Jeremiya 50:11 - Bhiblia Yo Sawuleka

¹¹ Hambi mi nga tsaka, mi txi ndakandaka ngu kupfa kutshamba anu vapi va thomba yangu, mi txi simbelana ku nga mo va marole a kuena, mi txi emba ku nga mahantxhi a mtamo.

Jeremiya 50:11 Referans Kwoze

Isaya 47:6

Ni va henyete ngutu vathu vangu, ni nyenyezisile thomba yangu, se ni va ningete manzani kwako; khwa va pfela wusiwana, hambi txitimwi ka sikosana, u nemetile ngutu dikange dako.

Zakariya 14:12

Se awuwa wu na va mtungu wule Mkoma, a no peka votshe vathu vale va nga lwisa Jerusalema: Nyama yawe yi na hetwa va di emile, se maso awe ma na sina ngu mule ka misendo ya ona, ni lidimi lawe li na sina mkanani kwawe.

Obhadhiya 1:12

Aniko awe u ti sa fanela kuwonetela ditshiku da mwananu, ka ditshiku da kuthaviswa kwakwe ditikoni, hambi kutsaka ngu vanana va ka Judha, ka ditshiku da kufuviswa kwawe; hambi kulaphisa txisofu txako, ka ditshiku da kupandiseka;

Amosi 4:1

Engisani mapswi awa anu vavasikati va Bhasani, mi ku mi mangoni ka Samariya, anu mi xanisaka sisiwana, mi khinyavezako vo pwata, migelako vanyamne vanu mi txi khanu: Wuyisani kheno hi sela.

Hoseya 10:11

Nguko Efrayime dirole da dithokazi di nga fuywa, di dhundako kuhula; ni woni kutshura ka thamo yakwe; ni na mmaha e gadhwa Efrayime. Judha a na dima, kambe Jakobe a na zuzela.

Sidilo 1:21

Va tipfa to na kuma, aniko kha ni nga nayo wa ku ni xanguta. Votshe valala vangu ava va nga ziva kuxaniseka kwangu, va tsaka ngu ti u nga ni mahela; aniko u txi na wuyisa ditshiku dile u ngadi womba, ni vona va na fana ni nani.

Jeremiya 50:27

Dayani otshe marole a madhuna ngu ditxhari, ma tsuliseni wudayeloni: Dikhombo dawe! Nguko di hokile ditshiku dakwe, mbimo ya kutsayisa kwakwe.

Jeremiya 50:17

Nvuta yo mwalala ngene Israyeli; tingonyamo ti mtutumisile. Mfumeli wa Asiriya ngene a nga khata ku m'vhandamulela; se ngu magwito Nebhukodhonosori, mfumeli wa Bhabhilona, a to mfunya marambu.

Jeremiya 46:21

Hambi masotxhwa akwe ma ku hagari kwakwe, ma fana ni marole o nona ngutu; aniko ni ona ma tshurate, ma tutumile kumweko, kha ma tsanisela; nguko di tile txitimwi kwawe ditshiku da kufuviswa kwawe, i ku ditshiku da kuendelwa kwawe.

Jeremiya 5:28

va enile, va tote mafura. Kubiha kwawe kha ku na magwito. Kha vaemeli ti to sisiwana si na humelele; kha va wili mahungu a sisiwana ngu fanelo.

Jeremiya 5:8

Vo nga vamatune va mahantxhi ma nga khura; mmwani ni mmwani a emba ngu kunavela msikati wa mwakelani.

Mavingu 17:5

Awule a sekako txisiwana a ruka wule a nga txi vanga; awule a tsakiswako ngu phango kha na mbi huluka kutsayiswa.

Masalmo 22:12

Valala vavangi vo nga tikuzi ta tihomu, va ni randete; va ni randete nga tikuzi ta tihomu ta tshofu ta ditikoni ka Bhasani.

Dhewuteronome 32:15

Se Jesurumi a dyite e khura, a txi ena; u enile, u enile, u tala ngu mafura; se a lekile Txizimu txi txi nga mmaha; kambe a eyisile Dirigwi da kuhanyiswa kwakwe.

Isaya 47:8

Konkuwa koko, engisa tiya, awe u tsakelako kutiphina, u tipfako u di zumbisekile, u wombako mbiluni kwako, u txi khawe: Ani ngani, hahanze kwangu, kuwalo mmwani; kha ni na mbi va noni, hambi kufelwa ngu vanana.

Jeremiya 12:14

Ndongeto a wombako Mkoma ngu vaakelani vangu vo biha ava va wukelako thomba yi ni nga ninga vathu vangu va Israyeli. Ni na va dula ditikoni kwawe, ni nyumba ya ka Judha ni na yi dula hagari kwawe.

Jeremiya 46:20

Egipta dithokazi da dinene: Aniko kufuvisa kata ngu Wuphemba.

Ezekhiyele 35:15

Ngako u nga tsakiswa ngu thomba ya nyumba ya ka Israyeli, ngu ku a nga mahwa dirumbi, ngu tona eto ni no kumaha; u na mahwa dirumbi, awe mmango wa Seyiri, ni dotshe ditiko da Edhomi, ina dotshe; se va na tiziva taku, ani ngani Mkoma.

Ezekhiyele 36:5

Ngu konaho, Mkoma Txizimu a khene: Ngu ditshuri kuhisekani ka kuhenya kwangu, ni wombawombile ni wukela matiko ale ma nga sala, ni ditiko da Edhomi. Vona va honyote mafu angu, ngu kutsaka ka totshe timbilu, ni kutxhipisa muhefemulo, kasi ku wu rinza kuñolwani.

Habhakuki 1:15

Ene wa va guleta votshe ngu ndowo, se wa va mana ngu likoka lakwe. Kambe wa va pata ka likoka lakwe lo hiyela; ngu kumaha keto, ene wa tsaka ni ku ti bhuma.