Jeremiya 48:12 - Bhiblia Yo Sawuleka

¹² Ngu konaho, mata masiku, kuwomba Mkoma, aya ni no rumela ngu ka ona vatheketeli, ava va no maha ti to vathu ve tsimbila ngu mazambo a hombe; va nata tshakunutela siya sawe ni ku bhandelela misava yawe.

Jeremiya 48:12 Referans Kwoze

Nahume 2:2

Nguko Mkoma a na wuyisa kambe kudhundeka ka Jakobe, kumweko ni kudhundeka ka Israyeli; nguko vaonheteli va onhetete, kambe va xurulete madhavi awe.

Jeremiya 48:38

Txitimwi ka totshe tinyumba ta Mowabhi ni mu ka tinzila takwe ta hombe ku na vaho tihuwa ta hombe; nguko ni fayile Mowabhi nga fuko ya kwa mbi tsakisa, kuwomba Mkoma.

Isaya 30:14

Se a na txi faya, nga ti txi fayiswako tona txiya txa muwumbi, a txi txi faya, kha na mbi txi tsetsa; kha ku na mbi maneka ni txirengele tximwetxo, txo hala ngu txona mndilo ha txikho, mwendo kureka ngu txona mati txisimani.

Masalmo 2:9

U na va bhandisa ngu ndonga ya simbi, u txi va fayetela kufana ni khadi ya mraka.”

Jeremiya 48:15

Mowabhi a hasamutwe kumweko ni madhoropa akwe, majaha akwe ma tsulisilwe kudawani, a womba eto Mkoma, awu ditina dakwe i ku Mkoma wa Mabutho a Tiyimbi.

Jeremiya 48:11

Mowabhi a ti ti zumba kuthuthani kukhukhela ha wuphyani kwakwe, a zumbile tithombani kwakwe; kha nga thaviswa ka txiya a txi vekwa ka tximwani, kambe kha tsuliswa wukhumbini; ngu mhaka yeto a xayisile wunene wakwe, ni kubhumula kwakwe kha nga txitxa.

Jeremiya 48:8

Nguko a nata mxaseli txitimwi ka didhoropa dimwedo ni dimwedo, kha ku na mbi huluka ni da dimwedo, mkova wu na lova, ku na onhetelwa lotshe libala; nguko Mkoma a wombile.

Jeremiya 25:34

Anu vadyisi, pekani huwa mi txi dila. Pulukutani dikhumani, anu vahombe va mtxhambi. Nguko masiku a kudawa kwanu ma hokile, ni na mi hangalasa, mi na wa, nga txiya txa lisima.

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.

Jeremiya 19:10

Sekoko u na faya khadi masoni ka vathu vale va nga ku bangalata,

Jeremiya 14:3

Vahombe vawe va rumile vavadotho kuya lava mati. Va txita sisimani kha va mani mati, va tshumela ni tifuko tawe ta maphanga. Vapfa tingana va txi goo! Na va txi fenengeta misungo yawe.

Isaya 16:2

Nguko mahorana a Mowabhi mata mabeloni ka Arinoni, kufana ni sinyana si si purumako, ni mavhondo a ma hangalaswako sisakani ka ona.

Jeremiya 48:13

Mowabhi a nave ni tingana ngu Kemosi, nga kule nyumba ya ka Israyeli yi nga pfa tingana ngu Bheteli, txithembo txakwe.