Jeremiya 50:18 - Bhiblia Yo Sawuleka

¹⁸ Ngu toneto, a khene kha Mkoma wa Mabutho a Tiyimbi, Txizimu txa Israyeli: Wonani ti to ni na tsayisa mfumeli wa Bhabhilona ni ditiko dakwe, nga tile ni nga mahisa tona ka Asiriya.

Jeremiya 50:18 Referans Kwoze

Isaya 10:12

Ngu kumaha keto, mbimo yile Mkoma a no heta wotshe mthumo wakwe mmangoni ka Siyoni, kona Jerusalema, sekoko ni na tsayisa mihando ya mfumeli wa Asiriya, ngu mhaka ya kutikulisa ka mbilu yakwe, ni kutiguleta masoni kwakwe.

Jeremiya 46:10

Nguko ditshiku da Mkoma Nyamne wa Tiyimbi, ditshiku do pharela, ngu kulwisa valala vakwe, se ditxhari di na daya, di khura di txi leva ngu mnoha wawe, nguko Mkoma Txizimu txa Mabutho a Tiyimbi, a ni mphaxo ditikoni ka Wuphemba, hafuhi ni mnambo wa Ewufrate.

Nahume 3:7

Se ku na maheka taku, votshe vale va no kuwona, va na kututuma, va txi kha vona: Ninivha a hoxotilwe; i mani a no mpfela wusiwana kani? Ni na ya va teka hani vo ta kuthavelela kani?

Nahume 3:18

Awe mfumeli wa Asiriya, vadyisi vako va na otela; va thaviseki vako va na otela, vathu vako va hangalakile mimangoni, ku si nga ni wo e va sengeleta.

Dhewuteronome 32:41

Ngako ni txi lota txingwalangwanda txa ditxhari dangu ngako ni txi lamula ngu dianza dangu, ni na phota ka valala vangu, ni txi pharela ka vale va ni nyenyako.

Jeremiya 27:7

Otshe matiko ma na mthumela, ene ni mwanana wakwe ni mtukulu wakwe, kala ku txi hoka mbimo ya ditiko dakwe, ngu msana keto nene a na khoziswa, ngu matiko amangi ni vafumeli va hombe.

Habhakuki 2:8

Ngako u nga hoxota matiko amangi, votshe vathu va na kuhoxota nawe, ngu mhaka ya mnoha wa vathu ni kulwa ngu mhaka ya mafu, didhoropa, ni votshe vale va zumbako ka dona.