Jeremiya 48:39 - Bhiblia Yo Sawuleka

³⁹ Eto a nga fayeteliswa tona! Eto a pekisako tona tihuwa! Mowabhi a tshurarile, kambe a tinganani! Se Mowabhi a na sekwa ni ku xamalwa ngu votshe vale va ku madhawani kwakwe.

Jeremiya 48:39 Referans Kwoze

Sidilo 4:1

Hi nga wona ati nzalama yi nga khurumbelisa tona, yi luzeketwe ngu kudikha ka yona! Marigwi a wukhalo wo sawuleka, ma hangalasilwe kotshe mabhudhulani.

Sidilo 2:1

Eto Mkoma a nga fenengetisa tona mwanana wa Siyoni wa dihorana kupandisekani kwakwe ngu marefu! A puluwundisile wudhumo wa Israyeli kukhukhela nzumani kala ha mafuni, kha alakanya txikhigelo txa mikondo yakwe; ka ditshiku da kuhenya kwakwe.

Sidilo 1:1

Hi nga wonani txiwunda txa didhoropa dileya, adiya kale di nga ti ti ni vathu votala! Se konkuwa di hundukile nga noni adi i nga ti da hombe hagari ka matiko; ni mfumeli wa txisikati ka sidhoropana, di hundukile di txi maha m'dihi wa resa.

Jeremiya 48:17

Xanisekani kumweko nayo, anu motshe mi ku madhawani kwakwe, ni nanu motshe mi zivako ditina dakwe.

Jeremiya 48:13

Mowabhi a nave ni tingana ngu Kemosi, nga kule nyumba ya ka Israyeli yi nga pfa tingana ngu Bheteli, txithembo txakwe.