Jeremiya 48:35 - Bhiblia Yo Sawuleka

³⁵ Ni na fuvisa vale va phaxelako ni kuhisa dibaselo ka sizimu sawe txitimwi ka Mowabhi.

Jeremiya 48:35 Referans Kwoze

Isaya 16:12

Se ku na maheka taku, mbimo yi Mowabhi a no ti kombekisa, ngako a txi na karala ka makhalo o guleka, a txi wulela dithepeleni kwawe e khongela, kha na mbi mana txilo.

Isaya 15:2

Vaaki va Bhajite ni Dhibhoni, va kwelela ka makhalo o guleka, kuya dila kona; Mowabhi wa peka huwa ngu mhaka ya Nebho ni Medhebha; yotshe misungo yi na maha tigwayi, ni sotshe siletu si na va si di yotwe.

Jeremiya 48:7

Nguko, ngu mhaka ya ku u thembako mithumo yako ni tithomba tako, na nawe u na xulwa; Kemoxe a na yiswa wukhumbini, kumweko ni vaphaxeli ni vathangeli.

Jeremiya 11:13

Nguko mtengo wa sizimu sako wu dingana ni wa madhoropa ako, awe Judha! Mi emisile magandelo a tingana me dingana ni tiruwa ta mu Jerusalema: I ku siluvelo so hisela kona dibaselo ka Bhahali.

Mitengo 28:14

Se mningelo wa kona wa sa kusela, mbwa diphikama da hini ya vhinya, ka dirole, ni mpimo wa wuraru wa hini ka hamba, mpimo wa wumune wa hini ka txinvutana tximwetxo; awuwa mphaxo wa kuhiswa, wa kumeka ka mtxima ni mtxima, madingano ni mitxima ya dilembe.

Jeremiya 7:9

Ina mi ngadi mi txi napa, mi daya, mi maha wugango, mi xambanya makuhu, mi hisa miphaxo yo bhumula ka Bhahali, ni kulondetela simwani sizimu asi mi si si ziviko kani?