Jeremiya 5:7 - Bhiblia Yo Sawuleka

⁷ “Ni nga ku divalelisa kutxani kani? Vanana vako va ni lekile, va xambanya ngu va i singako sizimu! Hambi ni di va khurisile ngu kudingana, vona va mahile wugango, va to sengeletana nyumbani ka wugango na i di vangi ngutu.

Jeremiya 5:7 Referans Kwoze

Vagalatiya 4:8

Kambe, kale ngu ku ambi ziva Txizimu txa ditshuri, mi khozete sizimu so va i si nga sa txilo.

Jeremiya 2:11

Di ngava di diho ditiko di di nga hundulusa sizimu sa dona, hambiko i singako sizimu kani? Aniko vathu va vangu va lekile wudhumo wawe, ve khozela sisi si vhuniko txilo.

Joxuwa 23:7

Mi nga ti tshanganiseni ni vamatiko vava va nga sala hagari kwanu. Mi nga khumbukeni matina a sizimu sawe, mi nga xambanyeni ngu matina a sona, mi nga si khozeleni ni kambe mi nga khizameni masoni ka sona.

Dhewuteronome 32:21

Va wusile txiviti txangu ngu mhaka ya kulondeta si i singako Txizimu, va ni henyisile, ngu mhaka ya sithombe sawe sa walo, aniko nani ni na wusa txiluse txawe; ngu kutisawulela vathu va i si nga va vanene, ni na wusa txiviti.

Zefaniya 1:5

ni va va khizamelako dibutho da nzuma va di txitimwi ka tinyumba; ni vale va namako ve xambanya ka Mkoma, ni kuxambanya ngu Malikami;

1 Vakorinto 8:4

Ngu toneto, ka mhaka ya sakudya sa timhamba ta kugandela sizimu sa walo, ha tiziva hotshethu ti to Txizimu txa walo hi nga txa txilo ha ditikoni; ha tiziva ti to ku ni Txizimu, txa tximwetxo dwe, hahanze ka txona kuwalo tximwani.

Jeremiya 23:10

Nguko ditiko di tate ngu va wugango Ditiko da dila ngu mhaka ya txiruko; wudyiselo wa txiwulani wu hyite; matsimbilelo awe ma bihile, a ti to biha, ngu tona i ku mtamo wawe.

Dhewuteronome 32:15

Se Jesurumi a dyite e khura, a txi ena; u enile, u enile, u tala ngu mafura; se a lekile Txizimu txi txi nga mmaha; kambe a eyisile Dirigwi da kuhanyiswa kwakwe.

Jakobe 4:4

Vanyawugangonu, kha mi tizivi ti to wungana ni ditiko mbulala ka Txizimu, kani? Ngu toneto, awu a lavako wungana ni ditiko, i mlala wa Txizimu.

Jeremiya 12:16

Ngako va di gondile tinzila ta vathu vangu, ti taku va txi xambanya ditinani kwangu, va txi kha vona: Mkoma a hanyako; nga ku va nga gondisa vathu vangu kuxambanya ngu Bhahali, sekoko va na maneka hagari ka vathu vangu.

1 Vakorinto 6:9

Ina kha mi tizivi ti to sidambu kha si na mbi dya thomba ya mfumo wa Txizimu kani? Mi nga ti kanganyiseni. Sindakamilayo, ni vakhozeli va sizimu sa walo, vagelezi,

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Amosi 8:14

Ava va xambanyako ngu wubihi wa Samariya va txi kha vona: Ndinene ngutu kuhanya ka txizimu txako awe Dhani; kambe ndinene ngutu kuhanya ka nzila ya Bherisebha; vonavo va nawa, kha va na mbi khukha kambe.

Hoseya 13:6

Msana keto, va ti khurisile ngu sa wudyiseloni kwawe; mbimo yi va nga khura va tikulisile timbiluni kwawe; ngu kumaha keto, va ni divate.

Hoseya 11:8

Ni ndi na kulekisa kutxani, awe Efrayime kani? Ni ndi na kuningelisa kutxani, awe Israyeli kani? Ni ndi na kumahisa kutxani ku nga Adhama kani? Ina ni ndi na kuveka ku nga Zebhoyimi kani? Mbilu yangu yi txitxile mndani kwangu, kotshe kunavela kwangu ka tura.

Hoseya 7:4

Vona votshe mba wugango: Va fana ni txikho txi txi nga dhivelwa ngu m'yoki wa mapawu, a emako kuonzetela mndilo, kukhukhela ka kuvhuwa ka mpupu, kala ku kukumuka.

Hoseya 4:2

Kova ni kuxambanya makuhu dwe, ni kuhemba, ni kudaya, ni wukhamba, ni wugango, va thuma kutheketa mnoha txitimwi ka minoha.

Ezekhiyele 22:11

Mmwani a otete ni msikati wa muakelani wakwe, mmwani a txi otela ni mane wakwe, se mmwani a txi gima ndiyakwe, i ku mwanana wa tate wakwe.

Jeremiya 13:27

Ni wonile wugango wako, ni kudila ka kunavela kwako, wugango wako wo phindeletisa, amu mimangoni ni mu tithembweni. Dikhombo kwako Jerusalema! U na verela kala yihi mbimo na u si basiswi kani?

Jeremiya 9:2

I ti ku no va ni dizumbo da vatsimbili muwa txiwulani, sekoko ni ndi nava ni di lekile vathu vangu, ni khukha hagari kwawe, nguko votshe va ni wugango, msengeletano wa vakangayisi.

Jeremiya 3:19

Se ani ni txi khani: Ni na kuvekisa kutxani hagari ka vanana, ni na kuninga ditiko da kunaveleka, i kuthomba ya mabutho a matiko kani? Ni txi khani: Mi na ni dhana mi txi khanu: Tata. Kha mi na mbiswa mi phawuka mi txi ni siya.

Jeremiya 2:31

Anu va liveleko liya, engisani dipswi da Mkoma! Ina mwendo ani ni khala ku va txiwula ka Israyeli kani? Mwendo kuve ditiko da txidema kani? Ngu kutxani vathu vangu va txi: Hi txhusekile; kha hi na mbiswa hi txita kwako kani?

Masalmo 50:18

Ngako u txi wonana ni makhokhokho wa engisana nawo, kambe wa patana ni vale va mahako wugango!

Levhi 20:10

Nene wamwamna wule a mahako wugango ni msikati wa vane, a txi maha wugango ni msikati wa mwakelani wakwe, wamwamna ni wamsikati, avale va nga maha wugango, ngu ditshuri vona ngu wumbidi wawe va na dawa.

Vahebheru 13:4

Mtxhadho wu na dhundwe ngu votshe, se m'bhedhu wa mtekano wu nga nyenyeziswe, nguko Txizimu txi na abanisa ava va mahako wugelegele, ni va va mahako wugango wu wo hoxela mtxhadho.

2 Makronika 13:9

Kha ma tshotsha hahanze vaphaxeli va Mkoma, vanana va Aroni ni Valevhi se mi ti lavela vaphaxeli vanu kufana ni vathu va matiko mamwani? Mmwani ni mmwani awu a tako e ta phaxela ngu dirole ni mtxhanu wa tihamba ni timbidi koneko a maha mphaxeli wa vale i singako sizimu.

Jeremiya 7:9

Ina mi ngadi mi txi napa, mi daya, mi maha wugango, mi xambanya makuhu, mi hisa miphaxo yo bhumula ka Bhahali, ni kulondetela simwani sizimu asi mi si si ziviko kani?

Jeremiya 16:11

Sekoko u na khawe kwawe: “Vatate vanu va ni lekile, kuwomba Mkoma, ve londetela simwani sizimu, ve si thumela ni ku si khozela; va ni lekile, kha va vekisa mlayo wangu.

Jeremiya 16:20

Ina m'thu wa sikota ku ti mahela sizimu, si i singako sizimu kani?

Sidilo 3:42

Hi ti lambisile hi kuonhela, awe Mkoma, ngu mhaka yeto, khwa hi divavela.

Jobe 31:12

Nguko mndilo wu tshokomisa kala kufani, kambe wu ndi na lovisa sotshe si ni ku naso.

Jeremiya 3:8

Ni to wona ti taku, hambiko ni nga tovela Israyeli, ni mninga dipasi da kuhambana ngu mhaka ya wugango wakwe, Judha ndiya yakwe yo mbi thembeka, kha thava, aniko nene a to tsula eya maha wona wugangowo.

Jeremiya 9:1

I ti ku msungo wangu ka Txizimu wo hinduka wu ve mati, ni maso angu kuva txibuka txa mirongo, sekoko ni ndi na va dila wusiku ni mitshikari, vafi va mwanana wa txisikati wa vathu vangu!