Jeremiya 48:9 - Bhiblia Yo Sawuleka

⁹ Mningeni tibhapi Mowabhi; nguko a txi puruma a na huma, ni madhoropa akwe ma nave marumbi, kha na mbi zumba m'thu.

Jeremiya 48:9 Referans Kwoze

Jeremiya 48:28

Lekani madhoropa, tsulani mi txi ya zumba marigwini, anu mi zumbako Mowabhi; mahisani ku nga tile txituvani txi akisako tona txisaka txa txona, ha txikeni ka diphala.

Isaya 16:2

Nguko mahorana a Mowabhi mata mabeloni ka Arinoni, kufana ni sinyana si si purumako, ni mavhondo a ma hangalaswako sisakani ka ona.

Masalmo 11:1

Ani ni themba ka Mkoma. “Mi wombisa kutxani koko ka mdihika dangu mi txi khanu: Thavela mmangoni kwako kufana ni txinyana, kani?”

Mtuletelo 12:14

Kambe ene a to amukela mabhapi a mambidi a ngungwa ya hombe kasiku e purumela txiwulani, eya ka wukhalo wu wu nga ti lulamisetwe ene, kasi kuzumba a txi phamelwa kona sakudya, kule ni mnyoka, mbimo yimweyo, timbimo timbidi ni hafu ya mbimo.

Zefaniya 2:9

Ngu toneto, ni xambanya ngu kuhanya kwangu, kuwomba Mkoma wa Mabutho a Tiyimbi, Txizimu txa Israyeli, ngu ditshuri Mowabhi a na nga Sodhoma, se vanana va Amoni va na nga Gomora, kumaha ditiko da mindonga ya mipa, ni sisima sa mnyu, di na fuviselwa magwito, miboti ya vathu vangu yi na va handa, se miboti ya vathu vangu yi na va khozisa.

Jeremiya 46:19

Ti longisele kuya wukhumbini, awe muaki, m'horana wa Egipta: Nguko Nofe, Memfisi, a na hasamulwa a txi hiswa, kha ku na mbi maneka hambi ni wo zumba.

Masalmo 55:6

Se ani ni ti khani: I ti ku no mana mabhapi nga txituvani, ni ndi na puruma ni ya zumba kule ni humula!

Jeremiya 44:22

Mkoma a ti sa dingana kuxaniswa mbimo yayingi ngu wubihi wa mithumo yanu, sinyenyeko si mi nga si maha; ngu toneto ditiko danu di mahile txiwula, ni txixamaliso, ni txiruko, ku si na vo zumba, nga ti ku wonekisako tona nyamsi.