Jeremiya 50:14 - Bhiblia Yo Sawuleka

¹⁴ Ti longiseleni kurandela Bhabhilona, anu motshenu mi nga xoma malaho; khhwinzani mi nga tsetseni tingove, nguko a onhete Mkoma.

Jeremiya 50:14 Referans Kwoze

Jeremiya 50:29

Bhabhilona mu rambeleni vamatiko votshe va va dombako malaho; vekani mazumbo anu madhawani kwakwe, ku nga huluke ni wammweyo; a na tshumetelwe madingano ni mthumo wakwe, nga tona tile a nga maha, mmaheleni toneto, nguko a wukete Mkoma ngu ku ti gwilikisa, a wukete wo Sawuleka wa Israyeli.

Habhakuki 2:17

Nguko kulwa ko wukela Libhanoni ku na kufenengeta, ni kuloviswa ka sihari sa tshofu ku na kuvangela kuthava, ngu mhaka ya mnoha wa vathu, ni kulwa ngu mhaka ya mafu, didhoropa ni votshe va zumbako ka dona.

Habhakuki 2:8

Ngako u nga hoxota matiko amangi, votshe vathu va na kuhoxota nawe, ngu mhaka ya mnoha wa vathu ni kulwa ngu mhaka ya mafu, didhoropa, ni votshe vale va zumbako ka dona.

Jeremiya 50:42

Va na teka wulaho ni mkuni; vona mba txixinya, kha va pfeli wusiwana, dipswi dawe di na dhinda nga linene, va na gadha mahantxhi ku nga wamwamna wu a zivako ti taku aya kulwani, kuya kuwukela, awe mwanana wa Bhabhilona.

Jeremiya 50:9

Wonani ti taku ni na wusa msengeletano hagari ka matiko a hombe a Wuphemba, kasi va na peka Bhabhilona, va na ti longisela dona; kukhukhela konaho, tingove tawe ti na fana ni ta ndena ya mtamo, kha ti na mbi hosa.

Jeremiya 50:7

Votshe va va nga txi ti mana va dayete; se valala vawe va txi kha vona: Ni mnandu wumwewo kha hi na mbi wu mana; nguko va onhete Mkoma, amu kuzumbako kona wululamo; ina, Mkoma, i kuthemba ya tate wawe.

Mtuletelo 17:5

Ha mbanza kwakwe ku ti bhatwe ditina da msisalo, daku kha dona: “Bhabhilona wa Hombe, mame wa magelegele ni wa sa manyala sa ha mafuni.”

Jeremiya 51:27

Gwimbani m'jeke amu ditikoni, vetani mpundu hagari ka matiko, sawulekisani matiko o wukela ene, kujetelani ti to yi txi mlwisa mifumo ya Ararati, Mini ni Asikenazi; rumani mthangeli wa yimbi a txi ya mu wukela, kwelisani mahantxhi nga tindata.

Jeremiya 51:2

Kambe ni na rumela ka Bhabhilona vamatiko va txi ta mu hehera, ve siya ditiko dakwe i ti diphanga; nguko va na mu wukela ngu ka otshe madhawa, ngu ditshiku da phango.

Jeremiya 50:11

Hambi mi nga tsaka, mi txi ndakandaka ngu kupfa kutshamba anu vapi va thomba yangu, mi txi simbelana ku nga mo va marole a kuena, mi txi emba ku nga mahantxhi a mtamo.

Jeremiya 49:35

Mkoma wa Mabutho a Tiyimbi a khene: Wonani ti taku ni na funya wulaho wa Elame, i ku makhato a mtamo wakwe.

Jeremiya 46:9

Tsulani masoni ni mahantxhi, rindilikelani ngu diguwa anu sikotxikani, va na humelela avale va mtamo, Vaetiyopiya ni Vapute, va va tekako sitxhavangu, ni va Lidhiyo va va zivako kudomba wulaho.”

Isaya 13:4

Se ka pfala diguwa da vathu txitimwi ka mimango, do fana ni da dibutho da hombe da vathu, dipswi da mifumo ya matiko ma nga sengeletana. Mkoma wa Mabutho a Tiyimbi, wa xola dibutho da yimbi.

Isaya 5:28

Tingove tawe ti na hinda ngutu, ni malaho awe otshe ma dombilwe; sitsendo sa mahantxhi awe si fana ni marigwi, madangarita a sikotxikani sawe ma fana ni txihuhuri.

Masalmo 51:4

Ni kuonhete, ngawe wekha ni nga kuonhela, ngu kumaha kubiha ku awe u ku nyenyako. Ngu mhaka yeto, u na ni fanelo ngako u txi ni lamula kambe ti lulamile ngako u txi ni abanisa.

2 Samuwele 10:9

Mbimo yi Jowabhi a nga wona to yimbi yi ta ngu masoni ni msana, a to sawula vavamna va mtamo hagari ka totshe tindena ta ka Israyeli, e va folisa kasiku va txi lwa ni Vasiriya.

1 Samuwele 17:20

Sekoko Dhavhidha a to wuka ni mixo ngutu, e siya tinvuta takwe ni mwoleleli wokari, se e teka mrwalo wakwe e tsula, madingano ni ti Jese a nga mu leletisa tona; se a to hoka ka wukhalo wa sikotxikani, mbimo yile dibutho da yimbi di nga ti ti longisela kuya kulwani, na di txi embelela tindando ta yimbi.

Jeremiya 49:14

Ni pfite diguwa di txi ta ngu ka Mkoma, di txi kha dona ku ni mtumi wu rumwako ka matiko, kuya kha wona: Sengeletanani, mwukeleni, khukhani mi txi tsula yimbini.

Jeremiya 51:3

Nyatingove a domba wulaho wakwe ka wule a dombako wulaho nene, ni ka wule a ti thembiselako txikatawu txa txikete; kambe mi nga divaleleni mazambi akwe; fuvisani yotshe yimbi yakwe.