Jeremiya 49:16 - Bhiblia Yo Sawuleka

¹⁶ Kasi ngu mhaka ya mathiselo ako, kutikukumukisa ka mbilu yako ku kuxengile. Awe u zumbako mibhalani ka marigwi, u manekako txitimwi ka mimango, hambi u txo guleta txisaka txako nga digama, ni na kukhundumusa koneyo, kuwomba Mkoma.

Jeremiya 49:16 Referans Kwoze

Amosi 9:2

Hambi va txo kela kuza kuya hoka diphalani ka vafi, dianza dangu di na va thavisa kona haleya; se ngako va txi kwela nzumani, ani na va txhikisa.

Isaya 49:25

Aniko Mkoma a womba tiya: Ngu ditshuri, tikhumbi ti nga thaviswa ka ndena, se sile si nga handwa ngu wa mtamo si na huluka; nguko ani ni nalwa ni vale valwako ni nawe, Kambe ani ni na hulukisa vanana vako.

Jobe 39:27

Mwendo digama di londeta kuruma kwako, ni kuveka txitimwi txisaka txa dona kani?

Mavingu 29:23

Kutikulisa ka m'thu ku na m'dayisisa, kambe awule a ku ni moya wo ti veka hahatshi, a na mana kudhundeka.

Mavingu 16:18

Kutikukumukisa kuthangela kufuva, ni kutikulisa ngu moya kuthangela kuwa.

Isaya 2:21

Va na wulela mu ka tifa ta marigwi ni mu ka maphala a mimango, ngu kuthava Mkoma, ni kudhumiswa ka wuhombe wakwe, mbimo yile a khukhako, e xamalisa ditiko.

Ndando ya Tindando 2:14

Awe dituva dangu, u tsimbila mu ka tifa ta marigwi, awe u ku ka madhawa a kusisalani, ni kombe khohe yako, ni mahe nipfa dipswi dako, nguko dipswi dako da tshamba, ni khohe yako yi tshurile.

Mavingu 18:21

Kufa ni kuhanya si mtamoni ka lidimi; se awule a li dhundako a na dya mihando ya lona.

2 Vafumeli 14:7

Amaziya a to daya 10.000 wa va ka Edhomi mkovani ka Mnyu, se e honyola didhoropa da Sela yimbini; a to di raya ditina daku i Jokiteli, kala ka ditshiku da nyamsi.

Isaya 10:14

Dianza dangu di mani tithomba ta vathu, di txi nga do rola txisaka; se ni sengeletile mafu otshe ku nga no sengeleta manda o lekwa; ku si nga ni wo nawuluta tibhapi, mwendo kutula txisofu, mwendo kungunguruka.

Jeremiya 49:15

Nguko wona ti to ni kumahile wam'dotho hagari ka matiko, wa kutxhipiswa hagari ka vathu.

Jeremiya 50:29

Bhabhilona mu rambeleni vamatiko votshe va va dombako malaho; vekani mazumbo anu madhawani kwakwe, ku nga huluke ni wammweyo; a na tshumetelwe madingano ni mthumo wakwe, nga tona tile a nga maha, mmaheleni toneto, nguko a wukete Mkoma ngu ku ti gwilikisa, a wukete wo Sawuleka wa Israyeli.

Jeremiya 51:53

Hambi i di kova ku Bhabhilona a nga kwela nzumani, mwendo kutsanisa kuguleka ka diguma dakwe, ni ndi na m'rumela vaxaseli, kuwomba Mkoma.

Habhakuki 2:9

Dikhombo ka wule a sengeletako tithomba to ti mana ngu mamahelo awalo, kasi kuveka txisaka txakwe txitimwi, a txi mahela ku ti txhatxhisa ka dianza do biha.

Malakiya 1:3

ni nyenya Esawu; mimango yakwe ni yi mahile marumbi, aniko ni ningete thomba yakwe ka maxolwa a txiwulani.

Jeremiya 48:14

Mi nga wombisa kutxani mi txi khanu: Hi tindena hi ni mtamo wa kulwa kani?