Jeremiya 5:6 - Bhiblia Yo Sawuleka

⁶ Ngu toneto, koko, ngonyamo ya txitingani yi na va daya, hambi dixolwa da mu txiwulani di na va heta, Yingwe yi na mbzwingamela madhoropa awe; mmweyo ni mmweyo a no huma hahanze a na vhandamulelwa; nguko sihambunyeto sawe si tate, ni sionho sawe nzingi.

Jeremiya 5:6 Referans Kwoze

Zefaniya 3:3

Vathangeli va dona ndingonyamo ti bhongako hagari ka dona; valamuli va dona maxolwa a mbimo ya minova, ma si siyiko marambu a kutadya mangwana.

Habhakuki 1:8

Mahantxhi awe ma tutuma ngutu kupinda singoko, kambe mani tshofu ngutu ni wusiku kupinda maxolwa; vagadhi va ona va hangalaka ka otshe madhawa, ina, vagadhi va ona va nata ngu kule, va na puruma nga magama ma txi tutumela sakudya.

Jeremiya 4:7

Ngonyamo yi humile txigotoni ka yona, ni m'hasamuli wa matiko, a khukhile wukhaloni kwakwe kasi kuhangalasa ditiko dako, a hasamula a madhoropa ako ti taku ku si ngadi kuakwa ka ona.

Ezekhiyele 22:27

Vathangeli vawe hagari ka dona, va fana ni maxolwa ale ma ñolako sihari, kasi kutheketa mnoha, va txi khundumusa mihefemulo, va txi felela.

Mtuletelo 13:2

Txikalani txi ni nga txi wona txi ti fana ni yingwe, kambe minenge ya txona yi ti fana ni ya txingwingwi; m'dhonvu wa kona wu txi nga didomu da ngonyamo. Mwamilambo a to txi ninga mtamo wakwe, txikhalo txakwe txa wukoma, ni wukoma wa hombe.

Hoseya 5:14

Nguko ka Efrayime, ni na fana ni ngonyamo ni ku nga txingonyamwana ka nyumba ya ka Judha; Ani, ani ni na va phatulela ni tshumela ni tsula; ni na va rwala, kupwateka ni wo lamulela.

Dhaniyeli 7:6

Msana keto, ni to simama ni wonetela, ni wona tximwani txihari txo fana ni yingwe, txi di ni mune wa tibhapi ta sinyana makatani ka txona; kambe txi ti ti ni mune wa misungo, se txi to ningwa kufuma.

Dhaniyeli 7:4

Txihari txo khata txi ti fana ni ngonyamo, kambe txi ti ni tibhapi ta digama; Ni to txi wonetela kala kuza tibhapi ta txona ti gwatelwa, se txi to gulwa, txi emiswa ha mafuni ngu minenge ya txona txi txi nga m'thu, txi ningwa mbilu ya m'thu.

Ezekhiyele 23:19

Ene koko a to andisa wugelegele wakwe, a txi alakanya masiku a wuhorana wakwe, mbimo yile a nga ti ti maha wugango, ditikoni ka Egipta.

Ezekhiyele 16:25

Ka otshe mahandakanya u akile makhalo o guleka, u nyenyezisile kutshura kwako, u randanile ni votshe vapindi va nzila; kambe u andisile wugelegele wako.

Sidilo 1:5

Valala vakwe va mxute, valala vakwe va humelela nguko Mkoma a mu wuyisete ngu mhaka ya kutala ka sihoxo sakwe; vanana vakwe, vayiswa wukhumbini masoni ka valala.

Jeremiya 49:19

A na woneka sixaxani Jordhani nga ngonyamo, a txi lwisa wukhalo wa mtamo; nguko, ngu mbimwanyana, ni na mtutumisa hale; niku i mani ni no msawula ni txi m'veka txitimwi kwakwe kani? Nguko i mani a fananako ni nani! I mani a no ni vekela mbimo kani? I mani m'dyisi wu a no ni tsiveta kani?

Jeremiya 30:24

Kuhenya ko thisa ka Mkoma kha ku na mbi boxa, na asi se dinganisa mixuvo ya mbilu yakwe; mi na ti zivisisa kha kwati, ka masiku ma ku ngadi ma txita.

Jeremiya 30:14

Votshe va va kurandako va ku divate, kha va ku khataleli. Nguko ni ku dayisisile ku nga wo va mlala, ngu txitsayiso txa timbiti; ngu kukula ka wubihi wako, ni wungi wa sionho sako.

Jeremiya 25:38

Ene a humile m'dhutini kwakwe nga txingonyamwana, nguko ditiko dawe di mahile dirumbi, ngu mhaka ya kuthisa ka ditxhari da Mkoma, ni kutura ka kuhenya kwakwe.

Jeremiya 14:7

Hambi ngako sionho sathu si txi hi xowokisa, awe Mkoma hi vhune ngu mhaka ya ditina dako. Nguko hi tiwukile kakungi, hi txi kuonhela.

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Jeremiya 2:17

Ina khwa ti vangela dikhombo upune! Nga ha u nga leka Mkoma Txizimu txako, ahawa ene a nga kuthangela nzilani kani?

Jeremiya 2:15

Tingonyamo tiwete txitimwi kwakwe ti txi bhonga-bhonga ngu dipswi da tona, ti bhandelela ditiko dakwe; miti yakwe yi hisilwe; kha ku na m'thu a zumbako ka yona.

Isaya 59:12

Nguko sihambunyeto sathu si engetelani masoni kwako, ni sionho sathu sa hi wukela; nguko sihambunyeto sathu si ni nathu, kambe ha ziva wubihi wathu;

Masalmo 104:20

Wa wuyisa txidema, ku txi maha wusiku, se sihari sa txitinga si huma si tsimbilatsimbila.

Ezra 10:10

Sekoko a to khukha Ezra, i ku mphaxeli, e va gela tiya: Anu mi hambunyetile, ngu kuteka vasikati va mamwani matiko, mi andisa kuhotela ka Israyeli.

Ezra 9:6

Se ni ti khani: Awe Txizimu txangu! Ni kanganyisekile, ni ni tingana, kuva ni guleta khohe yangu kwako awe Txizimu txangu: Nguko wubihi wathu, wu andile ngutu amu ka misungo yathu, ni txionho txathu txi gulekile kala nzumani.

Mitengo 32:14

Se anu vathu va sionho, anu mi nga teka wukhalo wa vatate vanu, kasi ku miya masoni ngu kuturisa kutsukula ka Mkoma, e hambana ni Isayeli.

Masalmo 80:13

Khumba ya txitinga ya khura ngu wona mndonga wule wa m'vhinya ni sihari sa txitinga sa wu dya.

Jeremiya 8:5

Ngu kutxani vathu va Jerusalema ve timela da magwito kani? Va tsani mu ka kutimela, va lamba kuwuya.

Jeremiya 30:15

Ngu kutxani u ketiswako ngu mbanga yako kani? Kambe kupanda kwako kha kumalali. Ngu mhaka ya kukula ka wubihi wako, ni wungi wa sionho sako, ni ku mahete siya silo.

2 Makronika 36:14

Votshe vathangeli va vaphaxeli ni vathu votshe va to londetela manyala ni sihena so nyenyeza sa vamatiko, va txi nyenyezisela Nyumbani ka Mkoma, mule a nga ti ti kusawulekisete Jerusalema.

Jobe 10:16

Nguko ni txo guleta msungo, awe wa ni xota ku nga ngonyamo ya tshofu, wa tshumela u maha sixamaliso so ni wukela.

Isaya 1:23

Vathangeli vako va ni eyisa, va timaha vangana va makhamba; votshe va dhunda kuxavelelwa ni kuhakelwa; kha va mahi wunene ka vo felwa ngu vaveleki, ni timhaka ta tinoni kha ti hoki masoni kwawe.

Jeremiya 2:31

Anu va liveleko liya, engisani dipswi da Mkoma! Ina mwendo ani ni khala ku va txiwula ka Israyeli kani? Mwendo kuve ditiko da txidema kani? Ngu kutxani vathu vangu va txi: Hi txhusekile; kha hi na mbiswa hi txita kwako kani?

Jeremiya 8:7

Hambi nyawukolwe wa ndengalengani, wa ziva timbimo takwe. Dituva, ni nyawukolwe ni mbeluvelu, sa ziva mbimo yo tshumela ngu yona. Aniko vathu vangu kha va zivi milayo ya Mkoma.