Jeremiya 5:3 - Bhiblia Yo Sawuleka

³ O Mkoma, ina maso ako kha ma vereli tinene kani? Awe u va pekile, aniko kha vapfa kupanda. U va lovisile, aniko kha va tumela kulaywa. Va bangisile tikhohe tawe kupinda ni dirigwi Va lambile kuhunduluka.

Jeremiya 5:3 Referans Kwoze

Jeremiya 7:28

Sekoko awe u na womba kwawe, u txi khawe: Adiya, ditiko di si engisiko dipswi da Mkoma Txizimu txawe, hambi kuamukela silayelo. Kuthembeka kuwalo, ku thavisilwe sisofuni kwawe.

Jeremiya 2:30

Ni pekile walo vanana vanu, kha va tumela kukawukwa. Ditxhari danu di date vaprofeti vanu nga ngonyamo yi hasamulako.

Zefaniya 3:7

Ani ni ti ti khani: Kha ditshuri u na ni thava, kambe u na tumela kukawukwa; se ngu kumaha keto, wukhalo wako wa kuzumba ka wona, kha wu na mbi hoxotwa, madingano ni ti ni nga ti ti pimisile; aniko vona va phindute va txi onhetela yotshe mithumo yawe.

Isaya 9:13

Hambi keto, vathu vava, kha va tshumelela ka wule a va lwisako, kha va lava Mkoma wa Mabutho a Tiyimbi.

2 Makronika 16:9

Nguko maso a Mkoma mawona kotshe ha mafuni kutsanisa ava i ku vakwe ngu timbilu tawe totshe. U mahile wuphukuphuku ka mhaka yiya nguko kukhukhela konkuwa u na va ni tiyimbi.

Isaya 42:25

Ngu mhaka yeto, a tshakunutile kuhenya kwakwe txitimwi kwawe, ni mtamo wa yimbi. Se a va vekete m'dhikila madhawani, kambe kha va tipfisisa txilo keto; a va hisile aniko kha va veka mbilu yawe keto.

Vahebheru 12:9

Hahanze ka toneto, hi ni vatate vathu va mmidi, avava va nga hi gondisa, vona ha va xonipha. Ina kha hi faneli kuthava ngutu Tate wa mimoya, kasi ku hi na hanya kani?

Varoma 2:2

Nguko ha tiziva ti to Txizimu txi lamula ngu nzila ya ditshuri ava va mahako toneto.

Ezekhiyele 24:13

Amu ka wubihi wako ku ni nduma yo biha, nguko ni ku sawulekisile, aniko awe khwa ti sawulekisa; khu na mbiswa u sawulekiswa ka wubihi wako, ngako ni si leki ku ku henyela.

Jeremiya 32:19

U wa hombe mu ka makungo, u ni mtamo mu ka kumaha, maso ako ma wona otshe mahanyelo a vathu, kasi kuninga ka mmwani ni mmwani madingano ni mahanyelo akwe, ni madingano ni mihando yakwe.

Jeremiya 19:15

A womba tiya Mkoma wa Mabutho a Tiyimbi, Txizimu txa ka Israyeli: Wona taku ni na tisa txitimwi ka diya didhoropa, ni ka sotshe sidhoropana, wotshe wubihi wu ni nga wu womba ngu ku diwukela, nguko va bangisile tithamo tawe, kuva va si engisi timhaka tangu.

Jeremiya 7:26

Aniko kha va ma engisa, hambi ku riya tinzeve; va to bangisa tithamo tawe, ve maha kubiha kupinda ni vatate vawe.

Isaya 48:4

Nguko ni ti tiziva ta ku u bangi msungo, thamo yako yi fana ni msiha wa simbi, ni mbanza yako yi fana ni suku.

Mavingu 27:22

Hambi i diku wo sinza txiphukuphuku ngu dianza da mafaka, nga wu si khukhi wuphukuphuku wa txona.

Mavingu 23:35

se u na khawe: Va ni balisete, aniko kha na kupfa kupanda; va ni pekile, kambe ni ya tipfa; ni na wuka yihi mbimo kani? Ni na tsula niya yi lava kambe.

Mavingu 22:12

Maso a Mkoma ma xayisela wule a ku ni wuzivi, ni kutshotsha kule maalakanyo a m'bihi.

Mavingu 21:29

M'thu wu i ku muonhi, wa thuvikisa khohe yakwe, kambe awule wo lulama wa tsana nzilani kwakwe.

Masalmo 51:6

Wona taku u dhunda ditshuri mbiluni; ni gondise kuziva wutxhari mbiluni.

2 Makronika 28:22

Hambi kule a nga ti ti kuxanisekani, mfumeli Akazi a toya masoni e onhela Mkoma.

Levhi 26:23

Ngako mi si tumeli kukhongotelwa ngu ngani, mi tamarisa amu ka kuhambana ni nani,

2 Vafumeli 1:13

Se mfumeli a to engeta e rumela mmwani mthangeli wa wuraru, ni vathu va mtxhanu wa magumi; sekoko mthangeli wule a to kwela eya khizama ngu mazolo masoni ka Elija, e mkhongotela a txi khene: Awe m'thu wa Txizimu, na ku kombela ti to uva ni wumbilu ngu wutomi wangu, ni wutomi wa sithumi siya sako sa mtxhanu wa magumi.

Jeremiya 8:5

Ngu kutxani vathu va Jerusalema ve timela da magwito kani? Va tsani mu ka kutimela, va lamba kuwuya.

Jeremiya 35:13

Mkoma wa Mabutho a Tiyimbi, Txizimu txa ka Israyeli, a khene: Tsula u txi ya va gela vathu va va ka Judha, ni vaaki va Jerusalema, u txi khawe: Ina kha mi na mbiswa mi amukela gondo ngu kupfa timhaka tangu kani? Kuwomba Mkoma.

Ezekhiyele 2:4

Se vanana mba tikhohe to thuvika, ni timbilu to banga; se ni kuruma ka vona, u na ya va gela ku khawe: Mkoma Txizimu a womba tiya.

Dhaniyeli 9:13

Dotshe dikhombo dile di hi wete madingano ni tile ti nga bhalwa Mlayoni ka Mosi; hambi keto, kha ha dila masoni ka Mkoma, Txizimu txathu, ngu kuleka sionho sathu, ni ti to hi xayisa wunene wako.

Amosi 4:6

Ngu mhaka ya eto ni mi ningile kubasiswa ka makwasa, ka otshe madhoropa anu, ni kupwateka ka dipawu, ka otshe makhalo yanu; hambi keto, kha ma hundulukela kwanu, kuwomba Mkoma.

Genesisi 19:34

Se mangwanani ka kona, awule wa matiwula a to khene ka mnanda wakwe: “Ka wusiku wa nyamnova, ani ni otete ni tate; a hi mlevise kambe ngu vhinya ka wusiku wa nyamsi, sekoko tsula u ya otela nayo, ngu nzila yiya, hi na veleka lihunzu ni tate wathu.”

1 Vafumeli 13:33

Msana keto, Jerobhowamu kha leka nzila yakwe yo biha; a to simama e guleta vathu va hahatshi ngutu e va maha vaphaxeli va makhalo o guleka; a to tatela manza ka ni wuhi a nga ti mlava, se mthuyo e maneka i ti mphaxeli wa makhalo o guleka.

Masalmo 51:8

Ni ninge kuengisa mapswi a litsako ni kunengela; ni na tshumela ni tsaka, hambiko u nga funyeletela sihango sangu.

Masalmo 55:20

Va guleta manza awe ve wukela vale va nga ti ni kudikha navo; ve bhenula txitumelelano txawe.

Isaya 26:11

Mkoma, dianza dako di guletilwe, hambi keto, kha va di woni; va na di wona, hambiko va no kanganyiseka, ngu mhaka ya ku u pfelako vathu vako; kambe mndilo wu na tshokomisa valala vako.

Jeremiya 3:3

Ngu konaho, tinzuma ti tsimbisetwe, sekoko nzuma yo khata kha yana; aniko mbanza yako i ti ya digelegele, ti taku u si tumeli kupfa tingana.

Jeremiya 15:7

Ni va hehete ngu difoxola sidingeni ka matiko; vaveleki ni va honyote vanana vawe, ni lovisa vathu vangu. Nguko va nga mbi hunduluka tinzilani kwawe.

Jeremiya 17:23

Vona kha va engisa, hambi kuhuphuta tinzeve tawe; aniko va to bangisa tithamo tawe, kasi va si engisi, ni kwa mbi amukela kulaywa.

Jeremiya 44:10

Kha mi ti soli kala ni nyamsi kuwa, kha mi kombi txithavo, kha ma tsimbila ngu milayo yangu ni sileleto sangu, ni nga si veka masoni kwanu ni ka vatate vanu.

Amosi 4:8

Kambe kutsimbite vapeperuki ka madhoropa mambidi mwendo mararu, va txi ya ka didhoropa dimwani, kasi kuya sela mati, aniko kha va kolwa: Aniko kha ma hundulukela kwangu, kuwombile Mkoma.

Amosi 4:9

Ni mi pekile ngu moya wo hisa, ni ku mi bhirelisa; siyalo sanu sa tithembweni ni mivhinya yanu, ni sa mikuwu yanu ni sa miolivha yanu, si dyitwe ngu bhandala; hambi keto, kha ma hundulukela kwangu, kuwombile Mkoma.

Amosi 4:10

Ni rumete mtungu kutalwa ni nanu, ku nga va Egipta: Majaha anu ni ma date ngu ditxhari, mahantxhi anu ni malekile me tekwa, kununga ka mabutho anu, ni ku kwetile tithonvuni kwanu; aniko kha ma hundulukela kwangu, kuwombile Mkoma.

Amosi 4:11

Vamwani kwanu ni va fuvisile ku nga Txizimu txi nga fuvisa Sodhoma ni Gomora, mi sate ku nga likhuni lo thaviswa ka wuhya: Hambi keto mi ka hunduluka kwangu, kuwombile Mkoma.