Jeremiya 50:20 - Bhiblia Yo Sawuleka

²⁰ Ka ona masikuyo ni ka yoneyo mbimo, kuwomba Mkoma, ku na xotwa wubihi wa Israyeli aniko kha wu na mbi manwa, hambi sionho sa Judha kambe kha si na mbi maneka, nguko ni na divalela ava ni no va siyeta.

Jeremiya 50:20 Referans Kwoze

Mika 7:19

A na tshumela u hi pfela wusiwana, a na lovisa sihambunyeto sathu, kambe a na rinza sotshe sionho sathu txizivani ka linene.

Jeremiya 31:34

Kha ku na mbi maneka wo gondisa mwakelani, hambi mmwani ka mwanawe, ku khene: Zivani Mkoma; nguko votshe va na ni ziva, kukhukhela ka wam'dotho wawe kala ka wa hombe, kuwomba Mkoma; nguko ni na divalela wubihi wawe, kha ni na mbiswa ni txi alakanya sionho sawe.

Isaya 43:25

Ani, ani nipune, ngani ni pfhitako sihambunyeto sako, ngu kuranda kwangu, se sionho sako kha ni si alakanyi.

Isaya 1:9

I ti ku Mkoma wa Mabutho a Tiyimbi a sa hi siyela miboti, hi ndi na nga Sodhoma, di fana ni Gomora.

Masalmo 103:12

A tsulisa kule sihambunyeto sathu, nga ti Wutxani ku ku kule ni mswa-ditambo.

2 Pedro 3:15

Pimani ti to kuhonisela ka Mkoma wathu ngu kona kuhanyiswa kwanu! Ngu toneto, nene mwanathu wo randeka, Paulo, a mi bhalete ngu yona nzila yiya, madingano ni wuzivi wu a nga ningwa.

Isaya 44:22

Na hangalasa sihambunyeto sako kufana ni hunguva, ni sionho sako kufana ni direfu; tshumelela kwangu nguko ni ku tirute.

Mitengo 23:21

Ani kha ni woni dikhombo ka Jakobe, hambi kukarateka ka Israyeli. Mkoma Txizimu txawe a kumweko nayo mndani kwakwe. Mkoma wawe, awu va mahako migiyo ya ku mtsakela.

Varoma 6:13

mi nga ningeleni sihango sanu kuonhani, si maha matxhari a ku ambi lulama, aniko ti ningeleni ka Txizimu, nga va va nga huma kufani, ve hanya, mi teka sihango sanu si maha matxhari a kululama, a kuthumela Txizimu.

Jeremiya 33:15

Keyo masiku ni ka yoneyo mbimo ni na wusela Dhavhidha mpuka wo lulama; ene a na lamula ngu nongameto ni wululamo amu ditikoni.

Varoma 11:6

Kambe, ti txi tsimbila ngu kateko, hi nga ngadi kambe ngu mithumo; nguko, ngako i di ngu mithumo, kateko hi nga ngadi i di kateko.

Varoma 5:16

Se txihiwa txiya kha txi fani ni txionho txa m'thu wule wammweyo, nguko kulamula kule ku nga humelela ngu mhaka ya txionho txile txa tximwetxo, ku hi manisile mnandu; kasi txiningo txa wuxinji, atxi txi nga ta msana ka sionho so tala, txi hi manisile wululami.

Mithumo 3:26

Txizimu txi khatile ngu nganu ku mi wuyisela Txithumi txa txona Jesu, txi m'rumela ku ta mi katekisa, kasiku mi hunduluka, mmwani ni mmwani kubihani kwakwe.”

Mithumo 3:19

Ngu toneto, pandisekani mbiluni kwanu, mi txi hunduluka, kasi mi na mana divalelo ya sionho sanu.

Jeremiya 50:4

Ka masiku onayo ni ka yona yile mbimo, kuwomba Mkoma, vanana va ka Israyeli va nata, kumweko ni vanana va ka Judha; va na wuya va txi dila, va na lava Mkoma, Txizimu txawe.

Jeremiya 44:14

Aha kaku kha ku na mbi huluka ni wammweyo e maneka didhawa e sala wa ka Judha a nga wulelela ditikoni ka Egipta, kuya luvela, kasi kuteka ditiko da ka Judha, adi a nga txi navelwa kutshumela eya zumba ka dona; kha va na mbi tshumela, hahanze ka vale va nga huluka.

Masalmo 17:3

U xote mbilu yangu; u ni endete ni wusiku; u ni xolisisile, aniko khwa mana to biha; ni to pimisa ku khani, txisofu txangu kha txi na mbi tsulupeta.

Isaya 33:24

Se muaki ni wammweyo kha na mbi khene: Na lwala; nguko vathu va va no zumba ka dona, va na divalelwa ka wubihi wawe.

Jeremiya 33:8

Ni na va basisa ka wubihi wawe wotshe awu va nga ni onhela ngu wona; ni txi va divalela sionho sawe sotshe asi va nga ni wukela ngu sona, asi va nga hambuka ngu sona masoni kwangu.

Ezekhiyele 18:22

Ka sotshe sihambunyeto si va nga si maha, kha si na mbi alakanywa; a na hanyiswa ngu kululama kwakwe a nga kumaha.

Zakariya 3:9

Nguko ndide hawa dirigwi di ni ngadi veka masoni ka Joxuwa; txitimwi ka dirigwi di da dimwedo, ku ni mtxhanu wa maso ni mambidi; wona taku ani ni na kenyela mibhalo ya kona, kuwomba Mkoma wa Mabutho a Tiyimbi, ni na thavisa wubihi wa ditiko diya ngu ditshiku dimwedo.

Masalmo 85:3

u emisile kutsukula kwako; u siwukisile dikhulo da kuhenya kwako.

Isaya 10:21

Miboti yi na hunduluka, ina, miboti ya ka Jakobe yi na tshumelela ka Txizimu txa mtamo.

Sidilo 4:22

Anu vanana va Siyoni, kupekwa kwanu ku gumile Mkoma kha na mbi ngadi a txi mi yisa wukhumbini. Kasi anu vanana va Edhomi, a ngadi a txi na mi pekela sionho sanu a txi humisa minandu yanu hakubasani.

Zefaniya 3:12

Aniko hagari kwako ni na siya vathu vo ti veka hahatshi, va sisiwana, se vona va na themba ditina da Mkoma.