Jeremiya 48:26 - Bhiblia Yo Sawuleka

²⁶ Mleviseni nguko a ti kulisile masoni ka Mkoma; Mowabhi a na tshumelela ka makosa akwe, se ene a na xaniswa.

Jeremiya 48:26 Referans Kwoze

Jeremiya 51:39

Aha va no vhutuka ni na va ninga wusuke wawe, ni na va levisa, va na ndaka-ndaka, aniko va na otela wukohe wa kwa mbi gwita, kha va na mbi wuka, kuwomba Mkoma.

Jeremiya 48:42

Mowabhi a na hasamula, va si ngadi vathu; ngu mhaka yo tikulisa masoni ka Mkoma.

Isaya 29:9

Swelani, se mi xamala, mi humula, ni kukwangula; va levile, aniko i si nga ngu vhinya; va tsimbila va txi dhedherekela, aniko na i si nga ngu sopa.

Isaya 19:14

Mkoma a thete moya wa wugeu hagari kwawe, se vona va to rerelisa Egipta, ngu yotshe mithumo yawe, kufana ni didevi di txi tshumelela makosa a dona.

Dhaniyeli 5:23

Kambe u ti kulisile masoni ka Mkoma wa nzumani, nguko siya sa Nyumbani ka Mkoma si wuyisilwe masoni kwako, se awe, ni vahombe vako, ni vasikati vako, ni sigango sako, mi sete vhinya ngu sona; Hahanze keto, u to khozela sizimu sa silivhela, ni nzalama, sa koporo, sa tisimbi, sa tiphande, ni sa marigwi, si si woniko, si si engisako, si si zivako; aniko Txizimu txi wutomi wako, ni tinzila tako totshe, si ku manzani ka txona, khwa txi dhumisa.

Sidilo 4:21

Tsaka ngutu, u tsaka awe mwanana wa muhorana wa Edhomi, u zumbako ditikoni ka Uzi, digombe di na hoka kwako; se u na leva, u sala u sa ambala txilo.

Jeremiya 51:7

Bhabhilona i ti ti kopo ya nzalama manzani ka Mkoma, ayi yi nga ti ti levisa dotshe ditiko; Matiko ma sete vhinya yakwe; ngu mhaka yeto matiko ma xangile.

Jeremiya 48:39

Eto a nga fayeteliswa tona! Eto a pekisako tona tihuwa! Mowabhi a tshurarile, kambe a tinganani! Se Mowabhi a na sekwa ni ku xamalwa ngu votshe vale va ku madhawani kwakwe.

Eksodha 5:2

Aniko Faro a to khene: “I maniMkoma, wa ku naza ni engisa dipswi dakwe, ni leka va ka Israyeli, ve tsula kani? Kha ni m'zivi Mkoma, kambe kha ni na mbi leka va ka Israyeli ve tsula.”

Mtuletelo 16:19

Didhoropa da hombe di to abaneka ngu madhawa mararu, se madhoropa a mifumo ma to wa, konako Txizimu txi to khumbula Bhabhilona, Didhoropa da Hombe, kasiku txi di ninga digombe da vhinya ya txiviti txa kuhenya ka txona.

2 Vatesalonika 2:4

awu a kanetako ni kutiguleta txitimwi ka sotshe si si dhanwako ku i Txizimu, ni si si khozelwako, e za eya khalahatsha ngu wutumbu Dithepeleni ka Txizimu, a txi ti womba ku ene i Txizimu.

Habhakuki 2:16

U na kolwa ngu tingana u pwata kudhundeka; sela nawe u kombisa taku khwa yiswa wukwerani: Digombe da diwoko da txinene da Mkoma, di na wuya txitimwi kwako, ni makosa ma na nyenyezisa wudhumo wako.

Nahume 3:11

Nanawe Ninivha, u na leva u txiya sisala, kambe u na lava mtamo, ngu kuthava valala vako.

Dhaniyeli 11:36

Se mfumeli wuwa a na maha madingano ni kuranda kwakwe, a na tiguleta, e tikulisa txitimwi ka sotshe sizimu; a na womba-womba wubihi ngu Txizimu txa sizimu, kambe a na humelela an'ze magwito ka kuhenya; nguko ti ti nga vekiswa ti na maheka.

Sidilo 3:15

Txizimu txi ni khurisile ngu so bava, txi ni setile nyongwa ni za ni kosa.

Sidilo 1:21

Va tipfa to na kuma, aniko kha ni nga nayo wa ku ni xanguta. Votshe valala vangu ava va nga ziva kuxaniseka kwangu, va tsaka ngu ti u nga ni mahela; aniko u txi na wuyisa ditshiku dile u ngadi womba, ni vona va na fana ni nani.

Jeremiya 51:57

Ni na levisa tinduna takwe ni titxhari takwe, ni vathangeli va tiyimbi, ni vafumeli vakwe, ni tindena takwe; va na mana wukohe wo mbi guma, kha va na mbi wuka, kuwomba Mkoma, awu ditina dakwe i ku Mkoma wa Mabutho a Tiyimbi.

Isaya 63:6

Se ni kandetete vathu kuhenyani kwangu, kambe ni va lavisile ngu txiviti txangu, se ni wisa mtamo wawe hahatshi.

Isaya 51:17

Wuka, Wuka, khukha awe Jerusalema, u nga sela ka dianza da Mkoma, digombe da txiviti txakwe, u sete ni kupswonga nzambwa ka digombe di di levisako, u sete nzambwa ya digombe da kuthidhela.

Isaya 10:15

Ina ditxhapu di nga ti dhumisa ka wule a gangako ngu dona kani? Ni disaho di nga ti kulisa ka wule a sahako ngu dona kani? Ku txi nga mtxheketelo wu nga zinginisa avale va wu guletako, mwendo ndonga yi nga guleta wule i singako phande!

Masalmo 75:8

Manzani ka Mkoma ku ni digombe do tala ngu vhinya yo bava ya kuhenya kwakwe, ayi ene a ningako vathu vo biha va ditiko, kasiku ve sela; se vona va sela kala kuheta tximinye txa kona.

Masalmo 60:3

U mahile ti to vathu ve wona sikarato so thisa ngutu; u hi setile vhinya yo levisa ngutu.

Masalmo 59:8

Aniko awe, Mkoma, u na vaseka; u na va tseketsela votshe vamatiko.

Masalmo 2:4

Awule a zumbako nzumani wa va seka, Mkoma wa va tseketsela.

Jobe 9:4

Txizimu txi ni wutxhari mbiluni, txona i nyamitamo ngutu; i mani a nga ti bangisa ka txona, e mana kuthutha kani?

Eksodha 9:17

Awe u ngadi u txi ti guleta u txi wukela vathu vangu, u txi lamba ku va leka ve tsula kani?

Isaya 28:8

Nguko totshe timeza tawe ti tate ngu makosa, ni nzambwa; kha ku nga ni wukhalo ni wawumwewo wo basa.

Dhaniyeli 8:10

Se litxheho li to kula kala ku li txi hoka ka mabutho a nzumani; se mabutho okari, ni a tinyeleti, li to ma wisa hahatshi, li txi ma kandetela.

Jobe 15:25

Nguko a nawulutile dianza dakwe e wukela Txizimu, e henyela wule wa Mtamo-wotshe.

Jeremiya 50:29

Bhabhilona mu rambeleni vamatiko votshe va va dombako malaho; vekani mazumbo anu madhawani kwakwe, ku nga huluke ni wammweyo; a na tshumetelwe madingano ni mthumo wakwe, nga tona tile a nga maha, mmaheleni toneto, nguko a wukete Mkoma ngu ku ti gwilikisa, a wukete wo Sawuleka wa Israyeli.