Jeremiya 5:22 - Bhiblia Yo Sawuleka

²² Ina kha mi ni thavi kani? Kuwomba Mkoma; kha mi na mbi dhudhumela masoni kwangu kani? Ani wu ni nga veka mtxhefa kuva muhingano wa Linene wa kala kupinduka, ti taku li si sikoti ku wu ndaka. Hambi mavimbi ma txo peka ngu mtamo kha ma sikoti ku wu xula; hambi li nga dhindadhinda ngu mtamo kha li na mbi pinda.

Jeremiya 5:22 Referans Kwoze

Masalmo 104:9

kala mihinganoni mu u nga ma tsimba kupinda, kasiku linene li si khubhunyeti kambe mafu.

Jobe 26:10

Txi vekile m'hingano txitimwi ka mati ngu madhawani ka kona, ni magwito ka liwoningo ni ka txidema.

Mavingu 8:29

mbimo yile a nga ti ti veka magwito a linene, kasi ku mati ma si pindi kuruma kwakwe; mbimo yile a nga ti ti folisela sitsaniso sa mafu,

Masalmo 119:120

Mmidi wangu wa dhudhumela ngu dizowa masoni kwako, ngu txithavo txi ni ku natxo ka mithetho yako!

Dhewuteronome 28:58

Ngako u si khatali ngu kuvekisa otshe mapswi a mlayo wuwa, aawa ma nga bhalwa ka dibhuku diya, ni kuthava ditina diya da wudhumo ni kuthisa, da Mkoma, Txizimu txako,

Nahume 1:4

Mkoma wa tolovela kukawuka linene, a txi li omisa, kambe wa phwisa yotshe minambo; wa tsivata Bhasani ni Karmeli, se txiluva txa Libhanoni wa txi wunisa.

Jeremiya 10:7

Awe Mfumeli wa matiko, i mani asi ku thaviko kani? U fanete kuthavwa, nguko hagari ka totshe titxhari ta vamatiko, ni ka mifumo yawe yotshe, lambi, khangaho wu a fananako ni nawe.

Marku 4:39

Se ene a to wuka e dhusa diphuho, a txi khene ka digova: “Malala, u txi dwe!” Se diphuho di renga, se ku va ni kudikha ka hombe.

Mtuletelo 15:4

Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”

Amosi 9:6

Ngene a akako tinyumba takwe nzumani, e tsanisa nzuma mafuni a dhanako mati a linene, e ma nisa txitimwi ka mafu; ditina dakwe ngene Mkoma.

Masalmo 99:1

Mkoma wa fuma; ma na dhudhumele matiko. Ene a khalahatshile txitimwi ka makerubhima. Mafu ma na dekadeka!

Masalmo 33:7

A tshanganisile mati a linene ka wukhalo wumwewo; minambo ni maziva ka makhalo ya kona.

Matewu 10:28

“Mi nga thaveni ava va dayako mmidi, va si sikotiko kudaya moya. Aniko thavani Txizimu txi ku ni mtamo wa kulovisa mmidi ni moya Gehena.

Isaya 50:2

Ngu kutxani ni ngata ni si ta mana m'thu kani? Ngu kutxani ni nga mi dhana, ku si oroveli ni wammweyo kani? Ina dianza dangu di to khwanyela, niza ni si sikoti kutirula kani? Ni ku mwendo kha ni ngadi ni mtamo kasi kutxhatxhisa kani? Wonani taku, ngu kukawuka kwangu na omisa linene, ni maha ti to minambo yi hunduluka yiva siwula, kala kuza sihaka sa kona si nunga, nguko kha ku nga ni mati, se sa fa ngu ditora.

Luka 12:5

Aniko ni na mi kombisa awu mi fanelako ku mu thava. Thavani awu, msana ka kudaya mmidi, a ku ni mtamo wa kutshotsha m'thu mndiloni. Ina, ani na mi gela, thavani eneyo.”

Dhaniyeli 6:26

Ni leleta ti to ka madhawa otshe a mfumo wangu, vathu ve na dhudhumele ni kuthava masoni ka Txizimu txa Dhaniyeli; nguko txona nji Txizimu txi hanyako, txi zumbako kala kupinduka, kambe mfumo wa txona kha wu na khundumuswa; ni kufuma ka txona kha ku na mbi va ni magwito.

Isaya 66:5

Engisani dipswi da Mkoma, anu mi dhudhumelako masoni ka dipswi dakwe. Vananu vale va mi nyenyako, kambe va mi tshotshako kule ngu kuranda ditina dangu, va kha vona: “Mkoma a na dhumiswe, kasi ku hi wona kutsaka kwanu!” Aniko vona va na wiswa tingana.

Genesisi 1:9

Se Txizimu txi to kha txona: “Ma na sengeletane mati a hahatshi ka nzuma wukhalo wumwewo; kasi ku na maneka mtxhefa wa kuoma.” Se eto ti to maheka.

Jobe 38:8

Niku mwendo i mani a nga bhiyela linene ngu matimba, mbimo yile mati ma nga thekelela me huma,

Masalmo 46:3

Hambi mavimbi ma txi dhinda ngu mtamo wa kuhenya ni kungako mimango yi txi dekadeka ngu kupekwa ngu mati.

Isaya 64:2

U txi nga mndilo wu hisako tikhuni, wu halisa mati, kasi ku ditina dako di zivaneka ka valala vako, ngu kumaha keto, matiko ma na dhudhumela masoni kwako.

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Amosi 4:12

Ngu mhaka yeto, ni na kumaha toneto awe Israyeli! Se ngu mhaka ya ti ni no kumaha, ti lulamisele awe Israyeli, kasi kumanana ni Txizimu txako.

1 Vafumeli 13:28

Se a to tsula eya mana txirumbi txa kona txi di kwapa-kwapa hanzila, se mbongola ni ngonyamo si di emile hafuhi ni txirumbi; ngonyamo yi sa mita mmidi, hambi kuphatulela mbongola.

Jobe 37:24

Ngu mhaka yeto, vathu va mthava; ene kha thavi vale va ku ni mbilu yo txhariha.

Jeremiya 31:35

Mkoma a khene, awu a ningako ditambo kuwoninga ditshiku, ni kuleletela mtxima ni tinyeleti ha wusikuni, a bhandako linene ni kudhindisa mavimbi a lona; ditina dakwe Mkoma wa Mabutho a Tiyimbi.

Jona 1:16

Se vavamna vava, va to khata kuthava Txizimu, ngu txithavo txa hombe, ve ningela miphaxo ka Mkoma, ni sixambanyo sawe.