Jeremiya 50:15 - Bhiblia Yo Sawuleka

¹⁵ Mu wukeleni ngu diguwa, mi txi mu horolokela; ene se a ti ningete; sitsaniso sakwe si wite, maguma akwe ma khundumusetwe; nguko yimbi yiya nja Mkoma; mlwiseni, nga ti a nga maha, mahisani toneto kwakwe.

Jeremiya 50:15 Referans Kwoze

Jeremiya 51:58

Mkoma wa Mabutho a Tiyimbi a khene: Maguma o anama a Bhabhilona, kha ditshuri ma na wiswa, ni matimba akwe o tshura ma na hiswa ngu mndilo, ma txi karala.

Mtuletelo 18:6

M'tshumeteleni ngu ti nene a nga mi mahela tona. M'diheleni kambidi madingano ni mithumo yakwe ka digombe di a nga thela ngu dona so sela anu mu theleleni kambidi.”

Jeremiya 51:6

Khukhani hagari ka Bhabhilona, mmweyo ni mmweyo a na txhatxhise dihika dakwe; mi nga ti loviseni anu ngu wubihi wakwe; nguko ayiya ngu yona mbimo ya kupharela ka Mkoma; ene a na mninga hakhelo yakwe.

Jeremiya 46:10

Nguko ditshiku da Mkoma Nyamne wa Tiyimbi, ditshiku do pharela, ngu kulwisa valala vakwe, se ditxhari di na daya, di khura di txi leva ngu mnoha wawe, nguko Mkoma Txizimu txa Mabutho a Tiyimbi, a ni mphaxo ditikoni ka Wuphemba, hafuhi ni mnambo wa Ewufrate.

Sidilo 5:6

Athu hi ti ningete ka Vaegipta ni Vasiriya, kasi kuva txi hi vhuna ngu sakudya so enela.

Jeremiya 51:44

Ni na tsayisa Bheli kona Bhabhilona, ni na mkosisa asile a nga si mita, kha na mbi ngadi e dhundwa kambe ngu matiko. Ni diguma da Bhabhilona di wite.

Jeremiya 51:14

Mkoma wa Mabutho a Tiyimbi a xambanyile ngu ngene apune, a txi khene: Nguditshuri ni na ku tatela vavamna, ku nga tindata, vona va na embelela ngu kutsaka xungetano ni nawe.

Jeremiya 51:11

Guvani tingove tanu, longiselani ngu ditshuri sitxhangu sanu; Mkoma a wusile moya wa vamidhiyani; nguko a lwela kuhasamula Bhabhilona; ina, nguko akuwa ngu kona kupharela ka Mkoma, ngu pharela ka mbimo ya kona.

2 Makronika 30:8

Mi nga bangiseni tithamo tanu kufana ni vatate vanu kambe ningelani dianza danu ka Mkoma se mi wulela amu ka wukhalo wo sawuleka awu ene a nga wu basisa ngu ha ku si gwitiko, mi thumela Mkoma Txizimu txanu, kasi ku kuhenya kwakwe kuhambuka kwanu.

1 Makronika 29:24

Se votshe vathangeli ni vahombe, kala ka votshe vanana va mfumeli Dhavhidha va to ti veka hahatshi ka mfumeli Solomoni.

Mtuletelo 19:2

Nguko kulamula ka txona nga ditshuri ni kululama. Ngu txona Txizimu txi nga lamula digelegele da hombe di nga ti nyeta mafu ngu wugelegele wa dona; se ka dona Txizimu txi pharete mnoha wa sithumi sa txona.”

Mtuletelo 16:6

Nguko avava ngako va nga theketa mnoha wa vasawuleki ni vaprofeti, na nawe u va ningile mnoha ve sela. Va ni fanelo yeto.

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

2 Vatesalonika 1:8

a di ha mdhikilani ka mndilo, kasiku e pharela ka vale va si txi ziviko Txizimu, ni ka va va si engisiko Evhangeli ya Mkoma wathu Jesu.

Varoma 12:19

Vo randeka ngutu, mi nga photeni mipune, kambe lekani Txizimu txi ti henyela, nguko ti bhatwe ti taku: “Kuphota kulumba ani, ngani ni no tshumetela, kuwomba Mkoma.”

Varoma 3:5

Kambe ngako kugombonyeka kwathu ku txi komba kululama ka Txizimu, hi na txani kani? Ina hi nga khathu Txizimu txi bihile, ngako txi txi hi tsayisa ngu kuhenya kani? Ni womba tiya ngu wombelo ya vathu.

Luka 21:22

nguko masikuyo masiku a kupharela, kasiku totshe ti ti nga bhalwa ti hetiseka.

Matewu 7:2

Nguko mi na lamulwa nga ti mi lamulisako tona vamwani; ni mpimo wu mi pimako ngu wona vamwani, mi na pimwa ngu wona nanu.

Nahume 1:2

Mkoma i Txizimu txa txiluse ni kuphota; Mkoma wa ti photela ni kutala ngu kuhenya; Mkoma wa ti photela ka vale va m'wukelako, txiviti txakwe a txi vekela valala vakwe.

Ezekhiyele 21:22

Ka didhawa dakwe da txinene, ku na hutetelwa madingano ni Jerusalema, kasi kugela vale va nga emeleta ve khata kuxasela, va txi kwangula ngu kutsaka ka hombe, vaemeleti ve guleta siparako sa matimba, ve aka txitezi txa vavhikeli.

Ezekhiyele 17:18

Nguko a eyisile txixambanyo, e funya txitumelelano, txo mahwa ngu kuñolana ka manza; a di mahetete totshe eto, kha na mbi huluka.

Jeremiya 51:64

Se u na khawe: A na bhwabhwamelisa tona tiya Bhabhilona, kha na mbi deluka, ngu mhaka ya wubihi wule ni no wu tisa txitimwi kwakwe, se vona va na karala. Mapswi a Jeremiya ma ema hawa.

Jeremiya 51:36

Se a nje khene kha Mkoma: Wona ti to ni na emela mhaka yako, ni na pharela ngu kupharela ko dinganawe; ni na omisa linene lako, ni na maha ti to me guma mati a kona.

Jeremiya 51:25

Ti wone, na kuwukela, awe mmango, mkhunduluseli, kuwomba Mkoma, u khundumusako dotshe ditiko, kambe ni na nawuluta dianza dangu, ni txi kurindilita amu marigwini, se ni na kuhisa ngu mndilo wa hombe.

Jeremiya 50:14

Ti longiseleni kurandela Bhabhilona, anu motshenu mi nga xoma malaho; khhwinzani mi nga tsetseni tingove, nguko a onhete Mkoma.

Isaya 63:4

Nguko ditshiku da kuphota di mbiluni kwangu, ni dilembe da vo tirulwa vangu di hokile.

Isaya 61:2

ni kupeka nyiwo ya dilembe do kateka da Mkoma, ni ditshiku da kuphota ka Txizimu txathu; kuthavelela votshe vale va dilako;

Isaya 59:17

Nguko a ti ambekile kululama, ku nga txikatawu txa simbi, e sanzeka txigoko txa kuhanyisa ha msungo kwakwe, se a to ambala syambalo so ti photela, e fenengela txiluse txi txi nga dijasi.

Masalmo 149:7

kasi kuphota ka vathu va matiko ni kutsayisa mifumo,

Masalmo 94:1

Mkoma, awe u Txizimu txa kutsayisa wubihi! Txizimu, kombisa txiviti txako!

1 Samuwele 15:33

Aniko Samuwele a to khene: Kufana ni kule ditxhari dako di nga dayela vanana va vavasikati, ngu kumaha keto mwamwako nene a na dawa mwanana wakwe kufana ni vona. Sekoko Samuwele a to gangela Agage masoni ka Mkoma, kona Giligali.

Joxuwa 6:20

Vathu koko va to kwangula, na vaphaxeli va txi veta titshodi; se ku to maheka taku, mbimo yile vathu va nga pfa kutuma ka titshodi, va to kwangula ngu kukwangula ka hombe; se diguma di to wa hahatshi, vathu ve wulela didhoropani, mmwani ni mmwani ngu ha a nga ti rendekete kona, va to teka didhoropa.

Joxuwa 6:5

Se ku na maheka taku, ku txi vetwa ngu kulaphisa tshodi ya litxheho la hamba, na mi txi pfa diguwa da tshodi, votshe vathu va na kwangula ngutu; diguma da didhoropa di na wa hahatshi, se vathu va na wulela ka dona, mmwani ni mmwani ngu kona hale a nga rendekela kona.”

Dhewuteronome 32:43

Anu matiko tsakani ngutu, kumweko ni vathu va Txizimu, nguko Txizimu txa pharela mnoha wa sithumi sa txona; txa tsayisa valala va txona, txi pfela wusiwana mafu a txona ni vathu va txona!”

Dhewuteronome 32:41

Ngako ni txi lota txingwalangwanda txa ditxhari dangu ngako ni txi lamula ngu dianza dangu, ni na phota ka valala vangu, ni txi pharela ka vale va ni nyenyako.

Dhewuteronome 32:35

Kulumba ani kuphota ni kutshumetela, txa tshuketela txikhati txi mikondo yawe yi no rithimuka, ditshiku da kulova kwawe di hafuhi, ati ti nga longiselwa vona ta tshuketela hafuhi ngu txikuluveta.

Jeremiya 50:25

Mkoma a tute sizenda sakwe, a thavisile siya so kombisa kuhenya kwakwe; nguko Mkoma, Mkoma wa Mabutho a Tiyimbi a ni mthumo a lavako ku wu maha ditikoni ka Vakaldheya.

Jeremiya 50:44

Wonani ti taku mmweyo wa ku nga ngonyamo a na humelela likasani ka Jordhani, e wukela dizumbo da mtamo, aniko ngu mbimo yokari ni na mtutumisa hale; se awule ni nga msawula a na mwukela: Nguko i mani wo fana ni nani kani? Se i mani wo a nga ni randela kani? I mani m'dyisi wo a nga tsana masoni kwangu kani?

Jeremiya 51:24

Ni na tshumetela Bhabhilona ni votshe vazumbi va Kaldheya, wotshe wubihi wawe wule va nga wu maha ka Siyoni, khoheni kwanu, kuwomba Mkoma.

Jeremiya 51:30

Avale va ku ni mitamo amu Bhabhilona va lekile kulwa, va mule ko wonelela, yi gumile mitamo yawe, va txi nga mbavasikati: Ti hisilwe tinyumba mitini kwawe, kufunyilwe sikhweketo.

Isaya 59:18

Madingano ni ti mithumo yawe yi ku ngu tona, va na va tshumetelisa toneto; kuhenya nga valala vawe, ni hakhelo ka vale valwako nayo; ene a na dihela sitondolo ngu fanelo.