Jeremiya 50:33 - Bhiblia Yo Sawuleka

³³ Mkoma wa Mabutho a Tiyimbi a khene: Vanana va Israyeli ni vanana va Judha va khozisilwe kumweko; kambe votshe vale va nga va yisa wukhumbini, va va ñolisisile, kha va lava ku va txhatxha.

Jeremiya 50:33 Referans Kwoze

Isaya 14:17

Ngene a nga maha ti to ditiko di maha txiwula, e xasela madhoropa a dona, kani? Awu a nga lamba kuleka tikhumbi takwe ti ti tshulela mitini ka tona kani?

Isaya 58:6

Ina hi nga kona kutitona ku ni nga ku sawula: Kaku u txhatxha mabhanditxhi a wuonhi, u txhatxha tingoti to sunga dikange; ni ti to u va leka va di txhatxhekile vale vo xaniswa, u phatulela dotshe dikange dawe kani?

Isaya 47:6

Ni va henyete ngutu vathu vangu, ni nyenyezisile thomba yangu, se ni va ningete manzani kwako; khwa va pfela wusiwana, hambi txitimwi ka sikosana, u nemetile ngutu dikange dako.

Isaya 51:23

Aniko ni na di veka manzani ka vale va ku henyisako, va ku kha vona moyani kwako: Nama, kasi ku hi pinda ngu txitimwi kwako; se msana wako u wu mahile ku nga mafu, wu txi nga nzila ya vale va pindako.

Eksodha 8:2

Nga ti u txi lamba ku va leka va txi tsula, ni na tata ditiko dako dotshe ngu makhele.

Eksodha 5:2

Aniko Faro a to khene: “I maniMkoma, wa ku naza ni engisa dipswi dakwe, ni leka va ka Israyeli, ve tsula kani? Kha ni m'zivi Mkoma, kambe kha ni na mbi leka va ka Israyeli ve tsula.”

Jeremiya 50:7

Votshe va va nga txi ti mana va dayete; se valala vawe va txi kha vona: Ni mnandu wumwewo kha hi na mbi wu mana; nguko va onhete Mkoma, amu kuzumbako kona wululamo; ina, Mkoma, i kuthemba ya tate wawe.

Jeremiya 30:20

Vanana vawe va na nga kale, msengeletano wawe wu na tsana masoni kwangu; ni na peka votshe vatsindaveti vawe.