Jeremiya 48:27 - Bhiblia Yo Sawuleka

²⁷ Ina Israyeli kha xaniswa ngu ngawe kani? Ina a to manwa kupani kani? Ti mahisa kutxani aha u wombawombako ngene u txi seka kani?

Jeremiya 48:27 Referans Kwoze

Jeremiya 2:26

Kufana ni dikhamba di di manwi di ni tingana, ngu toneto ni nyumba ya ka Israyeli yi ni tingana, kumweko ni vafumeli ni vathangeli va yona, vaphaxeli va yona ni vaprofeti va yona.

Zefaniya 2:8

Ani ni pfite kuruketela ka Mowabhi ni mapswi a nzambwa a vanana va ka Amoni, aale va nga ruketela ngu ona vathu vangu, ve ti bhuma ngu mihingano yawe.

Ezekhiyele 25:8

Mkoma Txizimu a khene: Ngako Mowabhi ni Seyiri va ku kha vona: Wonani taku nyumba ya ka Judha yi fana ni otshe matiko;

Matewu 27:38

Kumweko ni Jesu, si ti ti bethetwe sigevenga simbidi, tximwetxo ngu didhawa da txinene, tximwani ngu didhawa da txibhabha kwakwe.

Matewu 26:55

Sekoko Jesu a to khene ka dibutho: “Mi tela ku ta ni ñola mi di xomile matxhari ni migomba, nga no va dikhokhokho kani? Ditshiku ni ditshiku ni ti zumba hagari kwanu, ni gondisa Dithepeleni, aniko kha ma ni ñola.

Matewu 7:2

Nguko mi na lamulwa nga ti mi lamulisako tona vamwani; ni mpimo wu mi pimako ngu wona vamwani, mi na pimwa ngu wona nanu.

Zefaniya 2:10

Eto ti nava hakhelo ya kutikulisa kwawe, nguko va ruketete ni kutikulisa txitimwi ka vathu va Mkoma wa Mabutho a Tiyimbi.

Ezekhiyele 36:4

ngu tona eto, engisani dipswi da Mkoma Txizimu anu mimango ya ka Israyeli: Mkoma Txizimu a khene ka mimango ni ka simangwana, ka minambo ni ka mikova, ka makhalo a marumbi ni ka txiwunda, ni ka madhoropa ale ma nga lekwa, o ñolwa, a txisekiso ka matiko ale ma nga sala madhawani kwawe.

Ezekhiyele 36:2

Ngu kumaha keto Mkoma Txizimu a khene: Eko mlala wanu a ku khene ngu nganu: Yowe! Yowe! Kala ka timbimo ta kwa mbi gwita, mi na va thomba yathu;

Ezekhiyele 35:15

Ngako u nga tsakiswa ngu thomba ya nyumba ya ka Israyeli, ngu ku a nga mahwa dirumbi, ngu tona eto ni no kumaha; u na mahwa dirumbi, awe mmango wa Seyiri, ni dotshe ditiko da Edhomi, ina dotshe; se va na tiziva taku, ani ngani Mkoma.

Jeremiya 18:16

Eko va maha ti to ditiko dawe diva txixamaliso, ni txiruko ngu ha ku si gwitiko. Ti taku ni wuhi a pindako ngu kona e xamala, e zinginisa msungo wakwe.

Masalmo 79:4

Se hi maneka hi di sekisa hagari ka vaakelani vathu; avale va nga hi randela va hiseka ni ku hi tseketsela.

Masalmo 44:13

U hi mahile sisekiso ka vaakelani; hi sekwa ni kupoyilelwa ngu vale va nga hi randela.

Jobe 16:4

Ina nani ni ndi na wombawombisa tona ti mi wombawombisako tona, i ti kova ku moya wanu wu ka wukhalo wa moya wangu kani? Niku mwendo ni ndi na mi wukela ngu mapswi o tala, ni mi weketela msungo wangu kani?

Masalmo 64:8

va na wiswa tingana ngu mapswi awe mapune se avale va no va wona va na va tseketsela.

Sidilo 1:7

Khumbula awe Jerusalema, ka masiku a kuxaniseka ni ku ti lambisa kwako ni sotshe si u nga ti si dhunda, si u nga ti naso ngu kale; mbimo yi vathu vako va nga ti ti wa manzani ka mlala, se ene a ti si nga ni muhefemuti valala va muwoni va txi poyila kuwa kwakwe.

Sidilo 1:12

Kha ti pandisi tiya, kwanu motshenu mi pindako ngu nzila, kani? Emani, mi wonisisa, mwendo ku ni mpando wo nga wangu! Mkoma a nga ni tisela wona, ngu ditshiku da txiviti txa kupandiseka kwakwe.