Jeremiya 48:2 - Bhiblia Yo Sawuleka

² Wudhundo wa Mowabhi hi nga ngadi wona kambe; aniya Hesbhoni va mmahete txikungo, va txi kha vona: “Ngonani hi ta va fuvisa kasi va si nga ngadi vathu kambe; na nawe Madhimeni, u na hasamulwa; u na londiselwa ngu ditxhari.”

Jeremiya 48:2 Referans Kwoze

Jeremiya 31:36

Va txi hambana ni sileleto siya masoni kwangu, kuwomba Mkoma, mbewu ya ka Israyeli ni yona yi na leka kuva ditiko masoni kwamgu, ngu ha ku si gwitiko.

Isaya 16:14

Aniko, konkuwa, Mkoma a wombile, a txi khene: Mndani ka malembe mararu, ma fanako ni malembe a m'thu wo holelwa, wudhumo wa Mowabhi wu na maha wa kale, ni dotshe dibutho dakwe da hombe; se miboti ya kona yi na va yidotho, kambe kha va na mbiba ni mtamo.

Mitengo 32:37

Se vanana va ka Rubheni, va to aka tinyumba Hesibhoni, ni Eleyale, ni Kiriyatayime.

Jeremiya 49:3

Peka huwa awe Hesibhoni, nguko wa hasamulwa Ayi; huwelelani anu vanana va Rabha, tipambiyeteni ngu masaka, dilani, horolokelani maguma; nguko Malkami a naya wukhumbini, kumweko ni vaphaxeli vakwe ni tinduna takwe.

Jeremiya 48:45

Avale va nga txi tutuma va to ya sisala ka mtsudi wa Hesibhoni; aniko ku so vhutuka mndilo ngu Hesibhoni, ni m'dhikila ngu hagari ka Seyoni, wu txi hisa dikhona da Mowabhi, ni mtamo wa sikarato.

Jeremiya 48:42

Mowabhi a na hasamula, va si ngadi vathu; ngu mhaka yo tikulisa masoni ka Mkoma.

Jeremiya 48:17

Xanisekani kumweko nayo, anu motshe mi ku madhawani kwakwe, ni nanu motshe mi zivako ditina dakwe.

Jeremiya 46:28

U nga thave, awe txithumi txangu Jakobe, kuwomba Mkoma, nguko ni ni nawe; nguko ni na heta otshe matiko ale ni nga kutshotsha ka ona; aniko awe kha ni na mbi kuhetisa, ni na kupeka ngu kupimela, kha ni na mbi leka ku kutsayisa.

Jeremiya 33:24

“Ina u woni ti va ti wombako vathu, va txi kha vona: Tiveleko timbidi ati Mkoma a nga ti sawula, a ti lekile kani? Kambe va txhipisa vathu vangu, va txi nga kha va nga nga va vathu, masoni kwawe.”

Jeremiya 25:17

Ni to teka didjingo manzani ka Mkoma, ni txi di ningela ka otshe matiko me sela, awa Mkoma a nga ti ti ni rumete ka ona.

Jeremiya 25:15

Nguko Mkoma, Txizimu txa Israyeli, a ti khene kwangu: Teka dijingo diya da vhinya da kuhenya manzani kwangu, u seta otshe matiko ni no kurumela ka ona.

Isaya 25:10

Nguko dianza da Mkoma, di na humula ka mmango wuwa; aniko Mowabhi a na ganyatelwa hahatshi ka wona, kufana ni kuganyatelwa ka mwasi ditalani.

Isaya 15:5

Mbilu yangu ya dila ngu mhaka ya Mowabhi; vahombe vawe va tutumile veya Zowari, kufana ni dirole da malembe mararu, nguko va dila va txi kwelela Luwiti, nguko, nzilani ka Horhonayi, va wusa kudila ka hombe ngutu.

Isaya 15:1

Mahungu a Mowabhi. Ngu ditshuri, ngu wusiku wumwewo, didhoropa da Are wa Mowabhi di khundumusilwe, di fuvisilwe; ngu ditshuri, ngu wusiku wumwewo, didhoropa da Kiri wa Mowabhi, di khundumusilwe, di fuvisilwe.

Jeremiya 49:37

Ni na maha ti to Elame e thava masoni ka valala vakwe, ni ka votshe vale va xotako ku m'daya; ni na tisa wubihi txitimwi kwakwe, txiviti txa kuhenya kwangu, kuwomba Mkoma; se ni na rumela ditxhari, kala di txi va fuvisa.