Jeremiya 48:10 - Bhiblia Yo Sawuleka

¹⁰ A ruketetwe wule a mahako mthumo wa Mkoma ngu wukanganyisi! A ruketetwe nene wule asi lekiko kutheketa mnoha ngu ditxhari.

Jeremiya 48:10 Referans Kwoze

1 Vafumeli 20:42

Se ene a to khene ka mfumeli: Mkoma a khene: Ngako u nga mleka wamwamna wule ni nga leleta ku e dawa, wutomi wako wu na lova wukhaloni ka wutomi wakwe, ni vathu vako ka wukhalo wa vathu vakwe.

1 Samuwele 15:3

Tsula koko, konkuwa, u ya xasela Vaamaleki, u onhetela sotshe si va ku naso, u nga vatsetse; aniko u na daya vavamna ni vavasikati, vafana ni vanana va ha tshumbuni, tihomu ni tinvuta, makamelu ni timbongola.

Valamuli 5:23

Ruketelani Merozi, kuwomba Ngelozi ya Mkoma, ruketelani, ruketelani, vaaki va kona! Nguko, kha vata ku ta lamulela Mkoma, ku ta lamulela Mkoma, kumweko ni tindena.

2 Vafumeli 13:19

Se m'thu wa Txizimu a to henya ngutu, a nje khene: U ti ti dingani kuzima ka mtxhanu hambi mtxhanu ni kumweko; ati tiku u ndi na lwisa Vasiriya uza u va heta; sekoko konkuwa u na lwisa Vasiriya kuraru wa kona.

1 Samuwele 15:9

Se Sawule ni vathu vakwe va to divalela Agage, ni tinvuta takwe ta ti nene ni tihomu takwe, tihamba, ni simwani sa lisima, kha va lava ku si lovisa do gwita; kambe sotshe simaha sa kwa mbi vhuna txilo ni sa kwa mbi na lisima va to si lovisa do gwita.

Jeremiya 50:25

Mkoma a tute sizenda sakwe, a thavisile siya so kombisa kuhenya kwakwe; nguko Mkoma, Mkoma wa Mabutho a Tiyimbi a ni mthumo a lavako ku wu maha ditikoni ka Vakaldheya.

Jeremiya 47:6

Awe ditxhari da Mkoma! U na humula yihi mbimo kani? Tshumela u txi nga humula msavani kwako, u txi malala.

1 Vafumeli 20:39

Se mprofeti a to peka huwa mbimo yile a nga ti pinda mfumeli Akabe, a txi khene: Ani txithumi txako ni humile hagari ka kulwa, se wamwamna wokari a to ni tisela mmwani wamwamna na a txi khene: “Wonelela wamwamna wuwa. A txo dhuka e pwateka, u na diha ngu wutomi wako, wukhaloni ka wutomi wakwe, mwendo kudiha ngu talenta yimweyo ya silivhela.”

1 Vafumeli 20:40

Ku to maheka taku, mbimo yile ni nga txi thuma timwani, ene koko a so mwaa. Sekoko mfumeli wa ka Israyeli a to khene: Ewo mnandu wako, u nga wu womba upune.

Jeremiya 11:3

u txi ka vona: Mkoma, Txizimu txa Israyeli, a khene: A ruketetwe m'thu wu asi engisiko timhaka ta txiya txitumelelano,

Jeremiya 47:7

U nga humulisa kutxani na u ti ningilwe mlayo ngu Mkoma, wo wukela Asloni, ni ku vhinganyisela mabambe ka linene kani? Ngumo u nga rumwa kona.

Jeremiya 50:27

Dayani otshe marole a madhuna ngu ditxhari, ma tsuliseni wudayeloni: Dikhombo dawe! Nguko di hokile ditshiku dakwe, mbimo ya kutsayisa kwakwe.

Joxuwa 10:19

Se anu mi nga emeni: Tutumisani valala vanu, va londeteni ngu msana, kambe mi nga va lekeni va txi wulela madhoropani kwanu, nguko Mkoma, Txizimu txanu, a va ningete manzani kwanu.”