Jeremiya 49:31 - Bhiblia Yo Sawuleka

³¹ Khukhani, kwelani mi txi wukela ditiko do thutha, di zumbako ngu kuthemba, kuwomba Mkoma; amu ku kuwalo matimba, hambi sikhweketo, vona va zumba vokha.

Jeremiya 49:31 Referans Kwoze

Ezekhiyele 38:11

Se u na khawe: Ni na wukela matiko ka miti yile yo mbi bhiyelwa, ni nata wukela vale va ku mu ko humula, vale va zumbako va di tsani; votshe va zumba va sa ti bhiyela, kambe kha va na matimba a hombe a tisimbi, hambi matimba;

Mika 7:14

Dyisa vathu vako ngu ndonga yako, i ku mtxhambi wa thomba yako wu zumbako wokha txitingani, hagari ka ditiko do nona; wu na dyiselwe Bhasani ni Gileyadhi, kufana ni masiku a kale.

Isaya 47:8

Konkuwa koko, engisa tiya, awe u tsakelako kutiphina, u tipfako u di zumbisekile, u wombako mbiluni kwako, u txi khawe: Ani ngani, hahanze kwangu, kuwalo mmwani; kha ni na mbi va noni, hambi kufelwa ngu vanana.

Dhewuteronome 33:28

Israyeli a akile kuxayisekani, txisima txa Jakobe txi zumbisekile, ka mafu a kupfuna fulaho ni vhinya, hahatshi ka nzuma, ayi yi wisako mwando.

Mitengo 23:9

Nguko na mmona ni di txitimwi ka marigwi, ni wonisisa ni di mmangoni, ni wona vathu va nga zumba ngu didhawa. Ava va si ti fananisiko ni vamwani vathu, va mamwani matiko.

Zefaniya 2:15

Adiya ngu dona didhoropa do tsakisa, di nga ti ti zumba ngu kwa mbi ti wonela, di nga ti ti womba mbiluni ka dona: Ani ngani, kambe kha ku na dimwani hahanze kwangu; eto di nga mahisa tona marumbi, ni ku va nyumba ya sihari! Ni wuhi wu a no pinda ngu ka dona a na veta mloti, se e zinginisa dianza dakwe.

Nahume 1:12

Mkoma a womba tiya: Hambi mi txo tsana ka kutxani, hambi mi di vangi ko txani, hambi keto, mi na fuviswa, se ene a na pinda; awe Judha ni kuxanisile, aniko na mbi ngadi ni kuxanisa kambe.

Ezekhiyele 39:6

Se ni na rumela mndilo txitimwi ka Magoge, ni hagari ka vale va zumbako ko tsana sitondoloni; va na tiziva taku ani ngani Mkoma.

Ezekhiyele 30:9

Ka ditshiku dileya, ku na khukha mitumi masoni kwangu ngu sitimela sa matini, kuya dhukisa Etiyopiya, ka mihoni yakwe; ku nava ni kupandiseka ka hombe, ku nga ka ditshiku da Egipta; wonani taku data.

Jeremiya 48:11

Mowabhi a ti ti zumba kuthuthani kukhukhela ha wuphyani kwakwe, a zumbile tithombani kwakwe; kha nga thaviswa ka txiya a txi vekwa ka tximwani, kambe kha tsuliswa wukhumbini; ngu mhaka yeto a xayisile wunene wakwe, ni kubhumula kwakwe kha nga txitxa.

Isaya 32:11

Dhudhumelani, anu vavasikati vo zumbiseka, kambe karatekani anu mi ti thembako ngutu; thavisani syambalo sanu, mi sala mi di simbwiri, se mi ambala masaka siwununi kwanu.

Isaya 32:9

Khukhani mi ema, anu vavasikati vo zumbiseka, kambe engisani dipswi dangu; se anu vanana vamahorana o tithemba ngutu, riyani tinzeve mi engisa mapswi angu.

Masalmo 123:4

Timbilu tathu ta kolwa ngu kuvengelwa ngu vale vo zumbiseka ni kupoyilelwa ngu vale vo tiguleta!

Masalmo 73:12

Ndiva vathu vo biha: Va zumbisekile, va sengeletela tithomba, va si khatali ngu Txizimu.

Isaya 42:11

Guletani mapswi awe txiwula ni nanu madhoropa, ni mikhokhola yi Kedhari a zumbako ka yona; va na gulete avale va zumbako marigwini, va na kwangule ngu txitimwi ka mimango.