Jeremiya 48:28 - Bhiblia Yo Sawuleka

²⁸ Lekani madhoropa, tsulani mi txi ya zumba marigwini, anu mi zumbako Mowabhi; mahisani ku nga tile txituvani txi akisako tona txisaka txa txona, ha txikeni ka diphala.

Jeremiya 48:28 Referans Kwoze

Ndando ya Tindando 2:14

Awe dituva dangu, u tsimbila mu ka tifa ta marigwi, awe u ku ka madhawa a kusisalani, ni kombe khohe yako, ni mahe nipfa dipswi dako, nguko dipswi dako da tshamba, ni khohe yako yi tshurile.

Valamuli 6:2

Se Vamidhiyani va to xanisa ngutu vanana va ka Israyeli. Se vanana va ka Israyeli va to tutumela maphalani ka mimangoni ni mu tiphakoni ni mu mibhalani.

Jeremiya 49:16

Kasi ngu mhaka ya mathiselo ako, kutikukumukisa ka mbilu yako ku kuxengile. Awe u zumbako mibhalani ka marigwi, u manekako txitimwi ka mimango, hambi u txo guleta txisaka txako nga digama, ni na kukhundumusa koneyo, kuwomba Mkoma.

Jeremiya 48:9

Mningeni tibhapi Mowabhi; nguko a txi puruma a na huma, ni madhoropa akwe ma nave marumbi, kha na mbi zumba m'thu.

Isaya 2:19

Sekoko vathu va na wulela tiphakoni ka marigwi, ni mu ka maphala a mafuni, ngu mhaka ya kuthava Mkoma, ni kudhumiswa ka wuhombe wakwe, ngako a txi khukha kasi kuxamalisa ditiko.

1 Samuwele 13:6

Va di ti woni koko vavamna va ka Israyeli to va xomuloni (nguko vathu va ti ti kamekile), vathu va to barama amu ka tiphako, ni amu ka mipa, ni hagari ka marigwi, ni amu ka sisima, ni maphalani,

Genesisi 8:12

Sekoko ene a to engeta e rinzela mtxhanu wa masiku ni mambidi, e humisa kambe txituvani, aniko kha txa tshumela txi wuya kwakwe.

Jeremiya 49:8

Pfhukani, wuyani, zumbani kusisalani, anu mi zumbako Dhedhani, nguko ni wuyisile kwakwe dirumbi da Esawu, mbimo yile ni nga mu endela.