Jeremiya 49:26 - Bhiblia Yo Sawuleka

²⁶ Ngu konaho majaha akwe ma na wa tinzilani ka ona; ni votshe vavamna va yimbi va na loviswa, ka dona ditshiku dile, kuwomba Mkoma wa Mabutho a Tiyimbi.

Jeremiya 49:26 Referans Kwoze

Jeremiya 50:30

Ngu toneto, mazambi akwe ma na wa tinzilani kwakwe; ni votshe vavamna va yimbi va na tutumiswa ka dona ditshiku dile, kuwomba Mkoma.

Amosi 4:10

Ni rumete mtungu kutalwa ni nanu, ku nga va Egipta: Majaha anu ni ma date ngu ditxhari, mahantxhi anu ni malekile me tekwa, kununga ka mabutho anu, ni ku kwetile tithonvuni kwanu; aniko kha ma hundulukela kwangu, kuwombile Mkoma.

Jeremiya 11:22

Ina, Mkoma wa Mabutho a Tiyimbi, a khene: Ni na va tsayisa; majaha ma na dawa ngu ditxhari; vanana vawe va txiwamna ni va txisikati va na fa ngu nzala.

Ezekhiyele 27:27

Tithomba tako, makhalo ako, dibhindu dako, vatsimbitisi vako, ni varumi va kona, avale vo lemetela tifa, ni vamahi va mabhindu ako, ni otshe masotxhwa ako, ale ma ku kwako, ni wotshe msengeletano wako, wu ku hagari kwako, va na bhwabhwamela lineneni ngu ditshiku da kuwa kwako.

Sidilo 2:21

Mazambi ni vathu vahombe va mwalate, ha lithuluni ka magondo. Majaha ni votuma vangu, va datwe ngu matxhari. Ditshiku dile u nga ti henyile, u txi dayela u si divaleli.

Jeremiya 9:21

Nguko kufa kukwete ngu mafasitela athu, kuwulete tinyumbani kwathu ka wukoma; kudaya vanana tiruwani ni mazambi sidingeni.