Jeremiya 5:24 - Bhiblia Yo Sawuleka

²⁴ Kha va wombi timbiluni kwawe, va txi kha vona: A hi thaveni Mkoma Txizimu txathu, awu a ningako mati o khata ni a wuxika ngu timbimo ta kona, awu a hi xayiselako mavhiki a kufunyela kwathu.

Jeremiya 5:24 Referans Kwoze

Masalmo 147:8

Ngene a fenengetako nzuma ngu marefu, a lulamisa mati kasiku mewa ha mafuni kambe wa milisa mwasi txitimwi ka mimango;

Joyeli 2:23

Se anu vanana va Siyoni tsakani ngutu, mi tsaka ka Mkoma, Txizimu txanu, nguko ene a na mi ninga m'gondisi wa wululamo, kambe a na txhikisa mati a nzuma, mati a kukhata ka mtxima, ni o gwitisa.

Genesisi 8:22

Mafu ma di nga diho, kuphaya ni kuelula, malanga ni wuxika, wusiku ni mitshikari, kha si na mbi gwita.”

Mithumo 14:17

hambi keto, kha txa leka kufakaza ti to txona txa ho, ngu ku mahela ta tinene vathu, txi wisa mati a nzuma, ni ku mi ninga tinyango to pfuna, txi khurisa timbilu tanu ngu sakudya ni litsako.”

Matewu 5:45

Ngako mi txi maha tiya, mi na va vanana va Tate wanu a ku nzumani; nguko nene wa humisela ditambo vavanene ni vo biha, ni kumaha ti to nzuma yi txi nela vo lulama ni vo mbi lulama.

Jeremiya 14:22

ina txiho txifananiso hagari ka vamatiko txi sikotako kunisa mati kani? Mwendo nzuma yi nga sikota kunisa mati yipune kani? Ina hi ngawe kani Mkoma, Txizimu txathu kani? Ngu konaho, hi na kuverela, nguko ngawe u nga maha sotshe siya.

Mtuletelo 11:6

Tona ti ni mtamo wa kuseka nzuma ti to ma si wi mati ka masiku a wuprofeti wa txona. Tina ni mtamo kambe wo hindula mati otshe me maha mnoha; tina ni mtamo wo peka mafu ngu mitungu yihi ni yihi, sotshe sikhati, ngako ti txi ti lava.

Jakobe 5:7

Ngu konaho, vanathu, timiselani, kala kuwuya ka Mkoma. Wonani mdimi a rinzelako mitxelo yo tshura ya mafu ngu kutimisela, kala a txi amukela kuwa ka mati o khata ni o gwitisa.

Zakariya 10:1

Kombelani mati a nzuma ka Mkoma, ngu mbimo ya nzuma ya mbimo ya kudima; Mkoma ngene a nga va nga kukeluka, a na va ninga mati a nzuma, ni similwa ka thembwe ya mmwani ni mmwani.

Amosi 4:7

Hahandze keto, ni mi vhalete nzuma, ku txi ngadi kupwateka mitxima yiraru kuhoka mbimo yo funyela; ni yi nisile ka didhoropa dimwedo ka dimwani ni ka yi nisa; ka thembwe yimweyo yi nite, aniko ka yimwani thembwe kha ya na, kuomile.

Hoseya 6:1

Ngonani, hi tshumelela ka Mkoma, nguko ene a hi phatulete, se a na hi kalamukisa; a hi lematile, aniko a na sungelela silonda sathu.

Jeremiya 50:5

Va na wotisa va di nzilani ka Siyoni, tikhohe tawe ti na rendekela koneyo, va nata ti pananisa ni Mkoma, ka Txitumelelano txo mbi gwita, txi na kwa mbi dhuka txi divalwa.

Jeremiya 5:22

Ina kha mi ni thavi kani? Kuwomba Mkoma; kha mi na mbi dhudhumela masoni kwangu kani? Ani wu ni nga veka mtxhefa kuva muhingano wa Linene wa kala kupinduka, ti taku li si sikoti ku wu ndaka. Hambi mavimbi ma txo peka ngu mtamo kha ma sikoti ku wu xula; hambi li nga dhindadhinda ngu mtamo kha li na mbi pinda.

Isaya 64:7

Se kha ku na m'thu wu a dhanako ditina dako, wu a wukako e namarela kwako; nguko u hi sisete khohe yako, se u hi leka hi lova ngu mhaka ya wubihi wathu.

Jobe 38:37

I mani a ku ni wutxhari wo balela marefu kani? Mwendo misava ya nzumani yi nga kwitimiswa ngu mani,

1 Vafumeli 17:1

Sekoko Elija, wa Tisibha, mmweyo wa vaaki va Gileyadhi, a to khene ka Akabe: Ni xambanya ngu Mkoma a hanyako, Txizimu txa Israyeli, awu ni ku masoni kwakwe, ti to kha ku na mbiwa mati, hambi mwando, hahanze ka kuva ni kombela.

Dhewuteronome 28:12

Mkoma a na kutulela thomba yakwe ya yinene, i ku nzuma, kasi ku e nisa mati ngu mbimo ya kona amu ditikoni kwako, ni kukatekisa wotshe mthumo wa manza ako; awe u na txenekisa ka mifumo yotshe, aniko awe khu na mbi txeneka, txilo ka yona.

Hoseya 3:5

Msana keto, vanana va ka Israyeli va na tshumela ve lava Mkoma, Txizimu txawe, ni Dhavhidha, mfumeli wawe; ka masiku o gwita va na thava Mkoma ni wumbilu wakwe.

Jobe 5:10

Txa nisa nzuma txitimwi ka mafu, ni kuninga mati tithembweni.

Masalmo 65:9

Awe wa xayisa ditiko, u txi di rumela txyandela u txi di ninga kunona ni kupfuna. Wa tata minambo yi txi khulunga se u txi nonisa tithembwe ta fulaho, nguko mafu u ma mahete toneto.

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Jeremiya 3:3

Ngu konaho, tinzuma ti tsimbisetwe, sekoko nzuma yo khata kha yana; aniko mbanza yako i ti ya digelegele, ti taku u si tumeli kupfa tingana.

Jobe 29:23

nguko va ti ti ni verelisa kufana ni mati a nzuma; kambe va ti ti tula sisofu nga vo nengela mati o swela kuwa.

Jeremiya 10:13

Ngako a txi guleta dipswi dakwe, mati ma dhinda nzumani, wa maha marefu ma txita ngu magwito ka mafu, a rumela singwalangwanda kumweko ni nzuma, ni kuhumisa diphuho ngu sisangalani kwakwe.