Jeremiya 49:36 - Bhiblia Yo Sawuleka

³⁶ Ni na tisa txitimwi ka Elame, mune wa mimoya ya mune wa makhona a nzuma, se ni na yi hangalasa yi londisa mimoya yiya yotshe; kambe kha di na mbi vaho ditiko di va no mbi tutumela ka dona va ka Elame.

Jeremiya 49:36 Referans Kwoze

Jeremiya 49:32

Makameli awe ma na honyolwa, ni sifuyo sawe sasingi si na handwa: Ni na va hangalasa ka otshe madhawa ava va nga wila misisi yawe ya mabambe, se ngu ka otshe madhawa ni na va mahela marumbi, kuwomba Mkoma.

Mtuletelo 7:1

Msana ka tiya, ni to wona mune wa tingelozi ti di emile ka mune wa makhona a mafu, ti di ñote maphuho a mune a mafu, kasi ku di si peki diphuho ha mafuni, ha lineneni mwendo ha mndongani.

Amosi 9:9

Nguko ni na rumisa ni kuzuza nyumba ya ka Israyeli hagari ka otshe matiko, ku nga tile yi zuziswato tona fulaho amu ka txiselo, ku siwi ni tshenda ni ya yimweyo ha mafuni.

Dhaniyeli 8:8

Aniko mabhongwe a to tikulisa ngutu ta tinene; kambe a di ngadi mtamoni kwakwe ka hombe, litxheho lile la hombe li to funywa; se kumila mune wa tona ka wukhalo wa lona, ta hombe ni tona, ti kula ti di rendekete ka mune wa mimoya ya nzumani.

Ezekhiyele 5:10

Ngu kumaha keto, vatate va na dya vanana vawe hagari kwanu, ni vanana va na dya vatate vawe; se ni na maha wulamuli wangu kwako, votshe vale va no sala, ni na va hangalasa ka otshe madhawa.

Jeremiya 30:17

Nguko ni na kuthuma, ni txi holisa timbanga tako, kuwomba Mkoma; nguko u wombwa to u m'dhindiriki, Siyoni wu va si mkhataleliko.

Dhaniyeli 11:4

Aniko ngako ene a di ngadi emile, mfumo wakwe wu na hoxotwa wu abaniswa ngu mune wa mimoya ya nzumani; kambe kha wu na mbi ningelwa ka liveleko lakwe, hambi mtamo wa kona kha wu na mbi fana ni wakwe, nguko mfumo wakwe wu na honyolwa wu ningela ka vamwani.

Dhaniyeli 8:22

kufunywa ka litxheho, ni kumila ka mune wa titxheho ka wukhalo wa lona, ti txhamusela ku, ku na wuswa mune wa mifumo ya ditikoni kumweko, kambe i si nga ngu mtamo wa dona.

Ezekhiyele 5:12

Ka mitengo yiraru ya vathu vako, wo khata wu na fa ngu mitungu, ni kuhetwa ngu nzala; se mtengo wa wumbidi wu na dawa ngu ditxhari madhawani kwako; se wumwani mtengo ni na wu hangalasa ka otshe madhawa, na ni txi vatutumisa ngu ditxhari.

Isaya 56:8

Mkoma Txizimu, wule a sengeletako va va nga hangalaka, va ka Israyeli, a womba tiya: “Kambe ni na sengeleta vamwani, ka vale va nga sengeletwa.

Isaya 27:13

Se ku na maheka ka ditshiku dile, taku ku na vetwa mpundu wa hombe, se vale va nga ti mwalate ditikoni ka Asiriya, ni vale va nga tsuliswa ditikoni ka Egipta, va na tshumela ve wuya, ve ta khozela Mkoma, mmangoni ko sawuleka, kona Jerusalema.

Isaya 11:12

Se ku na guletwa m'jeke hagari ka matiko, a na sengeleta vale va nga tovelwa va ka Israyeli, ni vale va nga hangalaka va ka Judha, a na va sengeleta kukhukhela ka mune wa makhona a ditiko.

Masalmo 147:2

Mkoma wa wuseta Jerusalema e tshanganisa ngamu ya Israyeli, yi nga ti hangalakile.

Dhewuteronome 28:64

Se Mkoma a na mi hangalasa hagari ka matiko otshe, kukhukhela magwito ka mafu kala kumwani magwito ka mafu, se koneyo u na ya khozela simwani sizimu, asile awe ni vatate vako mi nga mbi si ziva, so mahwa ngu mapulango ni marigwi.

Dhewuteronome 28:25

Mkoma a na maha ti to u txi xulwa ngu valala vako, u na huma u txi yalwa ni valala vako ngu nzila yimweyo, kambe u na ya tutuma u txi thava ngu mtxhanu wa tinzila ni timbidi, masoni kwawe! U na va txixamaliso ka mifumo yotshe ya ha mafuni

Zakariya 6:5

Se ngelozi yi to ni xamula yi txi kha yona: Ayiya i mune wa mimoya ya nzumani, yi humako ngu mu yi nga ti ti kona masoni ka Mkoma wa mafu otshe.