Jeremiya 50:29 - Bhiblia Yo Sawuleka

²⁹ Bhabhilona mu rambeleni vamatiko votshe va va dombako malaho; vekani mazumbo anu madhawani kwakwe, ku nga huluke ni wammweyo; a na tshumetelwe madingano ni mthumo wakwe, nga tona tile a nga maha, mmaheleni toneto, nguko a wukete Mkoma ngu ku ti gwilikisa, a wukete wo Sawuleka wa Israyeli.

Jeremiya 50:29 Referans Kwoze

Jeremiya 51:56

Nguko mxaseli wata txitimwi ka dona, txitimwi ka Bhabhilona, tindena takwe ti na ñolwa, ma funyetetwe malaho a tona: Nguko Mkoma Njizimu txo tshumetela, a na pharela.

Isaya 47:10

Nguko u thembile wubihi wako, se u txi khawe: Kha ni wonwi ngu m'thu; wutxhari wako ni wuzivi wako, eso si ku hambukisile, se u ti khawe mbiluni kwako: “Ani ngani, hahanze kwangu, kuwalo mmwani.”

Mtuletelo 18:6

M'tshumeteleni ngu ti nene a nga mi mahela tona. M'diheleni kambidi madingano ni mithumo yakwe ka digombe di a nga thela ngu dona so sela anu mu theleleni kambidi.”

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Eksodha 10:3

Se Mosi ni Aroni, va yite kambe ka Faro, va txi ya m'gela tiya: “Mkoma, Txizimu txa Vahebheru, a khene: U na gwita mbimo muni kukaneta u si ti veki hahatshi masoni kwangu kani? Leka vathu vangu ve huma, kasi va txi ya ni khozela.

Mtuletelo 16:6

Nguko avava ngako va nga theketa mnoha wa vasawuleki ni vaprofeti, na nawe u va ningile mnoha ve sela. Va ni fanelo yeto.

2 Vatesalonika 2:4

awu a kanetako ni kutiguleta txitimwi ka sotshe si si dhanwako ku i Txizimu, ni si si khozelwako, e za eya khalahatsha ngu wutumbu Dithepeleni ka Txizimu, a txi ti womba ku ene i Txizimu.

Dhaniyeli 11:36

Se mfumeli wuwa a na maha madingano ni kuranda kwakwe, a na tiguleta, e tikulisa txitimwi ka sotshe sizimu; a na womba-womba wubihi ngu Txizimu txa sizimu, kambe a na humelela an'ze magwito ka kuhenya; nguko ti ti nga vekiswa ti na maheka.

Dhaniyeli 5:23

Kambe u ti kulisile masoni ka Mkoma wa nzumani, nguko siya sa Nyumbani ka Mkoma si wuyisilwe masoni kwako, se awe, ni vahombe vako, ni vasikati vako, ni sigango sako, mi sete vhinya ngu sona; Hahanze keto, u to khozela sizimu sa silivhela, ni nzalama, sa koporo, sa tisimbi, sa tiphande, ni sa marigwi, si si woniko, si si engisako, si si zivako; aniko Txizimu txi wutomi wako, ni tinzila tako totshe, si ku manzani ka txona, khwa txi dhumisa.

Jeremiya 50:32

Awule wa kutikulisa, a na ti guta a txi wa, kha ku na mbi va ni wammweyo wa ku mu wusa; ni na dhivela mndilo ka madhoropa akwe, awu wu no hisetela otshe makhalo akwe.

Jeremiya 50:26

Ngonani mi txi ta lwa nayo, anu va magwito ka ditiko, tulani sisangala sakwe, mtshanzuketeleni e maha tinyanda, mi txi mkhundumusela e guma, a nga salelwe ngu txilo.

Jeremiya 50:24

Ni kuriyete mikuni, se u txikilwe, kambe awe Bhabhilona khwa tiziva: U manwi, kambe u ñotwe, nguko u wukete Mkoma.

Jeremiya 50:9

Wonani ti taku ni na wusa msengeletano hagari ka matiko a hombe a Wuphemba, kasi va na peka Bhabhilona, va na ti longisela dona; kukhukhela konaho, tingove tawe ti na fana ni ta ndena ya mtamo, kha ti na mbi hosa.

Isaya 37:23

U sote mani, niku u ruketete mani kani? Niku u kwangute u txi wukela mani, kambe u gulete mani maso kani? U wukete Msawuleki wa Israyeli!

2 Vatesalonika 1:6

Nguko ti lulamile ti to Txizimu txi tshumetela ngu sixaniso ava va mi xanisako.

Jeremiya 49:16

Kasi ngu mhaka ya mathiselo ako, kutikukumukisa ka mbilu yako ku kuxengile. Awe u zumbako mibhalani ka marigwi, u manekako txitimwi ka mimango, hambi u txo guleta txisaka txako nga digama, ni na kukhundumusa koneyo, kuwomba Mkoma.

Jeremiya 51:3

Nyatingove a domba wulaho wakwe ka wule a dombako wulaho nene, ni ka wule a ti thembiselako txikatawu txa txikete; kambe mi nga divaleleni mazambi akwe; fuvisani yotshe yimbi yakwe.

Jeremiya 51:24

Ni na tshumetela Bhabhilona ni votshe vazumbi va Kaldheya, wotshe wubihi wawe wule va nga wu maha ka Siyoni, khoheni kwanu, kuwomba Mkoma.

Jeremiya 51:49

Nga kule Bhabhilona a nga wisa vafi va Israyeli, nga toneto Bhabhilona ku na wiswa votshe vafi va ditiko.

Obhadhiya 1:15

Nguko ditshiku da Mkoma di hafuhi, txitimwi ka otshe matiko; ku nga ti u nga maha tona, nawe u na mahiswa toneto; wubihi wako wu na wela txitimwi ka msungo wako.

Jeremiya 25:14

Nguko ni vona va na khoziswa ngu matiko amangi, ni vafumeli va hombe; ni na va tshumetela kudingana ni simaho sawe, ni mithumo ya manza awe.

Jeremiya 48:26

Mleviseni nguko a ti kulisile masoni ka Mkoma; Mowabhi a na tshumelela ka makosa akwe, se ene a na xaniswa.

Sidilo 1:9

Nzambwa yakwe yi mu ka syambalo sakwe; kha za a di alakanyile ngu magwito akwe; ngu toneto, kuwa kwakwe kuvite ka hombe ngutu. A pwata ni mmalateli: “Wawo, Mkoma, kuxaniseka kwangu! Nguko mlala wa ti guleta!”

Sidilo 3:64

Awe u na va ninga hakhelo yawe, Mkoma, madingano ni mithumo ya manza awe.