Jeremiya 49:12 - Bhiblia Yo Sawuleka

¹² Nguko Mkoma a khene: Wonani ti taku avale va nga sa emiselwa kusela dijingo, va di sela ngu ditshuri, se ina awe u nga huluka ngu ditshuri kani? Khu na mbi huluka, ngu ditshuri u na di sela.

Jeremiya 49:12 Referans Kwoze

Obhadhiya 1:16

Nguko aku anu mi nga sela mmangoni kwangu ko sawuleka, ma na selisa toneto otshe matiko; ma na sela, me mita, ma txi nga kha ma zivi ku nga vaho.

Jeremiya 46:27

U nga thave, awe txithumi txangu Jakobe, hambi kuxamala awe Israyeli; nguko ni na kuhumisa ngu kule, ni vanana vako ngu ditikoni ka wukhumbi; se Jakobe a na wiya, a txi ta humula ni kuzumbiseka kha ku na mbi maneka wo m'dhukisela.

Jeremiya 30:11

Nguko ani ni kumweko ni nawe, kuva ni txi kuhanyisa, kuwomba Mkoma. Nguko ni na heta otshe matiko awa ni nga ti ku hangalasile ka ona; aniko awe kha ni na mbi kuhetisa; ni na kulaya ngu wululamo, kha ni sikoti ku kuleka u sa pekwa.

Jeremiya 25:15

Nguko Mkoma, Txizimu txa Israyeli, a ti khene kwangu: Teka dijingo diya da vhinya da kuhenya manzani kwangu, u seta otshe matiko ni no kurumela ka ona.

Mavingu 17:5

Awule a sekako txisiwana a ruka wule a nga txi vanga; awule a tsakiswako ngu phango kha na mbi huluka kutsayiswa.

Matewu 20:22

Aniko Jesu a to mu xamula a txi khene: “Kha mi txi zivi txi mi kombelako. Ina mi nga sikota kusela digombe da wuvi di ni no sela, kani?” Vona va to xamula va txi kha vona kwakwe: “Hi nga sikota.”