Jeremiya 50:1 - Bhiblia Yo Sawuleka

¹ Dipswi di a ngadi womba Mkoma xungetano ngu Bhabhilona, madingano ngu ditiko da Vakaldheya, ngu txisofu txa mprofeti Jeremiya.

Jeremiya 50:1 Referans Kwoze

2 Pedro 1:21

Nguko, kuwalo dipswi ni da dimwedo da wuprofeti adi di nga wombwa ngu kuranda ka m'thu. Aniko vathu vo sawuleka va va nga susumetwa ngu Moya wo sawuleka, ngu vona va va nga womba-womba ngu ditina da Txizimu.

Mithumo 7:4

Sekoko ene a to khukha ditikoni ka Vakaldheya, eya aka Karani. Kambe ngako tate wakwe a di fite, Txizimu txi mu rurisile txi mu tisa ka ditiko di anu mi nga aka ka dona konkuwa.

Jeremiya 27:7

Otshe matiko ma na mthumela, ene ni mwanana wakwe ni mtukulu wakwe, kala ku txi hoka mbimo ya ditiko dakwe, ngu msana keto nene a na khoziswa, ngu matiko amangi ni vafumeli va hombe.

Isaya 23:13

Wona ditiko da Vakaldheya, vathu va va nga sanzi kuva i di vathu; Asiriya a di akete vale va nga ti ti zumba txiwulani; va to aka mikhokhola yawe, ni tinyumba tawe ta wukoma, aniko di khundumusilwe dotshe.

Isaya 14:4

sekoko u na embelela ndando yo tseketsela mfumeli wa Bhabhilona, u txi khawe: A gwitete hayi mxanisi, ni didhoropa da nzalama di gwitisile kutxani!

Jobe 1:17

A txi ngadi e womba-womba-wuwa, kutile mmwani mtumi, a txi ta khene: Vakaldheya va rumile mitxawa yiraru, yi honyola makamelu yi tsula nawo, yi daya vafana ngu ditxhari; ngani nokha ni nga huluka, kuva ni kutisela mahungu.

2 Samuwele 23:2

Moya wa Mkoma u wombawombile ngu ngani, ni dipswi dakwe di ti ti txisofuni kwangu.

Genesisi 11:31

Tera a to teka mwanana wakwe Abramu, ni mtukulu wakwe Loti, mwana Harani, ni mame wakwe Sarayi, msikati wa Abramu, e rura navo ditikoni ka Uri ka Vakaldheya, ve tsula ditikoni ka Kanana, aniko, va di hokile ditikoni ka Harani, va to aka ve zumba kona.

Genesisi 10:10

Se Namrodhe a txi khata kufuma, a fumile madhoropa a Bhabheli, Ereke, Akadhe, madhoropa awa otshe ma ku ditikoni ka Senari.

Mtuletelo 14:8

Yimwani ngelozi, ayi ya wumbidi, yi to ya masoni ngu kuwomba, yi txi kha yona: “A wite, a wite, Bhabhilona wa hombe, awu a nga levisa yotshe mifumo ngu vhinya ya txiviti txa wugelegele wakwe.”

Genesisi 11:9

Ngu mhaka yeto, m'ti wule wu dhanwa ku i Bhabheli, nguko ngu koneyo Mkoma a nga hambanisa kuwombawomba ka vathu va mafu otshe, kambe ku khatete koneyo ku hangalaswa ka vathu ni dotshe ditiko ngu Mkoma.

2 Vafumeli 17:24

Se mfumeli wa Asiriya a tisile vathu ngu Bhabheli, ni Kuta, ni Avha, ni Hamati, ni Sefarivhayimi, e ta va akisa madhoropani ka Samariya, wukhaloni ka vanana va ka Israyeli; va to teka Samariya e maha thomba yawe, ve zumba ka madhoropa a kona.

Jeremiya 25:12

Aniko ngako ku di pindile mtxhanu wa magumi ni magumi mambidi a malembe, ni na tsayisa mfumeli wa Bhabhilona ni ditiko da kona, ngu mhaka ya kuwekela kwawe, kuwomba Mkoma; ni ditiko da Vakaldheya ni na di maha diva txiwula, kala kupinduka.

Dhaniyeli 1:1

Ka dilembe da wuraru da kufuma ka Jehoyakimi, mfumeli wa Judha, Nebhukodhonosori mfumeli wa Bhabhilona, a toya randela Jerusalema.