Jeremiya 5:9 - Bhiblia Yo Sawuleka

⁹ Ina ani kha ni na ku si tsayisa soneso kani? Kuwomba Mkoma. Na mbi pharela ka ditiko daku nga diya kani?

Jeremiya 5:9 Referans Kwoze

Jeremiya 9:9

Ina ani na mbi va tsayisa ngu mhaka ya sona siya kani? Kuwomba Mkoma. Ni na ti pharelela ka ditiko do nga diya kani?

Jeremiya 5:29

Ina ani na mbi tsayisa silo siya kani? Kuwomba Mkoma. Na mbi pharela ka ditiko do nga dona diya kani?

Nahume 1:2

Mkoma i Txizimu txa txiluse ni kuphota; Mkoma wa ti photela ni kutala ngu kuhenya; Mkoma wa ti photela ka vale va m'wukelako, txiviti txakwe a txi vekela valala vakwe.

Hoseya 8:13

Madingano ni miphaxo ya siningo sangu, va ningela tinyama ve tshumela vedya, aniko Mkoma kha amukela; konkuwa a na alakanya kuwekela kwawe, e tsayisa sionho sawe, vona va na tshumelela Egipta.

Hoseya 2:13

Na mtsayisa ngu mhaka ya masiku a Bhahali, ale a nga m'hisela ngu ona dibaselo, a txi ti bombisa ngu singeda sakwe ni wusekenya mkoloni kwakwe, ni kulondetela sigango sakwe, aniko ani a ni divate, kuwomba Mkoma.

Ezekhiyele 7:9

Se diso dangu kha di na mbi kutsetsa, kambe kha ni na mbi va ni wumbilu; madingano ni tinzila tako, ngu kumaha keto, ni na kunemetisela, manyala ako ma nava txitimwi kwako; se mi na tiziva taku ani Mkoma na tsayisa.

Sidilo 4:22

Anu vanana va Siyoni, kupekwa kwanu ku gumile Mkoma kha na mbi ngadi a txi mi yisa wukhumbini. Kasi anu vanana va Edhomi, a ngadi a txi na mi pekela sionho sanu a txi humisa minandu yanu hakubasani.

Jeremiya 44:22

Mkoma a ti sa dingana kuxaniswa mbimo yayingi ngu wubihi wa mithumo yanu, sinyenyeko si mi nga si maha; ngu toneto ditiko danu di mahile txiwula, ni txixamaliso, ni txiruko, ku si na vo zumba, nga ti ku wonekisako tona nyamsi.

Jeremiya 23:2

Ngu konaho, Mkoma, Txizimu txa Israyeli, a khene xungetano ni vadyisi va vathu vangu: “Anu mi hangalasile tinvuta tangu, mi txi ti tutumisa, kha ma khatala ngu tona. Ni na mi tsayisa ngu mhaka ya kubiha ka simaho sanu, kuwomba Mkoma.”

Isaya 1:24

Ngu toneto, Mkoma Txizimu txa Mabutho a Tiyimbi, Ndena ya ka Israyeli, a khene: Ani na ti tsakisa ngu va va ni vengako, ni wukela valala vangu.

Dhewuteronome 32:43

Anu matiko tsakani ngutu, kumweko ni vathu va Txizimu, nguko Txizimu txa pharela mnoha wa sithumi sa txona; txa tsayisa valala va txona, txi pfela wusiwana mafu a txona ni vathu va txona!”

Dhewuteronome 32:35

Kulumba ani kuphota ni kutshumetela, txa tshuketela txikhati txi mikondo yawe yi no rithimuka, ditshiku da kulova kwawe di hafuhi, ati ti nga longiselwa vona ta tshuketela hafuhi ngu txikuluveta.

Levhi 26:25

Nguko ni na rumela matxhari txitimwi kwanu, kasi ku ta photela txitumelelano txangu; ka mbimo yile mi no maneka mi di sengeletanile didhoropani kwanu, ni na rumela mtungu hagari kwanu, ni kumaha ti to mi txi ningelwa manzani ka valala vanu.

Isaya 57:6

Amu ka marigwi o swililika a sinambwanani, ku ni txyavelo txako; asiya ngu sona i kuthomba yako; kambe ka sona u thela sa kusela kwako, se u txi si ninga miningelo; ina ani ni ndi na tsakiswa ngu sona eso kani?

Jeremiya 5:10

Kwelani magumani kwawe, mi txi ma khundumusela aniko mi nga ma heteleni magwito. Thaviselani tidhavi tawe nguko hi nga ta Mkoma.

Jeremiya 32:31

Nguko adiya didhoropa di vhilusile kuhenya kwangu ni txiviti txangu kukhukhela ditshikwedo va ngadi aka kala nyamsi kuwa; kuva ni txi na di thavisa masoni kwangu.

Sidilo 3:42

Hi ti lambisile hi kuonhela, awe Mkoma, ngu mhaka yeto, khwa hi divavela.

Levhi 18:25

Ditiko di nyenyezile, se ani ni tsayisa wubihi wa dona, aniko ditiko di na kosa vaaki va dona.

Mavingu 6:29

Ti na nga toneto ka wule a wulelako ka msikati wa mwakelani wakwe; ni wihi wule a no m'gwesa kha na mbi pwata mnandu.

Jeremiya 6:6

Nguko Mkoma wa Mabutho a Tiyimbi a khene: Gangani tindonga mi maha libhingo la kubhiyela Jerusalema; nguko didhoropa di dinganako kutsayiswa; di taletwe ngu wutsindaveti.

Jeremiya 6:11

Ngu konaho, ni taletwe ngu kuhenya ka Mkoma. Ni karate ngu ku ti ñola. Tshakunuta kuhenya txitimwi ka vanana amu tinzilani ka hombe, ni txitimwi ka tisengeletano ta majaha, mwamna ni msikati va na ñolwa kumweko, txikosana ni wule a nga talelwa ngu masiku.

Jeremiya 9:8

Lidimi lawe mseve wu dayako, li womba-womba kukanganyisa. Ngu txisofu txakwe m'thu a womba-womba kuthutha ni mwakelani, aniko mbiluni kwakwe wa mriyela