Jeremiya 48:11 - Bhiblia Yo Sawuleka

¹¹ Mowabhi a ti ti zumba kuthuthani kukhukhela ha wuphyani kwakwe, a zumbile tithombani kwakwe; kha nga thaviswa ka txiya a txi vekwa ka tximwani, kambe kha tsuliswa wukhumbini; ngu mhaka yeto a xayisile wunene wakwe, ni kubhumula kwakwe kha nga txitxa.

Jeremiya 48:11 Referans Kwoze

Zefaniya 1:12

Se ku na maheka taku, ka yona yile mbimo, ni woningeta Jerusalema ngu malambu, ni tsayisa vavamna vale va khalahatshako txitimwi ka nzambwa yawe, va kukhona ngu mbiluni kwawe: Mkoma kha mahi ta tinene, kambe kha mahi to biha.

Zakariya 1:15

Se ngu kuhenya ka hombe, na henyela matiko ale ma ku kuhumulani; nguko, mbimo yi ni nga ti ti swirwekile ka kudotho, ona ma to engetela wubihi.

Nahume 2:2

Nguko Mkoma a na wuyisa kambe kudhundeka ka Jakobe, kumweko ni kudhundeka ka Israyeli; nguko vaonheteli va onhetete, kambe va xurulete madhavi awe.

Jeremiya 48:29

Hi pfite kuwomba ngu mabava a Mowabhi, wa livengo ngutu, wo ti guleta ni kutikulisa, e ti veka txitimwi, ni ku ti gwilikisa ngu mbilu.

Isaya 24:3

Otshe mafu ma na sala i di txiwula, otshe ma na handwa, nguko Mkoma a wombile dipswi diya.

Isaya 16:6

Hi pfite kutikulisa ka Mowabhi, wa ti kulisa ngutu, ni kutitsimba kwakwe ngutu, ni kutikukumukisa kwawe, ni kuhenya kwawe, kutikukumukisa kwawe nga walo.

Masalmo 123:4

Timbilu tathu ta kolwa ngu kuvengelwa ngu vale vo zumbiseka ni kupoyilelwa ngu vale vo tiguleta!

Masalmo 55:19

Txizimu, txi txi fumako kala kupinduka, txi na ni engisa, txi txi va veka hahatshi. Nguko vona kha va hunduluki kambe kha va thavi Txizimu.

Jeremiya 51:34

Nebhukodhonosori, mfumeli wa Bhabhilona, a ni vhandamulete, e ni ganyatela, a ni mahile txiya txa diphanga, a ni mitile nga mwamilambo, a tatile mrumbu wakwe ngu silo sangu sa sinene; a ni tshotshile hahanze.

Isaya 25:6

Se Mkoma wa Mabutho a Tiyimbi a na ninga ka mmango wuwa ka votshe vathu, m'buso ngu sihari so nona, m'buso wa vhinya ya yinene, kudya sakudya sa mafura, kuselwa ni vhinya ya yinene, yo surutetwa kha kwati.

Mavingu 1:32

Nguko avale vo pwata mapimo va na dawa ngu kutimela kwawe, se kuhumelela ka siphukuphuku ku na va fuvisa.

Nahume 2:10

A na sala i ti diphanga, a di gumile, i di marumbi; se mbilu ya bhibhika, ni mazolo ma dhudhumela, kambe wotshe msana wa panda; ni tikhohe tawe votshe ta kwalala.

Jeremiya 22:21

Ni wombawombile ni nawe ti txi ngadi ti kuhumela kwati, Aniko u txi khawe: “Kha ni na mbi engisa.” Ngu ona mahanyelo ako kukhukhela wananani, aku, khu na mbi pfa dipswi dangu.

Jeremiya 48:12

Ngu konaho, mata masiku, kuwomba Mkoma, aya ni no rumela ngu ka ona vatheketeli, ava va no maha ti to vathu ve tsimbila ngu mazambo a hombe; va nata tshakunutela siya sawe ni ku bhandelela misava yawe.