Jeremiya 48:36 - Bhiblia Yo Sawuleka

³⁶ Ngu toneto, yi na pfalisa ku nga tshodi mbilu yangu ngu vavamna va Kiri-Heresi; na va di luzile mpfuno wu va nga sengeleta.

Jeremiya 48:36 Referans Kwoze

Isaya 15:7

Se tithomba tile ti nga sengeletwa ni sile va nga veka, va na si yisa txinambwanani ka mipfhuwu.

Isaya 16:11

Ngu mhaka yeto, masembe angu ma tuma, ngu mhaka ya Mowabhi, kufana ni txitende, ni mndani kwangu, ngu mhaka ya Kiri-Heresi.

Isaya 15:5

Mbilu yangu ya dila ngu mhaka ya Mowabhi; vahombe vawe va tutumile veya Zowari, kufana ni dirole da malembe mararu, nguko va dila va txi kwelela Luwiti, nguko, nzilani ka Horhonayi, va wusa kudila ka hombe ngutu.

Jeremiya 17:11

Nga tshukwa yi yi fundamelako manda a yi nga mbi ma veka, ngu toneto ni wu a sengeletelako tithomba ngu nzila ya walo; kuve a na yi leka i di ngadi mixo, magwito akwe ngu kuxanga.”

Jeremiya 4:19

Mbiluni kwangu, mbiluni kwangu! Ni ni kupandiseka mbiluni kwangu! Mbilu yangu ya bhibhika-bhibhika, kha ni sikoti kumalala; nguko dihika dangu di pfite txiwungulati txa mpundu, ni tihuwa ta tiyimbi.

Isaya 63:15

Wona na u di nzumani, se u wona na u di ka wukhalo wako wo sawuleka, ni kudhundeka. Txi hayi txiluse txako, ni mithumo yako ya mtamo kani? U nga thavise kwangu lirando la mndani kwako ni la wumbilu wako!

Mavingu 18:11

Didhoropa do tsana da m'thu ngu thomba yakwe, yi fana ni diguma do guleka mu ka mapimo akwe.

Mavingu 13:22

M'thu wa wunene, a siyela thomba vanana va vanana vakwe, aniko thomba ya muonhi yi ningelwa ka wo lulama.

Mavingu 11:4

Thomba kha yi na txivhuno ka ditshiku da kuhenya ka Mkoma, aniko kululama ka txhatxhisa kufani.

2 Vafumeli 3:25

Va to halela madhoropa, se mmweyo ni mmweyo a to rinzetela marigwi amu ka tithembwe ta tinene, ve ma maha mimumbu, ve kuletela sotshe sisima sa mati, ve gangela yotshe mindonga ya yinene, hahanze ka Kiri-Hareseti, ngu kona va nga siya marigwi, hambi keto, vatshuli va ti ya ma randela ve ma khundumusela.

Jeremiya 48:31

Ngu kota yeto, ni na xanisekela Mowabhi; ina ni na diliswa ngu Mowabhi, nguko vavamna va Kiri-Heresi va na vilela.