Jeremiya 50:21 - Bhiblia Yo Sawuleka

²¹ Kwela u wukela ditiko da Meratayime, khukha u txi di wukela, u lwisa vazumbi va Pekodhe: Xasela ni kukhundumusela sotshe ngu msana kwawe, kuwomba Mkoma, mahisa tona ti ni nga ku rumisa tona.

Jeremiya 50:21 Referans Kwoze

Ezekhiyele 23:23

I ku vanana va Vabhabhilona, ni votshe Vakaldheya va niya Pekodhe, va ku Sowa, Kowa, ni votshe vanana va Vasiriya va ku navo, mazambi ni mahorana o tshura, kumweko ni votshe vathangeli ni vathaviseki, vathangeli va tiyimbi ni votshe va ku ni nduma, votshe nava di gadhile mahantxhi.

Jeremiya 50:15

Mu wukeleni ngu diguwa, mi txi mu horolokela; ene se a ti ningete; sitsaniso sakwe si wite, maguma akwe ma khundumusetwe; nguko yimbi yiya nja Mkoma; mlwiseni, nga ti a nga maha, mahisani toneto kwakwe.

Jeremiya 50:9

Wonani ti taku ni na wusa msengeletano hagari ka matiko a hombe a Wuphemba, kasi va na peka Bhabhilona, va na ti longisela dona; kukhukhela konaho, tingove tawe ti na fana ni ta ndena ya mtamo, kha ti na mbi hosa.

Jeremiya 50:3

Nguko a wuketwe ngu ditiko dimwedo da Wuphemba, di no maha ti taku ditiko dakwe di maha txiwula, kha ku na mbi maneka wo zumba ka dona: Vathu va tutumile kumweko ni sifuyo sawe, va tsute.

Jeremiya 48:10

A ruketetwe wule a mahako mthumo wa Mkoma ngu wukanganyisi! A ruketetwe nene wule asi lekiko kutheketa mnoha ngu ditxhari.

Jeremiya 34:22

Wona, ni na va leletela ti taku ve wuya ka diya didhoropa, kuwomba Mkoma, va na lwa nado, ve di khozisa, va txi di hisa ngu mndilo; ni madhoropa a ka Judha ma na maha txiwula, ku si maneki wo zumba ka wona.

Isaya 48:14

Sengeletanani anu motshenu, mi engisa: I mani hagari kwawe a khalako kuzivisa timhaka tiya, kani? Mkoma a mrandile, a na maha kuranda kwakwe txitimwi ka Bhabhilona, ni diwoko dakwe di na wukela Vakaldheya.

Isaya 44:28

ni wombako ngu Siro, ni txi khani: M'dyisi wangu, a na maha totshe ti ti ni tsakisako; a txi khene kambe ka Jerusalema: U na aketwa; se ni ka dithepele a txi khene: Ti akete.

Isaya 10:6

Ni na mruma ku yalwa ni ditiko da wubihi, ni mleleta kuya wukela vathu vale ni nga va henyela, ku va handa ni ku va honyola siya sawe, se ni va veka ti to ve kandetelwa ku nga ndope ya tinzilani;

2 Makronika 36:23

Siro mfumeli wa Persiya a khene: Mkoma Txizimu txa nzumani, a ni ningile yotshe mifumo ya ha mafuni, e ni rweka mthumo wo mu akela nyumba kona Jerusalema, ditikoni da Judha. Ni wuhi a kuho hagari kwanu, ka votshe vathu vakwe, a na kwelele eya Jerusalema, se Mkoma, Txizimu txakwe txi na va ni nene.

2 Vafumeli 18:25

Se konkuwa u alakanya ku ani ni kwelete ka wukhalo wuwa kutalwa, ni si nga ni Mkoma kani? Mkoma a ni gete ku khene: Kwelela u ya lwisa ditiko dile.

2 Samuwele 16:11

Dhavhidha a to khene kambe ka Abhixayi ni ka sotshe sithumi sakwe: Wona, hambi mwanana wangu wo huma ndani kwangu, a lava ku ni daya, se a na lambisa kutxani ku ni daya mwanana wa ka Bhenjamini kani? Mlekeni e ni ruketela, nguko ngu toneto a nga gelwa ngu Mkoma.

1 Samuwele 15:3

Tsula koko, konkuwa, u ya xasela Vaamaleki, u onhetela sotshe si va ku naso, u nga vatsetse; aniko u na daya vavamna ni vavasikati, vafana ni vanana va ha tshumbuni, tihomu ni tinvuta, makamelu ni timbongola.

Dhewuteronome 33:27

Txizimu txa yotshe mbimo, mbuthavelo wako. Mawoko a txona nzivhuno sako kala kupinduka; txona txo tovela valala masoni kwako, txi txi kha txona: Va lovise!

Isaya 48:15

Ani, ngani ni nga womba; kambe ni m'dhani, ni na mtisa, ni kumaha nzila yakwe yi humelela.