Jeremiya 49:4 - Bhiblia Yo Sawuleka

⁴ Ngu kutxani u txi ti dhumisa mikovani, ka mikova yako yo tshura, awe mwanana wa txigevenga u thembako tithomba tako, u txi khawe:

Jeremiya 49:4 Referans Kwoze

1 Timoti 6:17

Ka vanyatithombe va ha mafuni muwa, va laye ti to va si ti kulisi, va si veki kuthemba kwawe ka thomba yo mbi tsana, aniko ve themba Txizimu, txi hi wuyiselako sotshe ngu ku hi tatela, kasiku hi tsaka.

Jeremiya 21:13

Hi nga wona, ni ni txisolo ni nawe wo zumba mkovani, awe dirigwi da libalani, kuwomba Mkoma; ni ni mhaka ni nanu mi ku khanu: I mani a no relela e ta hi wukela kani? I mani a no wulela dizumboni kwathu kani?

Jeremiya 9:23

Mkoma a khene: Txhari nga yi si ti dhundi ngu wutxhari wa yona, ni ndena nga yi si ti dhundi ngu wundena wa yona, hambi wu a ku naso, nga asi ti dhudhi ngu kumana kwakwe.

Jeremiya 48:7

Nguko, ngu mhaka ya ku u thembako mithumo yako ni tithomba tako, na nawe u na xulwa; Kemoxe a na yiswa wukhumbini, kumweko ni vaphaxeli ni vathangeli.

Jeremiya 3:14

Wuyani, anu vanana vo tiwuka, kuwomba Mkoma, nguko ni nyamne wanu. Ni na teka mmweyo ka m'ti ni m'ti, ni vambidi ka lihunzu ni lihunzu, mi siya Siyoni.

Masalmo 62:10

Mi nga thembeni wukhinyavezi, mwendo ku ti kanganyisa ngu sile i ku sa walo. Ngako mi txi wona tithomba tanu ti txi tala, mi nga vekeni timbilu tanu ka tona.

Masalmo 52:7

“Ndiyo m'thu a nga mbi kombela kuvhikelwa ngu Txizimu; a ti themba tithomba takwe ni mithumo yakwe yo biha.”

Masalmo 49:6

Vona va themba tithomba tawe, va ti kukumukisa ngu suma si va ku naso.

Mtuletelo 18:7

“Madingano ni ku ti dhumisa kwakwe ni kutikulisa kwakwe, m'tshumeteleni ngu sixaniso ni makhombo nguko mbiluni kwakwe a ti ti khene:” “Ni khalahatshile nga khosikazi, kha ni nga noni, txima kha ni na mbi va ni txidilo.”

Hoseya 4:16

Nguko va ka Israyeli va ni kanu kufana ni homu ya makati ya kanu; konkuwa Mkoma a na va dyisa kufana ni txinvutana ka wukhalo wo anama.

Jeremiya 49:16

Kasi ngu mhaka ya mathiselo ako, kutikukumukisa ka mbilu yako ku kuxengile. Awe u zumbako mibhalani ka marigwi, u manekako txitimwi ka mimango, hambi u txo guleta txisaka txako nga digama, ni na kukhundumusa koneyo, kuwomba Mkoma.

Jeremiya 7:24

Aniko kha va engisa hambi ku riya tinzeve; se va to tsula makungoni kwawe ni mu ka kubanga ka timbilu tawe to biha, va to tshumelela msana, kha vaya masoni.

Mavingu 10:15

Thomba ya nyatithombe, ngu yona i ku didhoropa dakwe do tsana; sisiwana si fuviswa ngu wusiwana wa sona.

Jeremiya 31:22

U na peperukela kala yihi mbimo mwananawe, wo bharuka kani? Nguko Mkoma a vangile tximaha txa txiphya ha mafuni: Wamsikati a na vhikela wamwamna.