho a Tiyimbi.

Sidilo 3:58

Mkoma, u lwete moya wangu u txi tirula wutomi wangu.

Joyeli 2:11

Se Mkoma wa guleta dipswi dakwe masoni ka masotxhwa akwe; nguko magovelo a kona nga mangi ngutu; nguko a ni mtamo, wu a mahako ti di nga womba dipswi da Mkoma; nguko ditshiku da Mkoma nda hombe kambe da thisa, se i mani waku a ngadi xanisa kani?

2 Makronika 6:39

engisa koko ngu nzumani, u di khalahatshile ka txikhalo txa ha u zumbako kona, mikombelo yawe ni kudila kwawe, se va mahele wumbilu, u divalela vathu vako ngako va di kuonhete.

Jeremiya 10:16

Awu i ku txiningo txa ka Jakobe kha fanani naso; nguko ngene mmahi wa silo sotshe; Israyeli lixaka la thomba yakwe, ditina dakwe Mkoma wa Mabutho a Tiyimbi.

Jeremiya 30:20

Vanana vawe va na nga kale, msengeletano wawe wu na tsana masoni kwangu; ni na peka votshe vatsindaveti vawe.

Jeremiya 48:15

Mowabhi a hasamutwe kumweko ni madhoropa akwe, majaha akwe ma tsulisilwe kudawani, a womba eto Mkoma, awu ditina dakwe i ku Mkoma wa Mabutho a Tiyimbi.