Jeremiya 48:40 - Bhiblia Yo Sawuleka

⁴⁰ Nguko Mkoma a khene: Wonani, mlala a na puruma ku nga digama, a txi gwimba tibhapi takwe txitimwi ka Mowabhi.

Jeremiya 48:40 Referans Kwoze

Isaya 8:8

a na wulela ditikoni ka Judha kufana ni ndambi, e kukumuka kala mikoloni ka vathu. Kunawuluka ka tibhapi tako, ku na fenengeta kuanama ka ditiko dako, awe Emanuweli.

Dhewuteronome 28:49

Mkoma a na ku tisela mfumo wa kuta ngu kule, mfumo wa magwito ka mafu, awule wu nota ngu kupuruma nga ngungwa, mfumo wu wu wombawombako ngu lidimi li awe u si li ziviko.

Jeremiya 49:22

Hi nga wonani ti to wata, a txi puruma ku nga digama, a na nawuluta tibhapi takwe txitimwi ka Bhozira; ni mbilu ya tindena ta Edhomi, ka dona ditshiku dile, yi na nga mbilu ya wamsikati wu a lumwako!

Hoseya 8:1

Veka mpundu ha txisofu kwako. Ene wata kufana ni digama ku ta wukela Nyumba ya Mkoma, nguko va lekile txitumelelano txangu, kambe ve wukela mlayo wangu.

Ezekhiyele 17:3

U txi khawe: Mkoma Txizimu a khene: Digama da hombe, da tibhapi ta hombe, da maphapho a hombe, do tala ngu mitenga ya mixowo yo hambanela, di tile Libhanoni, di ta teka didhavi do lapha ngutu da mkedhari.

Habhakuki 1:8

Mahantxhi awe ma tutuma ngutu kupinda singoko, kambe mani tshofu ngutu ni wusiku kupinda maxolwa; vagadhi va ona va hangalaka ka otshe madhawa, ina, vagadhi va ona va nata ngu kule, va na puruma nga magama ma txi tutumela sakudya.

Dhaniyeli 7:4

Txihari txo khata txi ti fana ni ngonyamo, kambe txi ti ni tibhapi ta digama; Ni to txi wonetela kala kuza tibhapi ta txona ti gwatelwa, se txi to gulwa, txi emiswa ha mafuni ngu minenge ya txona txi txi nga m'thu, txi ningwa mbilu ya m'thu.

Sidilo 4:19

Avale va hi tovelisako va ni livilo, va siya ni sinyana sa nzuma; ve hi tovela mimangoni, va txi hi zingela, txiwulani.

Jeremiya 4:13

“Mlala a nata nga direfu, ni sikotxikani sakwe si nga txihuhuri; mahantxhi akwe ma na kuluveta kupinda magama. Dikhombo kwathu, nguko hi lovile.”

Mavingu 30:19

Nzila ya digama nzumani, nzila ya mnyoka ha ka marigwi, nzila ya txitimela hagari ka linene, ni nzila ya wamwamna ni mbiri.

Isaya 11:14

Aniko va na purumela makatani ka Vafilista, ngu Mswa-ditambo; va na handa kumweko vanana va Wutxani; ve ñola Vaedhomi ni Vamowabhi, se vanana va Amoni va na va engisa.