Jeremiya 5:1 - Bhiblia Yo Sawuleka

¹ “Horolokelani ka magondo a Jerusalema; mi xolisisa mi wona amuwa sidingeni; ngako mi txi sikota kumana m'thu, hambi ni wammweyo wu a mahako wululamo, ni kuthembeka, ani ni na divalela dotshe didhoropa.”

Jeremiya 5:1 Referans Kwoze

Ezekhiyele 22:30

Hagari kwawe ni lavile wamwamna wa kuva a nga tsivela diguma, na a ti ka ditshoko masoni kwangu, kasi ku ni si di khundumusi; aniko kha na mana ni wammweyo.

2 Makronika 16:9

Nguko maso a Mkoma mawona kotshe ha mafuni kutsanisa ava i ku vakwe ngu timbilu tawe totshe. U mahile wuphukuphuku ka mhaka yiya nguko kukhukhela konkuwa u na va ni tiyimbi.

Isaya 59:4

Ku walo ni wammweyo a pfalisako kululama, hambi ni wammweyo wo maneka kulamulani ka ditshuri; va themba manyala, ni kutsimbila ve womba-womba makuhu; va khura sirumbu sa mithumo, aniko ve veleka wubihi.

Masalmo 14:3

Aniko votshe va hambukile, kambe va onhekile, kha nga ho wule a mahako ta tinene. Lambi ni wammeyo!

Mavingu 20:6

Hagari ka vathu mmweyo ni mmweyo a pfalisa wunene wakwe; kambe i mani a nga mmanako m'thu wo thembeka kani?

Masalmo 12:1

Hi hanyise, Mkoma, nguko vathu vo lulama va gumile kha ku nga ho vathu vo thembeka hagari ka vanana va vathu.

2 Vatesalonika 2:10

A na thumisa totshe tinzila to biha, ti ti xengako ava va yako kulovani, nguko kha va amukela ni kuranda ditshuri, kasiku ve huluswa.

Luka 14:21

Txithumi txi to tshumela txi ya zivisa mkoma wa txona timhaketo. Se nyamne wa m'ti a to henya, a txi gela txithumi txakwe, a txi khene: ‘Kuluveta u txi ya mitendelani ni maphangoni ka didhoropa, u txi tisa kheno sikulungu ni silima ni mabhofu ni va vo khwita.’

Zakariya 2:4

Se yi txi yi gela tiya: Tutuma, u ya gela dizambi diya u txi khawe: Jerusalema ku na akiswa ku nga mikhokhola yo mbi na maguma, ngu mhaka ya kutala, ka vathu, ni ka sihari.

Amosi 8:12

Ku na ya vo tsimbila-tsimbila ka linene limwani kala ka limwani, se ngu Wuphemba kala Wutxani: Va na tutuma kala ka otshe makhalo va txi lava dipswi da Mkoma, kambe va na mbi di mana.

Joyeli 2:9

Va na lwisa didhoropa, ve ndaka maguma, va na kwela ngu mafasitela tinyumbani, ve wulela nga makhamba.

Dhaniyeli 12:4

Se awe, Dhaniyeli, vhala mapswi awa, u lema dibhuku diya, kala ka mbimo yo gwita; votala va na tutuma-tutuma va txiya kheya ni kheya, kambe wutxhari u na anda.

Ndando ya Tindando 3:2

Ni na khukha koko, ni horolokela didhoropa, ni horolokela amu ka tinzila ta hombe ni mitendelani, ni lava awu muhefemulo wangu wu mrandako; nguko ni m'lavile, se kha na mmana.

Mavingu 23:23

Xava wunene, aniko u nga wu xavise; ina, wutxhari, gondo, ni kupimisisa.

Mavingu 8:3

Madhawani ka matimba a didhoropa, sidingeni ka didhoropa ni hamatimbani wa dhana:

1 Vafumeli 19:10

Se ene a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

Jeremiya 2:29

Mi ni henyela ngu kutxani kani? Anu motshenu mi hambunyetile mi txi ni wukela, kuwomba Mkoma.

Jeremiya 44:15

Sekoko va to mu xamula Jeremiya votshe vavamna vale va nga ti tiziva ti to vasikati vawe va hisela dibaselo sizimu sa walo, ni dotshe dibutho da hombe da vavasikati vale va nga ti emile, kumweko ni votshe vathu vale va nga ti ti zumba Patrosi ditikoni ka Egipta, va txi kha vona:

Masalmo 14:2

Mkoma a wona vathu a di nzumani, kasi kuwona ti to mwendo a nga mana m'thu wammweyo wo ziva, awu a lavako Txizimu.

Masalmo 94:16

I mani a no ema ni nani hilwa ni siphukuphuku kani? I mani a no ema ni nani hilwa ni vale va mahetelako kubiha kani?

Jeremiya 8:6

Ni riyile nzeve, ni engisela, aniko kha va wombi ditshuri; kha ngaho a hundulukako kubihani kwakwe, a txi khene: Intxani ni nga txi maha kani? Votshe va tutuma nga mahantxhi ma kuluvetelako kulwani.

Jeremiya 9:2

I ti ku no va ni dizumbo da vatsimbili muwa txiwulani, sekoko ni ndi nava ni di lekile vathu vangu, ni khukha hagari kwawe, nguko votshe va ni wugango, msengeletano wa vakangayisi.

Jeremiya 9:7

Ngu konaho, kuwomba Mkoma wa Mabutho a Tiyimbi, ni na va nyekisa, ni va xola; nguko ni nga mahisa kutxani ngu m'horana wa vathu vangu kani?

Ezekhiyele 9:9

Sekoko a to ni gela ku khene: Wubihi wa nyumba ya Israyeli ni ya ka Judha mbwa hombe ngutu, ditiko di tate ngu mnoha, ni didhoropa di tate ngu wukanganyisi; vona va kha vona: Mkoma a lekile ditiko. Mkoma kha woni.