Jeremiya 5:13 - Bhiblia Yo Sawuleka

¹³ Hambi vaprofeti va na nga moya, nguko kha va nga ni dipswi; ati va wombako ti na humelela kwawe.”

Jeremiya 5:13 Referans Kwoze

Jeremiya 14:15

Ngu konaho, Mkoma a womba eto madingano ni vaprofeti vale va profetako ngu ditina dangu, na ni sa va ruma, ava va ku kha vona: Ditxhari ni nzala kha si na mbi va ho ditikoni muwa, a txi khene: Vaprofeti va na loviswa ngu ditxhari ni nzala.

Jeremiya 14:13

Se ani ni ti khani: Ha, Mkoma, Txizimu, vaprofeti va womba kwawe, va txi kha vona: Kha mi na mbi wona ditxhari, hambi kuve ni nzala; aniko a na mi ninga kuthutha ko tsana ka wuwa wukhalo.

Jobe 8:2

U na womba to nga eto kala yihi mbimo kani? Ditshuri da txisofu txako di na komba wuhi moya kani?

Hoseya 9:7

Ma hokile masiku o tsayiswa, ma hokile masiku a kupharela; Israyeli a na tiziva; mprofeti kha na mapimo, m'thu wa moya, njiphukuphuku; ngu mhaka ya kutala ka wubihi wako, ni lona livengo li na kula.

Jeremiya 28:3

Ma txi nave ma di pindile malembe mambidi, ni na wuyisa ka wuwa wukhalo sotshe siya sa Nyumba ya Mkoma, asi Nebhukodhonosori, mfumeli wa Bhabhilona, a nga si tekela kona, a txi si heleketa Bhabhilona.

Jeremiya 18:18

Sekoko va to kha vona: “Ngonani hi ta maha txikungo txo wukela Jeremiya; nguko vaphaxeli kha va na mbi tandeka ku hi ninga m'layo, hambi txhari ku hi ninga wusungukati, hambi vaprofeti ku hi ninga dipswi. Ngonani hi na ya muhika ngu tidimi tathu, hi si khataleli timhaka takwe.”

Jobe 6:26

Ina mi nga dhuka mi mana mapswi o ni laya ngu ona, eko ditshuri da m'thu wo gwitelwa, di fanako ni moya kani?

2 Makronika 36:16

Kambe vona va to ruketela mitumi ya Txizimu ve eyisa mapswi awe, va tseketsete vaprofeti vakwe, kala kuza kuhenya ka Mkoma kukwela txitimwi ka vathu vakwe, kupwateka ni wammweyo wo huluka.

Mavingu 25:14

M'thu wule a ti dhundako ngu wuha wa makuhu, a fana ni hunguva ni moya ya kwa mbi nisa mati.

Isaya 41:29

Wona taku votshe kha va vhuni txilo, mithumo yawe hi nga txilo, sithombe sawe so wumbwa i moya, hi txilo.

Jeremiya 22:22

Vadyisi vako va na huhiswa ngu moya, ni va vo randeka kwako va yiswa wukhumbini; sekoko u na koyo tingana, u dhungeka msungo ngu mhaka ya wubihi wako.

Jeremiya 43:2

sekoko a to womba-womba Azariya mwana Hoxaya, ni Johanani mwana Kareya, ni votshe vavamna va mabava va txi kha vona ka Jeremiya: “Awe u womba makuhu! Mkoma, Txizimu txathu, kha kurumela ku ta womba ku: Mi nga tsuleni mi txi ya luvela Egipta.