Jeremiya 49:7 - Bhiblia Yo Sawuleka

⁷ Txisolo xungetano ni Edhomi. Mkoma wa Mabutho a Tiyimbi a womba tiya: Ku ngava ku si ngadi ni wutxhari Temani kani? Ina si lovile silayelo sa titxhari kani? Wu bhirete wutxhari wawe kani?

Jeremiya 49:7 Referans Kwoze

Jeremiya 49:20

Ngu toneto, pfanani sileleto sa Mkoma, asi ene a nga si emisela Edhomi; ni kuxuva kwakwe ngu vaaki va Temani: Ngu ditshuri ava vavadotho hagari ka tinvuta va na ndindwandindwa. Ngu ditshuri ku na fuviswa tinyumba tawe.

Jeremiya 25:21

ni Edhomi, ni Mowabhi, ni vanana va Amoni;

Genesisi 36:15

Avava ngu vona vathangeli va vanana va Esawu; i ku vanana va Elifazi, matiwula a Esawu, i ku vava: Mthangeli Temani, mthangeli Omari, mthangeli Sefo, mthangeli Kenazi,

Genesisi 25:30

Se Esawu a to khene ka Jakobe: “Na ku kombela nihe sakudyeso so bhilivila ni txi dya, nguko ni wuya ni di karate.” Ngu toneto, Esawu a nga ningwa ditina daku i Edhomi.

Jobe 2:11

Va di ti pfite koko vangana vararu va Jobe totshe to biha ti nga maheka txitimwi kwakwe, mmweyo ni mmweyo a tile ngu ka wukhalo wakwe: Elifazi Mutemani, ni Bhilidhadhe Musuwita, ni Zofari Munamani, va tshanganile ve ta mtsetsa ni ku mthavelela.

Genesisi 36:11

Vanana va Elifazi ngu vava: Temani, Omari Sefo, Gayetamu, Kenazi.

Habhakuki 3:3

Txizimu txi tile ngu Temani, se Msawuleki a tile ngu mmangoni ka Parani. Wudhumo wakwe wu fenengetile nzuma, se mafu ma tate ngu kudhumiswa kwakwe.

Joyeli 3:19

Egipta a na tshumela e va txisapa, se Edhomi a na va txiwula txa txiwunda, ngu kule va nga lwisa vanana va ka Judha ve theketa mnoha ka matiko a kona.

Dhaniyeli 11:41

Se a na wulela kambe ka ditiko do tshura, aniko matiko amangi ma na xaselwa, kambe Edhomi, ni Mowabhi, ni vahombe va vanana va ka Amoni va na huluka manzani kwakwe.

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.

Jeremiya 18:18

Sekoko va to kha vona: “Ngonani hi ta maha txikungo txo wukela Jeremiya; nguko vaphaxeli kha va na mbi tandeka ku hi ninga m'layo, hambi txhari ku hi ninga wusungukati, hambi vaprofeti ku hi ninga dipswi. Ngonani hi na ya muhika ngu tidimi tathu, hi si khataleli timhaka takwe.”

Isaya 29:14

Wona taku, ni na simama ni maha mthumo wo xamalisa hagari ka vathu vava; i ku mthumo wo xamalisa, kambe wo thisa, nguko wutxhari wa titxhari tawe, wu na fuva, ni mapimo a vathu vawe vo ziva, wu na sisala.

Masalmo 137:7

Alakanya, Mkoma, ati va nga maha vathu va Edhomi, ditshiku diya Jerusalema a nga welwa ngu dikhombo: Vona va huwelete va txi kha vona: “Khundumuselani, Khundumuselani didhoropa diya, kala makhatoni ka dona!”

Jobe 4:1

Sekoko Elifazi, Mutemani, a to xamula, a txi khene:

1 Makronika 1:53

mthangeli Kenazi, mthangeli Temani, mthangeli Mibhizari,

Dhewuteronome 23:7

U nga nyenye muedhomi, nguko i mwananu; hambi kunyenye Muegipta, nguko u ti ti mluveli ditikoni kwawe.

Genesisi 36:34

Jobhabhe ngako a di fite, ha wukhaloni kwakwe ku fumile Husame, wa ditikoni ka Vatemani.

Genesisi 36:8

Ngu mhaka yeto Esawu i ku Edhomi, a to aka mmangoni ka Seyiri.

Genesisi 27:41

Se Esawu a to khata kuvenga Jakobe mnanda wakwe, ngu mhaka ya txikatekiso txi tate wakwe a nga mninga, a txi pimisa ekha mbiluni kwakwe, a txi khene: “Masiku o na dila tate nguko a di fite, ma hafuhi; sekoko ni na daya mnanda wangu Jakobe.”

Genesisi 32:3

Jakobe a to ruma mitumi yakwe, e yi thangetisa masoni kwakwe, yi txi ya ka mwanawe Esawu, ditikoni ka Seyiri, ditikoni ka Edhomi.

Jeremiya 8:9

Titxhari ti wite tingana, ta dhudhumela ni kuñolwa. Ti kanetile mhaka ya Mkoma. Mbuzivi muni ti ku nawo kani?

Jeremiya 12:14

Ndongeto a wombako Mkoma ngu vaakelani vangu vo biha ava va wukelako thomba yi ni nga ninga vathu vangu va Israyeli. Ni na va dula ditikoni kwawe, ni nyumba ya ka Judha ni na yi dula hagari kwawe.

Jeremiya 25:23

ni Dhedhani, ni Tema, ni Bhuzi, ni votshe vale va zumbako magwito ka makhona a ditiko;

Ezekhiyele 32:29

Koneyo waho Edhomi, vafumeli vakwe ni vathangeli vakwe, avale hambiko va nga ti ni mtamo, va ti ya vekwa ni vale va nga dayelwa ngu ditxhari; avava, va otete ni makhutu, ni vale va nga relela diphalani.

Isaya 21:11

Mahungu a Dhuma. Va ni kwangulela ngu Seyiri, va txi kha vona: Muwoneleti, nji txani txi nga maheka ni wusiku kani? Muwoneleli, nji txani txi nga maheka ni wusiku kani?

Sidilo 4:21

Tsaka ngutu, u tsaka awe mwanana wa muhorana wa Edhomi, u zumbako ditikoni ka Uzi, digombe di na hoka kwako; se u na leva, u sala u sa ambala txilo.