Jeremiya 48:7 - Bhiblia Yo Sawuleka

⁷ Nguko, ngu mhaka ya ku u thembako mithumo yako ni tithomba tako, na nawe u na xulwa; Kemoxe a na yiswa wukhumbini, kumweko ni vaphaxeli ni vathangeli.

Jeremiya 48:7 Referans Kwoze

Mitengo 21:29

Ddikhombo kwako awe Mowabhi! U timete awe ditiko da Kemosi! U ningete vanana vanu ve tutuma, ni mahorana anu ka wukhumbi wa Sihoni, mfumeli wa Vaamori.

Jeremiya 49:3

Peka huwa awe Hesibhoni, nguko wa hasamulwa Ayi; huwelelani anu vanana va Rabha, tipambiyeteni ngu masaka, dilani, horolokelani maguma; nguko Malkami a naya wukhumbini, kumweko ni vaphaxeli vakwe ni tinduna takwe.

Jeremiya 9:23

Mkoma a khene: Txhari nga yi si ti dhundi ngu wutxhari wa yona, ni ndena nga yi si ti dhundi ngu wundena wa yona, hambi wu a ku naso, nga asi ti dhudhi ngu kumana kwakwe.

Masalmo 52:7

“Ndiyo m'thu a nga mbi kombela kuvhikelwa ngu Txizimu; a ti themba tithomba takwe ni mithumo yakwe yo biha.”

1 Timoti 6:17

Ka vanyatithombe va ha mafuni muwa, va laye ti to va si ti kulisi, va si veki kuthemba kwawe ka thomba yo mbi tsana, aniko ve themba Txizimu, txi hi wuyiselako sotshe ngu ku hi tatela, kasiku hi tsaka.

Hoseya 10:13

Mi dimile manyala, mi funyela wubihi, kambe mi dyite mihando ya makuhu. Nguko u thembile nzila yako, ka mtalo wa tindena tako.

Jeremiya 48:46

Dikhombo kwako Mowabhi; va lovile vathu va Kemoxe; nguko vanana vako va mahilwe tikhumbi, ni mahorana ako ma wukhumbini.

Jeremiya 48:13

Mowabhi a nave ni tingana ngu Kemosi, nga kule nyumba ya ka Israyeli yi nga pfa tingana ngu Bheteli, txithembo txakwe.

1 Vafumeli 11:33

Nguko va ni lekile veya khizamela Axitaroti, txizimu txa txisikati txa Vasidhoni, Akemosi txizimu txa va Mowabhi, ni Milikomi txizimu txa vanana va ka Amoni, kambe kha va tsimbila ngu tinzila tangu, kasi ve maha ati ti wonekako i di ta tinene masoni kwangu, i ku, sileleto sangu ni wululamo wangu, nga tate wawe Dhavhidha.

Mtuletelo 18:7

“Madingano ni ku ti dhumisa kwakwe ni kutikulisa kwakwe, m'tshumeteleni ngu sixaniso ni makhombo nguko mbiluni kwakwe a ti ti khene:” “Ni khalahatshile nga khosikazi, kha ni nga noni, txima kha ni na mbi va ni txidilo.”

Jeremiya 43:12

A na dhivela mndilo tinyumbani ka sizimu sa Vaegipta ti txihya, a na yisa wukhumbini sifananiso sa sizimu sawe, a na basisa ditiko da Egipta nga ti m'dyisi a thaviselisako tona sigalani ka syambalo sakwe, a txi huma ngu kuthutha.

Jeremiya 13:25

Atxiya ngu txona txiningo txako, atxi ni ku dinganako, kuwomba Mkoma; nguko u ni divate, u themba makuhu.

Masalmo 40:4

A katekile m'thu wule a thembako Mkoma awule asi londiseliko ava va kutikulisa, a txi hambana ni va va khozelako sizimu sa makuhu!

1 Vafumeli 11:7

Se Solomoni a to aka wukhalo wo dhumisa ka wona Kemosi, i nga ti txizimu txo biha txa Vamowabhi, ka mmango wu nga ti maneka wutxani ka Jerusalema, ni wukhalo wo dhumisa Moloke, txizimu txa walo txa Vaamoni.

Valamuli 11:24

Khu na mbi fumela matiko ale txizimu txako Kamosi txi nga kuninga, u txi ma khozisa kani? Ngu toneto, athu hi na xayisa sotshe si Mkoma, Txizimu txathu, a nga tekela vamwani a txi hi ninga.

2 Samuwele 5:21

Se va to siya sithombe sawe so vatwa koneho; kambe Dhavhidha ni vathu vakwe va to si teka.

Jeremiya 49:4

Ngu kutxani u txi ti dhumisa mikovani, ka mikova yako yo tshura, awe mwanana wa txigevenga u thembako tithomba tako, u txi khawe: