Jeremiya 5:21 - Bhiblia Yo Sawuleka

²¹ Engisani koko, anu vathu vo bharuka, mi singako ni mapimo, mi ku ni maso ma si woniko, ni tinzeve ti si engisiko!

Jeremiya 5:21 Referans Kwoze

Ezekhiyele 12:2

Awe mwanana wa m'thu, u zumba hagari ka vathu va kutitsimba, va maso o dingana kuwona aniko kha va woni, kambe va ni tinzeve to dingana kuengisa aniko kha va engisi; nguko i nyumba ya kutitsimba.

Mithumo 28:26

‘Tsula ka vathuvo, u txi ya va gela ku khawe: Kuengisa, mi na engisa, aniko kha mi na mbi ti mana; kuwona, mi na wona, aniko kha mi na mbi ti pima.

Varoma 11:8

Nga ti ti nga bhalwa taku: “Txizimu txi va ningile moya wa mphume wa hombe; ni maso a ku ambi wona, ni tinzeve ta ku ambi engisa, ni nyamsi i ngadi toneto.”

Johani 12:40

“A phumisile maso awe e bangisa timbilu tawe, kasiku va si woni ngu maso, ni ku va si pimi ngu timbilu tawe, kufela ku va si hunduluki, nani ni si va hanyisi.”

Jeremiya 4:22

“Nguko vathu vangu va bharukile: Kha va ni zivi; vanana vo mba ziva, na va si nga ni kupima. Vona va txharihile kumaha kubiha aniko kha va sikoti kumaha wunene.”

Marku 8:18

Mi na ni maso, kasi kha mi woni; mi na ni tinzeve kasi kha mi engisi, kani? Kha mi alakanyi,

Jeremiya 8:7

Hambi nyawukolwe wa ndengalengani, wa ziva timbimo takwe. Dituva, ni nyawukolwe ni mbeluvelu, sa ziva mbimo yo tshumela ngu yona. Aniko vathu vangu kha va zivi milayo ya Mkoma.

Jeremiya 5:4

Se ni txi alakanya ku khani: “Ngu ditshuri, avava i vathu va hahatshi, vona nzipumbu, nguko kha va yi zivi nzila ya Mkoma, ni milayo ya Txizimu txawe.

Isaya 44:18

Kha va zivi txilo, hambi kupfisisa txilo; nguko va vhalekile maso, kasi ku va si woni, ni mbilu kasi ku va si pimi txilo.

Masalmo 94:8

Anu sipumbu, mi na gonda mbimo muni kani? Anu vathu va mahundwa, mi na ziva mbimo muni, kani?

Isaya 27:11

Mbimo yile madhavi a kona ma no oma, ma na funywa; vavasikati va nata ma dhivela, nguko vathu vava, hi nga vathu vo pfisisa; ngu toneto, wule a nga m'va nga kha na mbi mpfela wusiwana, ni wule a nga muwumba, kha na mbi va mahela wumbilu.

Mavingu 17:16

Ina txiphukuphuku txi nga vhuneka ngu kuxava wutxhari ngu male, na kuve txona kha txi nga ni mapimo kani?

Dhewuteronome 32:6

Nguko tontiya mi tshumetelaka ngu tona ka Mkoma, anu vathu va wupumbu ni kwa mbi ziva, kani? Ina hi nga ene Tate wako, ni m'vangi wako kani? Ene apune a kumahile a txi ku emisa!

Dhewuteronome 29:4

Aniko, kala ka ditshiku da nyamsi, Mkoma a ti sanzi ku mi ninga mbilu yo pimisa, ni maso o wona, ni tinzeve to engisa ati ta ku khene:

Hoseya 7:11

Nguko Efrayime a fana ni txituvani txo divala, txa kwa mbi na mapimo; va dhana Vaegipta, veya Asiriya.

Jeremiya 10:8

Votshe va bharukile ni kwa mba ziva, gondo ya sifananiso njo tanda.

Marku 4:12

ti taku, ‘Hambi i di kuwona ve wona kambe va si wonisisi; hambi i di kuengisa ve engisa kambe va si pfisisi; kasiku va si thuki ve hunduluka, se ve divalelwa sionho.’ ”

Varoma 1:20

Nguko asi sa Txizimu si si wonwiko ngu maso, i ku mtamo wa txona wo mbi na magwito ni wuzimu wa txona, eso sa ti wonekisa amu ka mithumo ya txona, kukhukhela kuvangwani ka ditiko; ngu konaho kha va na nzila yodanga ngu yona.

Isaya 43:8

Tisani vathu va i ku mabhofu, avale va ku ni maso; ni maphazeve ale ma ku ni tinzeve.

Jeremiya 5:20

Zivisani ka nyumba ya ka Jakobe, kambe pfalisani ka Judha, mi txi khanu:

Jeremiya 6:10

Ni na gela mani, ni maha wufakazi waku va na wu engisa kani? Tinzeve tawe maphanzeve, kha va sikoti kuengisa. Mhaka ya Mkoma njiruko kwawe kha va yi dhundi.

Zakariya 7:11

Sekoko vona kha va lava kuengisa, va to ni komba makata o ni nyenya, ve tsiva ni tinzeve tawe, kasi ku va si engisi.

Dhewuteronome 29:3

Sikarato sa hombe asi maso anu ma nga si wona, sidiwukiso ni sikombiso sa hombe.

Jeremiya 7:13

Kona kuwa koko, mi di mahile totshe tiya, kuwomba Mkoma, ni wombile kwanu i di ngadi mixo, ni mi gela, aniko kha ma engisa; ni to mi dhana, kambe kha ma xamula.