Jeremiya 49:19 - Bhiblia Yo Sawuleka

¹⁹ A na woneka sixaxani Jordhani nga ngonyamo, a txi lwisa wukhalo wa mtamo; nguko, ngu mbimwanyana, ni na mtutumisa hale; niku i mani ni no msawula ni txi m'veka txitimwi kwakwe kani? Nguko i mani a fananako ni nani! I mani a no ni vekela mbimo kani? I mani m'dyisi wu a no ni tsiveta kani?

Jeremiya 49:19 Referans Kwoze

Jeremiya 12:5

Ngako u txi palisana ni vathu ngu kututuma, ve kusiya, ina u nga palisanisa kutxani ni mahantxhi kani? U si nga ni kuzumbiseka ditikoni ko thutha, u nga mahisa kutxani txigotoni ka Jordhani kani?

Jeremiya 30:21

Mthangeli wawe a na huma ngu ka vona vanyamne, ni mfumeli wawe, a na huma hagari kwawe vapune. Ni na mtshuketisa, a nata kwangu; nguko i mani a khalako kutshuketa kwangu kani? Kuwomba Mkoma.

Jobe 41:10

Ni wammweyo wo dangahangela kuvhuka ngwenya; i mani koko waku a nga ema masoni kwangu kani?

Jobe 9:19

Se ngu mule ka mitamo, txona txi ni mtamo; se amu ka kulamula, i mani a nga ni fananisako natxo kani?

Joxuwa 3:15

Se mbimo yile avale va nga ti rwate dibhokiso va nga hoka mnamboni ka Jordhani, mikondo ya vaphaxeli vale va nga ti rwate dibhokiso yi to nakana likasani ka mati (nguko mnambo wa Jordhani wu ti ti thekelela sinambwanani ka wona, otshe masiku a kuelula),

Eksodha 15:11

Awe Mkoma, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

Mtuletelo 6:17

nguko di hokile ditshiku da hombe da kuhenya kwawe, se i mani a no sikota kuema, kani?

Zakariya 11:3

Ndidedo dipswi da huwa ya vadyisi, nguko wudhundo wawe wa fuviswa! Dipswi da kubhonga ka singonyamwana, nguko kutikulisa ka Jordhani kufuvisilwe!

Nahume 1:6

I mani a no ema masoni ka txiviti txa Mkoma kani? I mani a no timisela masoni ka kutura ka kuhenya kwakwe kani? Txiviti txakwe txi thekete ku nga mndilo, se marigwi ma hoxotilwe ngu ngene.

Jeremiya 4:7

Ngonyamo yi humile txigotoni ka yona, ni m'hasamuli wa matiko, a khukhile wukhaloni kwakwe kasi kuhangalasa ditiko dako, a hasamula a madhoropa ako ti taku ku si ngadi kuakwa ka ona.

Isaya 40:25

Mi na ni fananisa ni mani koko, kasi ku ni txi fana nayo kani? Kuwomba Msawuleki.

Masalmo 143:2

U nga lave ku ni thethisa ani txithumi txako, nguko masoni kwako kuwalo wu i ku wamnene.

Masalmo 89:8

Mkoma, Txizimu txa mtamo wotshe, kuwalo wo fana ni nawe! Mtamo ni kuthembeka kwako si ku randete.

Masalmo 89:6

I mani a ku nzumani a dinganako ni nawe, kani Mkoma? I mani, hagari ka sivangwa sa nzumani, a dinganako ni nawe, kani Mkoma?

Masalmo 76:7

Awe, Mkoma, wa thisa ka votshe; kuwalo wo tsana e tserama masoni kwako, ngako u di henyile.

Jobe 9:21

Hambi ni ti hetisekile, kha ni thembi dihika dangu; na txhipisa dipswi dangu.

1 Makronika 12:15

Avava ngu va va nga txhatuka Jordhani ngu mtxima wo khata, mbimo yile mnambo wu nga ti khulunga ka sotshe sinambwana sa wona, ve tutumisa votshe vale va nga ti mikovani, veya wutxani ni mswa-ditambo.

Mitengo 16:5

a txi khene ka Kora ni vangana vakwe: Mangwana ni mixo, Mkoma a na mi komba va i ku vathu vakwe, ni va vo sawuleka, ti to ve tshuketa hafuhi kwawe.

Isaya 46:9

Alakanyani timhaka ti ti nga pinda ta kale ngutu: Taku ani ngani Txizimu, se kha ku na tximwani Txizimu, kha ku nga ni tximwani txo fana ni nani;

2 Makronika 20:6

Se a to khene: Mkoma Txizimu txa vatate vathu, ina hi nga awe Txizimu txa nzumani kani? Hi nga awe u fumako txitimwi ka yotshe mifumo ya vathu kani? Diwokoni kwako ku ni mtamo wotshe, kha ku ngani m'thu wu a nga lwako ni nawe.

Masalmo 76:8

U di txitimwi nzumani wa zivisa kulamula kwako se ditiko da dhudhumela di malala,

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.

Dhaniyeli 7:4

Txihari txo khata txi ti fana ni ngonyamo, kambe txi ti ni tibhapi ta digama; Ni to txi wonetela kala kuza tibhapi ta txona ti gwatelwa, se txi to gulwa, txi emiswa ha mafuni ngu minenge ya txona txi txi nga m'thu, txi ningwa mbilu ya m'thu.