Jeremiya 50:2 - Bhiblia Yo Sawuleka

² Zivisani hagari ka matiko; pfalisani, mi txi gwimba m'jeke, pfalisani mi nga feketeleni; wombani mi txi khanu: Ku tekilwe Bhabhilona, a phazamisilwe Bheli, a gumutwe Merodhaki, si wisilwe tingana sifananiso sawe, sizimu sawe si wisilwe.

Jeremiya 50:2 Referans Kwoze

Isaya 46:1

Bheli a wisilwe, Nebho a namile, sithombe sawe si vekwa txitimwi ka sihari, txitimwi ka sihari sa hombe; mirwalo ya tithundu tanu, ya karalisa sihari sa hombe so karala.

Isaya 21:9

Se wonani konkuwa, wata mtxawa wa vavamna ni vagadhi va mahantxhi ngu vambidi-vambidi. Sekoko, a to xamula a txi khene: “Di wite ditiko da Bhabhilona, di wite!” Se sotshe sifananiso sa sizimu sawe so vatwa, si fayekete ha mafuni.

Jeremiya 51:47

Ngu toneto, ma nata masiku ale ni nota tsayisa sifananiso sa Bhabhilona, ni dotshe ditiko dakwe di na thelwa tingana, ni votshe vathu va no dawa va na wela hagari kwakwe.

Jeremiya 51:44

Ni na tsayisa Bheli kona Bhabhilona, ni na mkosisa asile a nga si mita, kha na mbi ngadi e dhundwa kambe ngu matiko. Ni diguma da Bhabhilona di wite.

Mtuletelo 18:2

Konako yona yi to kwangula ngu dipswi da mtamo, yi txi kha yona: “A wite, a wite Bhabhilona wa hombe, a hindukile e maha wuzumbelo wa madhimoni, wuthavelo wa totshe tixaka ta mimoya ya nzambwa, wuthavelo wa totshe tixaka ta sinyana sa nzambwa ni so nyenyeza.

Zefaniya 2:11

Mkoma a na va karata ngutu, nguko a na hoxota sotshe sizimu sa mafu; se votshe va nata mkhozela, mmwani ni mmwani a txi khukhela ka wukhalo wakwe, ka sotshe sitondolo sa matiko.

Jeremiya 52:31

Ku to maneka koko taku, ka dilembe da wugumi ni mararu a wukhumbi wa Jehoyakimi, mfumeli wa ka Judha, ka mtxima wa wugumi ni yimbidi, ka ditshiku da magumi mambidi ni mtxhanu ka mtxima, aha Evhili-Merodhaki, mfumeli wa Bhabhilona, ka dilembe do khata da kufuma kwakwe, a to guleta msungo wa Jahoyakimi, mfumeli wa ka Judha, e mu humisa ka nyumba ya mkora;

Jeremiya 51:52

Sekoko ma nata masiku, kuwomba Mkoma, ale ni no tsayisa sifananiso sawe; va na keta amu ditikoni votshe vale va nga tholetelwa.

Jeremiya 51:31

Mtumi wu na tutumelana ni wumwani, ni muwombi wa dipswi a na manana ni mmwani, kasi kuya zivisa ka mfumeli wa Bhabhilona ti to didhoropa dakwe di tekilwe dotshe.

Jeremiya 51:8

Ngu mbimo ya yidotho, Bhabhilona a wite, a fuvisilwe; m'dileleni, thelani mrende wo malata kupanda kwakwe, mwendo ku na hola.

Jeremiya 50:46

Ka diguwa da kutekwa ka Bhabhilona, ma dhudhumete mafu; se huwa yi pfate matikoni.

Jeremiya 46:14

“Zivisani ka Egipta, mi pfalisa tiya ka Migidholi, pfalisani kambe ka Nofe, ni ka Tafinesi, mi txi khanu: Ti henjelete ni ku ti vekisa, nguko, ditxhari di dyite asile si ku madhawani kwako.

Jeremiya 31:10

Engisani Dipswi da Mkoma anu matiko, zivisani sitondolo sa kule, mi txi khanu: Awu a nga hangalasa Israyeli a na mu sengeleta, a txi mu xayisa nga m'dyisi ka tinvuta takwe.

Jeremiya 6:18

Ngu konaho, anu vamatiko, engisani: Ni nawe msengeletano ziva ti ti nga humela!

Jeremiya 4:16

Gelani matiko, mi zivisa Jerusalema, ti taku tixoli tata ngu ditikoni ka kule, ta nuwela ngu mapswi a tona kasi ve wukela madhoropa a ka Judha.

Isaya 48:6

Kambe u khala ku tipfa; ti wonisise kha kwati totshe tiya; Ina kha mi na mbi ti zivisa kani? Kukhukhela konkuwa, na kumaha u engisa timhaka tatiphya, ta txihunja, ati u si khaliko ku tiziva.

Isaya 39:1

Ka yona yile mbimo, Merodhake-Bhaladhani, mwana Bhaladhani, mfumeli wa Bhabhilona, a to rumela mapapilo ni txihiwa ka Ezekhiya, nguko a ti ti pfite taku a ti nga lwala, niku se a kalamukile.

Isaya 37:19

Kambe va rinzile ha mndiloni sizimu sa ona; nguko i si nga sizimu, aniko i ti mithumo ya manza a vathu, yo mahwa ngu mapulango ni marigwi; ngu mhaka yeto, va si khundumusete.

Isaya 13:2

Gwimbani m'jeke txitimwi ka mmango wa kwa mbi na txilo; va dhaneni ngu dipswi do guleka, mi va dyoweta ngu dianza, kasi kuva txi wulela ngu sike sa vathangeli.

Isaya 12:4

Se ka ditshiku donedo, mi na khanu: Bongani Mkoma, mi pfalisa ditina dakwe, gelani vathu simaho sakwe, embelelani ti to ditina dakwe di txitimwi ngutu.

Masalmo 96:3

Huwelelani nduma yakwe ka yotshe mifumo mi rurutela sidiwukiso sakwe ka totshe tixaka ta vathu,

Masalmo 64:9

Votshe va na thava, se va na xawuta mtamo wa Txizimu va txi pimisa ati txona txi nga ti maha.

Masalmo 97:7

Va na wiswa tingana votshe vale va khozelako sithombe, votshe vale va ti guletako ngu sizimu so mbi vhuna txilo; ni sotshe sizimu si na khizamele Mkoma Txizimu!

Isaya 48:20

Humani amu Bhabhilona, tutumela kule ni Vakaldheya. Kambe zivisani ngu dipswi da kutsaka ka hombe, ti maheni ti pfiwa eto, mi ti hokisa magwito ka mafu; i nda ni khanu: Mkoma a tirute txithumi txakwe Jakobe.

Jeremiya 4:6

Gwimbani mijeke didhawani ka Siyoni, tutumani kasi ku mi ti hulukisa, mi nga emeni; nguko na mi nehela dikhombo na di txita ngu Wuphemba, ni kulovisa ka hombe.

Jeremiya 51:12

Gwimbani m'jeke txitimwi ka diguma da Bhabhilona, tsanisani wuwoneleli, vekani vaemeli, ti longiseleni wotshe wurena; nguko Mkoma a xuvile kambe a mahile tile a nga nga ti womba xungetano ngu vaaki va Bhabhilona.

Jeremiya 51:27

Gwimbani m'jeke amu ditikoni, vetani mpundu hagari ka matiko, sawulekisani matiko o wukela ene, kujetelani ti to yi txi mlwisa mifumo ya Ararati, Mini ni Asikenazi; rumani mthangeli wa yimbi a txi ya mu wukela, kwelisani mahantxhi nga tindata.

Dhaniyeli 1:2

Se Mkoma a to ningela Jehoyakimi, mfumeli wa Judha, manzani ka Nebhukodhonosori, e ningela kambe ni siya sokari sa Nyumbani ka Txizimu. Se Nebhukodhonosori a to si teka e tsula naso ditikoni ka Sinari eya si wuletisa nyumbani ka txizimu txakwe, e si veka kumweko nyumbani ka thomba ya txizimu txakwe.

Dhaniyeli 3:14

Nebhukodhonosori a to va wotisa, a txi khene: Ni geleni awe Xadreke, ni Mixake, ni Abhedhi-Nego, i na mo maha khakwenye kulamba kuthumela sizimu sangu, ni kukhozela txithombe txa nzalama, txile ni nga txi emisa, kani?

Jeremiya 10:11

Mi na va gelisa tiya, mi txi khanu: Sizimu si si nga mbi maha nzuma ni mafu, si na mwalala ditikoni, ni hahatshi ka nzuma.

Jeremiya 10:15

Sona kha si nyawuli, mithumo ya wulundumisi; ka mbimo ya kutsayisa si na lova.