Jeremiya 50:27 - Bhiblia Yo Sawuleka

²⁷ Dayani otshe marole a madhuna ngu ditxhari, ma tsuliseni wudayeloni: Dikhombo dawe! Nguko di hokile ditshiku dakwe, mbimo ya kutsayisa kwakwe.

Jeremiya 50:27 Referans Kwoze

Jeremiya 46:21

Hambi masotxhwa akwe ma ku hagari kwakwe, ma fana ni marole o nona ngutu; aniko ni ona ma tshurate, ma tutumile kumweko, kha ma tsanisela; nguko di tile txitimwi kwawe ditshiku da kufuviswa kwawe, i ku ditshiku da kuendelwa kwawe.

Isaya 34:7

Ni tinyari ti na txhika nayo, marole, ni madhuna; kambe mafu awe ma na sela mnoha wa sona me khura, ni lithulu lawe li na tala ngu mafura.

Jeremiya 48:44

Awule a no tutuma ngu msanekera a na wela diphalani, awu a no huma diphalani a na txikwa ngu mkuni; nguko ni na tisa txitimwi kwakwe, txitimwi ka Mowabhi ni vekile dilembe da kuhasamulwa kwakwe, kuwomba Mkoma.

Masalmo 37:13

Aniko Mkoma wa m'seka, nguko wa tiziva ti to masiku akwe ma komile.

Masalmo 22:12

Valala vavangi vo nga tikuzi ta tihomu, va ni randete; va ni randete nga tikuzi ta tihomu ta tshofu ta ditikoni ka Bhasani.

Mtuletelo 19:17

Ngu msana ni to wona ngelozi, yi di emile ha ditamboni, yi txi kwangula ngu dipswi da hombe ka sotshe si si purumako ha mpfhukani ka nzuma, yi txi kha yona: “Ngonani, tshanganani mi txi ta ka m'buso wa hombe wa Txizimu.

Mtuletelo 18:10

Va di emile ngu kule, ngu kuthava sixaniso sakwe, va na womba va txi kha vona: “Ayiwee, ayiwee, didhoropawe da hombe, Bhabhilona, didhoropa da mtamo, nguko kunukunuko u hoketwe ngu txitsayiso txako.”

Sidilo 1:21

Va tipfa to na kuma, aniko kha ni nga nayo wa ku ni xanguta. Votshe valala vangu ava va nga ziva kuxaniseka kwangu, va tsaka ngu ti u nga ni mahela; aniko u txi na wuyisa ditshiku dile u ngadi womba, ni vona va na fana ni nani.

Jeremiya 50:31

Wona ti taku ani na kuwukela awe nyakutikulise, kuwomba Mkoma, Txizimu txa Mabutho a Tiyimbi, nguko di hokile ditshiku dako, i ku mbimo yi ni no kuendela ngu yona.

Jeremiya 50:11

Hambi mi nga tsaka, mi txi ndakandaka ngu kupfa kutshamba anu vapi va thomba yangu, mi txi simbelana ku nga mo va marole a kuena, mi txi emba ku nga mahantxhi a mtamo.

Jeremiya 27:7

Otshe matiko ma na mthumela, ene ni mwanana wakwe ni mtukulu wakwe, kala ku txi hoka mbimo ya ditiko dakwe, ngu msana keto nene a na khoziswa, ngu matiko amangi ni vafumeli va hombe.

Jobe 18:20

Ngu ditshiku da kona, va na xamala avale va nota, se avale va kale va na ndakandakiswa ngu kudhukiselwa.

Jeremiya 12:3

O Mkoma, awe wa ni ziva, wa ti wona, wa xola mbilu yangu ti taku yi zumbisa kutxani kwako. Va khumule nga tinvuta ti ti yiswako txitshindoni, va longisele ditshiku da kudawa.

Jeremiya 25:34

Anu vadyisi, pekani huwa mi txi dila. Pulukutani dikhumani, anu vahombe va mtxhambi. Nguko masiku a kudawa kwanu ma hokile, ni na mi hangalasa, mi na wa, nga txiya txa lisima.

Jeremiya 48:10

A ruketetwe wule a mahako mthumo wa Mkoma ngu wukanganyisi! A ruketetwe nene wule asi lekiko kutheketa mnoha ngu ditxhari.

Jeremiya 48:15

Mowabhi a hasamutwe kumweko ni madhoropa akwe, majaha akwe ma tsulisilwe kudawani, a womba eto Mkoma, awu ditina dakwe i ku Mkoma wa Mabutho a Tiyimbi.

Jeremiya 51:40

Ni na va releta nga sinvutana wudayeloni, nga tihamba ni vamabhongwe.

Isaya 21:12

Se muwoneleli a to khene: Mixo yata, wusiku ni wona; se ngako mi txi lava ku wotisa, wotisani; tshumelani mi txita.

Isaya 34:6

Ditxhari da Mkoma di tate ngu mnoha, di tate ngu mafura, ni mnoha wa sinvuntana ni wa vamabhongwe, ngu mafura a titsho ta tihamba, nguko Mkoma a ni mphaxo kona Bhozira, ni kudayela ka hombe ditikoni ka Edhomi.