Jeremiya 48:37 - Bhiblia Yo Sawuleka

³⁷ Nguko wotshe msungo wu na va ligwayi, otshe maletu ma di hungutwe; kotshe manzani ku na sehelelwa, ni masaka siwununi kwawe.

Jeremiya 48:37 Referans Kwoze

Jeremiya 47:5

Ku na vaho kuyolwa ka hombe ka Gaza, kuloviswa ka Askaloni ni misalela yakwe mkovani; u na ti kuvelela kala yihi mbimo kani?

Jeremiya 41:5

kutota vavamna va Sikemi, Silo, ni Samariya; mtxhanu wa magumi ni mararu a vavamna, na va ti yote siletu sawe, syambalo sawe si ti bhandeletwe ni kuwilelwa; manzani kwawe va ti ni siningo sa sakudya ni sa mphaxo, kasi kuya ningela Nyumbani ka Mkoma.

Genesisi 37:34

Sekoko Jakobe a to vharula syambalo sakwe, e phamba disaka txiwununi kwakwe, a txi maha mkhwasi, ni masaluko o dila mwanana wakwe, ngu mbimo ya kulapha.

Jeremiya 16:6

Vahombe ni vanana va na fa ngu wubihi wawe ditikoni muwa, va si tshotshwi; vathu kha va na mbi va dilela, hambi ku ti txhavela ni kuyola misungo.

Isaya 20:2

Mkoma a to womba-womba ka mbimo yoneyo, ngu txisofu txa Isaya, mwana Amoni, a txi khene: Tsula u ya txhatxha syambalo sa mkhwasi txiwununi kwako, u thavisa tikathula mikondoni kwako. A to maha toneto, e tsimbila-tsimbila i di tximbwiri, na asi nga ni tikathula.

Mtuletelo 11:3

Aniko ni na ninga mtamo ka tifakazi tangu ta timbidi kasiku ti txi profeta, ti di ambate masaka, mndani ka 1.260 wa masiku.”

Marku 5:5

Yotshe mbimo, wusiku ni mitshikari a ti tsimbila mayivani ni mimangoni, a txi kwangula, a txi ti kurumulela ngu marigwi.

Mika 1:16

Ti mahele lipala, u yola misisi, ngu mhaka ya vanana vako vo tsakisa; kulisa lipala lako kufana ni digama, nguko va tekilwe kwako ve yiswa wukhumbini.

Amosi 8:10

Na phindula mibuso yanu yi maha txidilo, kotshe kuembelela kwanu ku na maha kutitsetsa, kuhumelela masaka ka makata anu ni ligwayi ha misungo kwanu, ni maha ti to a siya si txi nga mizila ya mwanana mmweyo wa dizambi, se magwitelo akwe ma na nga ditshiku da kupandiseka.

Ezekhiyele 27:31

Kambe va na yola misungo ngu mhaka yako, ve ambala masaka va na dila kwako ngu kupandiseka ka moya, ngu kudila ka hombe.

Ezekhiyele 7:18

Kambe va na phamba masaka, kudhudhumela ku na va fenengeta; ka totshe tikhohe tawe ku nava ni tingana, misungo yawe yotshe yi na va tigwayi.

Isaya 37:1

Se ku to maheka taku, a di pfite tiya mfumeli Ezekhiya, e vharulela syambalo sakwe, e ti fenengeta ngu disaka da koni, e wulela Nyumbani ka Mkoma.

Isaya 3:24

Se ku na maheka taku, wukhaloni ko bhumula, ku nava ni kununga; se wukhaloni ka libhande, ku nava ni ngoti; wukhaloni ka misisi, ku na maneka tipala; wukhaloni ka syambalo sa mibuso, ku na ambalwa masaka; wukhaloni ka kutshura ngutu, ku nava ni sibawa so hiswa ngu mndilo.

2 Vafumeli 6:30

Se mbimo yile mfumeli a nga pfa mapswi awu wamsikati, a to vharula syambalo sakwe, e londisela diguma, se vathu va ti woni ku a ti ti ni syambalo so dhimba ngu mndani, ha nyamani kwakwe.

1 Vafumeli 21:27

Mbimo yile koko, Akabe a nga pfa mapswi awa, a to vharula syambalo sakwe, a txi fenengeta mmidi wakwe ngu disaka, a txi ti tona; se a ti otela ha masakani, a txi tsimbila-tsimbila, ni dikhodho.

1 Vafumeli 18:28

Se vona va txi kwangula ngu mapswi a hombe, va txi ti nyarela ngu timesa ni matxhari, madingano ni tolovelo yawe, kala ve theketa mnoha vapune.

Levhi 19:28

Mi nga ti txhaveleni, hambi ku ti lova ha mmidi kwanu, ngu mhaka ya kufa: Ani ngani Mkoma!

Genesisi 37:29

Ngako Rubheni a di wuyile koko, e ta solela mu diphalani, e wona ti to Josefa kha nga ho mu diphalani; a to vharula syambalo sakwe;

Jeremiya 49:3

Peka huwa awe Hesibhoni, nguko wa hasamulwa Ayi; huwelelani anu vanana va Rabha, tipambiyeteni ngu masaka, dilani, horolokelani maguma; nguko Malkami a naya wukhumbini, kumweko ni vaphaxeli vakwe ni tinduna takwe.

Ezekhiyele 29:18

Awe mwanana wa m'thu, wona taku, Nebhukodhonosori mfumeli wa Bhabhilona, a mahile ti to dibutho dakwe di txi maha mthumo wa hombe wa kuxasela Tiro; veza ve kuluwuka ni misisi ve maha tigwayi, ku pshwerukela ni makata, aniko Nebhukodhonosori kha nga wuyelwa ngu txilo kona Tiro, hambi ni dibutho dakwe, ka mthumo wule di nga maha wa kuwukela Tiro.

1 Makronika 19:4

Ngu kumaha keto, Hanumi a to teka sithumi sa Dhavhidha, e si kuyula misisi, a txi vharulela syambalo sa sona ngu hagari kala minengeni, e si tovela.