Jeremiya 5:30 - Bhiblia Yo Sawuleka

³⁰ Nzilo sa mahanjalati ni sa manyala si mahwako kona ditikoni muwa.

Jeremiya 5:30 Referans Kwoze

Hoseya 6:10

Ni wona timhaka to thisa ngutu nyumbani ka va ka Israyeli: Efrayime a maha wugelegele konemo, Israyeli a ti nyenyezisile.

Jeremiya 23:14

Aniko ngu ka vaprofeti va Jerusalema ni woni silo so thisa ngutu: Vona va maha wugango, ve hemba makuhu; ve tsanisa mawoko a vamahi va kubiha, kasi ku si hunduluki ni wammweyo amu ka wubihi wakwe; kwangu, va fana ni Sodhoma, vaaki va Jerusalema va fana ni Gomora.

Jeremiya 2:12

Xamalani ngu sona anu tinzuma! Thavani ngutu mi dhudhumela, kuwomba Mkoma.

Isaya 1:2

Engisani anu tinzuma, riya tinzeve awe mafu, nguko Mkoma wa womba-womba: Ni wunjile vanana ni va kulisa, aniko vona va ni tshuralete.

Jeremiya 18:13

Ngu konaho Mkoma a khene: “Wotisani hagari ka matiko mwendo waho a nga ngapfa to nga toneto kani? Wotuma wa Israyeli a mahile mhaka yo thisa ngutu.