Jeremiya 48:42 - Bhiblia Yo Sawuleka

⁴² Mowabhi a na hasamula, va si ngadi vathu; ngu mhaka yo tikulisa masoni ka Mkoma.

Jeremiya 48:42 Referans Kwoze

Jeremiya 48:2

Wudhundo wa Mowabhi hi nga ngadi wona kambe; aniya Hesbhoni va mmahete txikungo, va txi kha vona: “Ngonani hi ta va fuvisa kasi va si nga ngadi vathu kambe; na nawe Madhimeni, u na hasamulwa; u na londiselwa ngu ditxhari.”

Isaya 37:23

U sote mani, niku u ruketete mani kani? Niku u kwangute u txi wukela mani, kambe u gulete mani maso kani? U wukete Msawuleki wa Israyeli!

Isaya 7:8

Nguko m'zinda ka Siriya ngu Dhamasku, ni msungo wa Dhamasku i Rezimi; se mndani ka mtxhanu wa magumi ni dimwedo, ni mtxhanu wa malembe, Efrayime a na xaselwa, e leka kuva ni vathu.

Mtuletelo 13:6

Txona txi to tula txisofu txi ruketela Txizimu, txi ruketela ditina da txona, ni ditenda da txona, ni va va zumbako nzumani.

2 Vatesalonika 2:4

awu a kanetako ni kutiguleta txitimwi ka sotshe si si dhanwako ku i Txizimu, ni si si khozelwako, e za eya khalahatsha ngu wutumbu Dithepeleni ka Txizimu, a txi ti womba ku ene i Txizimu.

Matewu 7:2

Nguko mi na lamulwa nga ti mi lamulisako tona vamwani; ni mpimo wu mi pimako ngu wona vamwani, mi na pimwa ngu wona nanu.

Dhaniyeli 11:36

Se mfumeli wuwa a na maha madingano ni kuranda kwakwe, a na tiguleta, e tikulisa txitimwi ka sotshe sizimu; a na womba-womba wubihi ngu Txizimu txa sizimu, kambe a na humelela an'ze magwito ka kuhenya; nguko ti ti nga vekiswa ti na maheka.

Jeremiya 30:11

Nguko ani ni kumweko ni nawe, kuva ni txi kuhanyisa, kuwomba Mkoma. Nguko ni na heta otshe matiko awa ni nga ti ku hangalasile ka ona; aniko awe kha ni na mbi kuhetisa; ni na kulaya ngu wululamo, kha ni sikoti ku kuleka u sa pekwa.

Mavingu 16:18

Kutikukumukisa kuthangela kufuva, ni kutikulisa ngu moya kuthangela kuwa.

Isaya 16:14

Aniko, konkuwa, Mkoma a wombile, a txi khene: Mndani ka malembe mararu, ma fanako ni malembe a m'thu wo holelwa, wudhumo wa Mowabhi wu na maha wa kale, ni dotshe dibutho dakwe da hombe; se miboti ya kona yi na va yidotho, kambe kha va na mbiba ni mtamo.

Ezekhiyele 35:13

Anu mi ti mahile vahombe kwangu; ani ni ti pfite.