Jeremiya 48:19 - Bhiblia Yo Sawuleka

¹⁹ Ema hanzila u txi xiya, awe u zumbako Aroweri: Wotisa ka wule a tutumako; ni ka wule a nga huluka u txi khawe: Ku to maheka txani kani?

Jeremiya 48:19 Referans Kwoze

Dhewuteronome 2:36

Kukhukhela Aroweri, ku ku mabambe ka mlonga wa Arnoni, ni didhoropa di di ku hagari ka mkova kala Gileyadhi, kuwalo didhoropa di athu hi nga mbi wulela ka dona; Mkoma, Txizimu txathu, a hi ningile otshe madhoropa masoni kwathu.

1 Samuwele 4:16

Se awule wamwamna a to khene ka Eli: Ani ngani wo ta ngu yimbini, nguko ni tutumile yimbini nyamsi. Se ene a to khene: Ku to maheka to txani kani mwanangu?

1 Makronika 5:8

ni Bhela, mwana Azazi, mwana Sema, mwana Joweli, va nga ti akile Aroweri, kala Nebho, ni Bhahali-Meyoni;

2 Samuwele 24:5

Se va to txhatuka Jordhani veya gova hafuhi ni Aroweri, ngu didhawa da txinene ka didhoropa, di di ku hagari ka mkova wa Gadhi, hafuhi ni Jazeri.

Mitengo 32:34

Vavamna va ka Gadhi va to aka tinyumba ta Dhibhoni, ni ta Atirote, ni ta Aroweri;

Joxuwa 12:2

Seyoni mfumeli wa Vaamori, a nga ti akile Hesibhoni a ti ti fuma kukhukhela Aroweri hafuhi ka txinambwana txa Arnoni, kukhukhela hagari ka txinambwana ni kukhukhela ka hafu ya Gileyadhi, kala txinambzanani ka Jobhaki, i ku muhingano wa vanana va Amoni;

Valamuli 11:26

Ku na ni 300 wa malembe, na va ka Israyeli va di akile kona Hesibhoni ni sidhoropanani ka kona, Aroweri ni sidhoropanani ka kona, ni ka otshe madhoropa awa ma ku mabambe ka mnambo wa Arinoni. Ngu kutxani u nga mbi mtekela otshe matiko awa mndani ka ona malembe awa kani?