Jeremiya 48:14 - Bhiblia Yo Sawuleka

¹⁴ Mi nga wombisa kutxani mi txi khanu: Hi tindena hi ni mtamo wa kulwa kani?

Jeremiya 48:14 Referans Kwoze

Masalmo 33:16

Mfumeli kha hulukiswi ngu mtalo wa mabutho, hambi wamwamna wa ndena kha xuli ngu mtamo wakwe wa hombe.

Isaya 10:16

Ngu toneto, Mkoma wa Mabutho a Tiyimbi, a na gomisa vale i ku vo ena hagari kwawe, se hahatshi ka wudhumo wa kona ku na tura, kufana ni kutura ka mndilo.

Isaya 10:13

Nguko a khene: Ni mahile eto ngu mtamo wa dianza dangu, ni wutxhari wangu, nguko ni txharihile; Ani ni thavisile mihingano ya vathu, ni handa tithomba tawe, kufana ni ndena, ni wisile vale va nga ti situluni ka wukoma.

Zefaniya 2:10

Eto ti nava hakhelo ya kutikulisa kwawe, nguko va ruketete ni kutikulisa txitimwi ka vathu va Mkoma wa Mabutho a Tiyimbi.

Ezekhiyele 30:6

Mkoma a womba tiya: Va na wa ni vona vale va emelako Egipta, se matshanza a mtamo wawe ma na boxa; kukhukhela Migidholi kala Seveni, eyo va na wiswa ngu ditxhari, kuwomba Mkoma Txizimu:

Jeremiya 49:16

Kasi ngu mhaka ya mathiselo ako, kutikukumukisa ka mbilu yako ku kuxengile. Awe u zumbako mibhalani ka marigwi, u manekako txitimwi ka mimango, hambi u txo guleta txisaka txako nga digama, ni na kukhundumusa koneyo, kuwomba Mkoma.

Jeremiya 9:23

Mkoma a khene: Txhari nga yi si ti dhundi ngu wutxhari wa yona, ni ndena nga yi si ti dhundi ngu wundena wa yona, hambi wu a ku naso, nga asi ti dhudhi ngu kumana kwakwe.

Jeremiya 8:8

Ngu kutxani mi ku khanu: Athu hi txharihile, hi ni Mlayo wa Mkoma kani? Wona mtenga wa makuhu a vabhali, wu hembile makuhu.

Isaya 16:6

Hi pfite kutikulisa ka Mowabhi, wa ti kulisa ngutu, ni kutitsimba kwakwe ngutu, ni kutikukumukisa kwawe, ni kuhenya kwawe, kutikukumukisa kwawe nga walo.

Ekleziyaste 9:11

Se ni to tshumela ni wona hahatshi ka ditambo tito, kututuma hi nga ka wa livilo, hambi kuxula hi nga ka tindena, ni ka kudotho sakudya kha si lumbi va vo txhariha, ni thomba kha yi lumbi va vavanene, ni kudhundeka hi nga ka va mapimo, kambe mbimo ni kukateka si lumba votshe.

Masalmo 11:1

Ani ni themba ka Mkoma. “Mi wombisa kutxani koko ka mdihika dangu mi txi khanu: Thavela mmangoni kwako kufana ni txinyana, kani?”