Jeremiya 48:29 - Bhiblia Yo Sawuleka

²⁹ Hi pfite kuwomba ngu mabava a Mowabhi, wa livengo ngutu, wo ti guleta ni kutikulisa, e ti veka txitimwi, ni ku ti gwilikisa ngu mbilu.

Jeremiya 48:29 Referans Kwoze

Isaya 16:6

Hi pfite kutikulisa ka Mowabhi, wa ti kulisa ngutu, ni kutitsimba kwakwe ngutu, ni kutikukumukisa kwawe, ni kuhenya kwawe, kutikukumukisa kwawe nga walo.

Masalmo 138:6

Hambiko Mkoma a ku txitimwi ngutu, wa pfisisa awu i ku txisiwana; aniko ka m'thu wo ti guleta a m'ziva a di kule.

Jakobe 4:6

Txona Txizimu txa hi ninga tikateko ta tingi ngutu, madingano ni dipswi da mibhalo, adi di wombako tito: “Txizimu txi lambela ava va ti kulisako, aniko txi ninga tikateko ta txona ava va kutiveka hahatshi.”

Luka 14:11

Nguko wuhi ni wuhi a ti kulisako, a na vekwa hahatshi, ani wu a ti vekako hahatshi, a na guletwa.”

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Mavingu 30:13

Ku ni liveleko lo ti wona li ti gulekile, ni timboni ta kona ti kombako txitimwi.

Mavingu 18:12

Mbilu ya m'thu ya ti guleta na ku si se hoka kufuviswa kwakwe; ku khata ti veke hahatshi, se kudhundeka ku nata.

Mavingu 8:13

Kuthava Mkoma ngu venga wubihi; na venga kutikulisa ni mahanyelo o biha, ni nzila ya walo, ni txisofu txo ruketela.

Mavingu 21:24

M'thu wa matshanza ni kutikulisa, ditina dakwe ku mnyenyi, wule a mahako totshe ngu kuhenya ni kutikukumukisa.

Isaya 13:11

Se ni na tsayisa mafu ngu mhaka ya kubiha ka ona, ni vabihi ngu mhaka ya sionho sawe, ni na heta kutikulisa ka va makolo, vanyamitamo ni vathu wo ti guleta ni na va veka hahatshi.