Jeremiya 48:16 - Bhiblia Yo Sawuleka

¹⁶ Ku hafuhi ni kuta kumwalalelwa ka Mowabhi; ka kuluveta kubiha kwakwe.

Jeremiya 48:16 Referans Kwoze

Isaya 13:22

Se vanyadhukwe va na emba ka tinyumba tawe ta wukoma ta maphanga, ni maxolwa ka tinyumba tawe ta wukoma ta litsako; se mbimo ya dona yi hafuhi ni masiku a kona kha ma na mbi engetelwa.

2 Pedro 2:3

Se ngu mhaka ya timbiti tawe, va na lava mabhindu ngu nganu, ngu kuthumisa mawombawombelo a kukanganyisa. Aniko, kulamulwa kwawe i kale ku di lulamisilwe, ni kulova kwawe kha ku na mbi swela.

Ezekhiyele 12:28

Sekoko va gele ku khawe: Mkoma Txizimu a khene: Kha ku na mbi swela kambe ni dimwedo ka mapswi angu, se dipswi di ni ngadi womba di na maheka, kuwomba Mkoma Txizimu.

Ezekhiyele 12:23

Sekoko va gele ku khawe: Mkoma Txizimu a khene: Ni na fuvisa mawombelo awa, kha ma na mbi va mavingu kambe ka Israyeli; aniko va gele ku khawe: Ma hokile masiku ni dipswi da sotshe siwoniso.

Jeremiya 1:12

Mkoma a nje khene kwangu: “U wonisisile, nguko ani ni verela ti to dipswi dangu di txi tatiseka.”

Dhewuteronome 32:35

Kulumba ani kuphota ni kutshumetela, txa tshuketela txikhati txi mikondo yawe yi no rithimuka, ditshiku da kulova kwawe di hafuhi, ati ti nga longiselwa vona ta tshuketela hafuhi ngu txikuluveta.

Mavingu 7:23

eza e fulwa txivindi ngu lingove, kufana ni txinyana txi tutumelako mlawuni, na txi si ti zivi taku wu riyela wutomi wa txona.