Jeremiya 49:2 - Bhiblia Yo Sawuleka

² Ngu toneto, mata masiku, kuwomba Mkoma, aha ni no pfalisa diguwa da yimbi ya Rama yo wukela vanana va Amoni, a na maha mmumbu wa marumbi ni makhalo ya a ma fumelako ma na hiswa ngu mndilo; Israyeli a na lumbwa ngu vale a nga txi va lumba, kuwomba Mkoma.

Jeremiya 49:2 Referans Kwoze

Jeremiya 4:19

Mbiluni kwangu, mbiluni kwangu! Ni ni kupandiseka mbiluni kwangu! Mbilu yangu ya bhibhika-bhibhika, kha ni sikoti kumalala; nguko dihika dangu di pfite txiwungulati txa mpundu, ni tihuwa ta tiyimbi.

Ezekhiyele 21:20

U na kombisa nzila ayi di nota ngu yona ditxhari do lwisa vanana va Amoni, ditikoni ka Rabha, ni kulwisa Judha, kona Jerusalema, didhoropa da kutsaniswa.

Dhewuteronome 3:11

(Oge, mfumeli wa Bhasani, i ti ene ekha wa liveleko la vanyasihakate va ka Refayime a nga ti sate. A ti ti ni m'bhedhu wa simbi, awule wu nga ti ni mpimo wa mtxhanu wa mikono ni mune kulapha ka wona, ni mune wa mikono kuanama ka wona, ngu mpimo wa mkono wa vathu, ina kha wu nga diho ni konkuwa kona Rabha, m'tini ka vanana va ka Amoni kani?)

Amosi 1:14

Ngu toneto, ni na veka mndilo ka diguma da Rabha, wu na tshokomisa tinyumba tawe ta wukoma, ngu diguwa da sidilo, ka ditshiku da kulwa, ni moya wa hombe, ka ditshiku da xomulo.

2 Samuwele 11:1

Se ku to maheka ta ku, ku di pindile dilembe dimwedo, ka mbimo yile vafumeli va nga huma veya kulwani, Dhavhidha a to rumela Jowabhi, kumweko ni sithumi sakwe, ni votshe va ka Israyeli, kuya xasela vanana va ka Amoni ni kuya randela Rabha; kambe Dhavhidha a to sala kona Jerusalema.

Jeremiya 49:1

Txisolo ka vanana va Amoni, Mkoma a womba tiya: Ina Israyeli kha nga ni vanana, kha nga ni sidya-thomba kani? Ngu kutxani koko Malkami a lumbwako ngu Gadhi ni vathu vakwe e zumba madhoropani ka kona kani?

Masalmo 97:8

Vathu va Siyoni va ti engisile ve tsaka; madhoropa a Judha ma nengela, nguko u nga lamula ngu kululama, awe Mkoma.

Masalmo 48:11

Wu na tsake mmango wa Siyoni! Ma na tsake madhoropa a Judha, nguko kulamula kwako Mkoma ngo lulama!

Mitengo 21:25

Ngu koneho, Israyeli a to honyola otshe madhoropa, e zumba ka ona a Vaamori, amu Hesibhoni ni otshe madhoropa ma nga ti hahatshi kwawe.

Obhadhiya 1:19

Se va Wulambwe va na teka mmango wa Esawu; va tibalani va na tekela Vafilista; ve teka kambe tithembwe ta Efrayime, ni tithembwe ta Samariya, se Bhejamini a na teka ta Gileyadhi.

Mitengo 10:9

Se ngako ditikoni kwanu mlala e lava ku mi lwisa, mi na veta mipundu yo mi xomisa, mi na alakanywa masoni ka Mkoma, Txizimu txanu, a na mi hulukisa manzani ka valala vanu.

Dhewuteronome 13:16

Se u na tshanganisa yotshe thomba yawe hagari ka mthanda wa didhoropa, u hisa dotshe didhoropa, ni yotshe thomba ya dona, sotsheso u hisela Mkoma, Txizimu txako, u si siyi ni txa tximwetxo; se di na va dirumbi yotshe mbimo, kha di na mbiswa di aketwa.

Joxuwa 17:11

Mu ditikoni ka Isakari ni ka Aseri, Manasi a to ningwa Bheti-Xayani ni madhoropa a kona, Jeblehamu ni madhoropa a kona, vathu va Dhori ni madhoropa a kona, vathu va Tahanake ni madhoropa a kona, ni vathu va Megidhu ni madhoropa a kona; i ku madhoropa a mimango.

Joxuwa 17:16

Vanana va ka Josefa va xamute va txi kha vona: “Mmango wuwa mbudotho, kha wu hi eneli, ni kambe hahanze ka toneto, Vakanana votshe, avale va nga aka amu libalani, va na ni makalitxhi a tisimbi, kumweko ni vathu va Bheti-Xayani, ni va madhoropa a kona, ni va va ku libalani ka Jezrayeli.”

Isaya 17:1

Mahungu a Dhamasku. Wona taku Dhamasku a na thaviswa, kha na mbiswa e maha didhoropa, aniko a na maha mmumbu wa marumbi.

Isaya 11:14

Aniko va na purumela makatani ka Vafilista, ngu Mswa-ditambo; va na handa kumweko vanana va Wutxani; ve ñola Vaedhomi ni Vamowabhi, se vanana va Amoni va na va engisa.

Ezekhiyele 21:25

Awe mthangeliwe wa muonhi wa ka Israyeli, awe u no hokelwa ngu ditshiku do biha ngutu;